Parasha Shoftim - RIGTERS
Min dinge is so noodsaaklik vir ons geestelike welsyn as Gelowiges as om nie ongeliektes/ongelyk ingespan te wees nie [of: om nie 'n ongelyke juk te dra nie]. Tog gee baie Gelowiges daar min ag op. Ja, ons leef in die wêreld, maar Yeshua het gesê dat ons nie van die wêreld is nie. Uit die aard van die saak moet ons in kontak wees met ongelowiges en sondaars, maar ons moenie soos hulle word nie. Ja, dit is vir ons onmoontlik om te isoleer in 'n wêreld vol ongelowiges, maar al beweeg, werk en leef ons tussen hulle, mag ons nie deur hulle besoedel word nie. Yeshua was 'n vriend van tollenaars en Hy het saam met sondaars geëet, tog was Hy heilig, onskuldig, onbesmet en afgeskei van hulle.
Dus, hier lê die probleem: 'n probleem van verhoudings; hoe om 'n vriend van sondaars te wees en tog terselfdertyd afgeskei van sondaars te bly. Terloops, hierdie kwessie van om nie in 'n ongelyke juk te trek nie, is nie net vir huwelike nie; dit strek eintlik veel verder as dit. Trouens, in die gedeelte wat ons lees, is die huwelik nie die primêre kwessie nie. Om ongelyk ingespan te wees, omvat 'n hele spektrum van verhoudings en vennootskappe en herinner ons dat ons eerste lojaliteit as Gelowiges aan die Here is, en dat afgesonder wees tot Hom noodsaaklik is om met Hom te wandel en Hom op 'n dieper en more intieme manier te ken.
Om in 'n ongelyke juk te trek, het te make met ons verhoudings. Let op wat die Skrif sê: "14) Moenie in 'n juk saamtrek met ongelowiges nie." Die beginsel van ongelyke inspanning raak dus ons verhoudings met alle ongelowiges. Dit gaan oor ons interpersoonlike verhoudings, dit gaan oor die grense wat ons moet stel ten opsigte van ons gemeenskap, vriendskappe, vennootskappe en enige ander persoonlike kontak wat ons met ongelowiges het.
Die idee van 'n ongelyke juk kom van 'n boerdery-analogie waar twee diere van verskillende soorte en sterkte saam gekoppel word om 'n land te ploeg — 'n praktyk wat in die Torah verbode was. 'n Juk is 'n harnas wat twee diere se sye aan mekaar vasheg, en vanselfsprekend sal beide diere ly as 'n sterker, meer dominante dier saam met 'n swakker een ingespan word. Veral die swakker dier sal beskadig word deur die trek van die sterker een. In geestelike sin praat "ongelyk ingespan" daarvan dat Gelowiges 'n band vorm met ongelowiges. Dit is wat die teks sê: "Moenie in 'n juk saamtrek met ongelowiges nie."
Die woord "ongelowige" in Grieks — die taal wat Paulus gebruik het om hierdie skrifgedeelte te skryf — beteken: "iemand wat trouloos is, iemand wat skepties is oor die dinge van God, iemand wat nie op Messias Yeshua vertrou nie." Dit is wat hier bedoel word, en die idee is dat 'n Gelowige nie enige formele reëling, enige soort bindende vennootskap, enige verbond of kontrak of band mag aangaan met diegene wat in ongeloof is nie. Waarom? Omdat die verhouding, volgens die Woord van God, skadelik vir hul geestelike lewe sal wees. Jy sien, 'n ongelyke juk gelyk aan 'n ongesonde/ongebalanseerde verhouding.
Waarlik, een van Satan se grootste middele om Gelowiges te verlam, was "die beginsel van die ongelyke juk." Sy enigste doel is om Gelowiges van hul hoër pad in Messias Yeshua af te sleur na die laagste vlakke van die wêreld. Pas op: "Moenie in 'n ongelyke juk saamtrek met ongelowiges nie..." maar eerder... "kom onder hulle uit en sonder julle af, sê die Here, en moenie die onrein ding aanraak nie, en Ek sal julle aanneem."
KLIK:
KLIK:
KLIK:
KLIK:
BESOEK ons blog:
As u geseën word deur die onderwysinge, preke en kommentare wat ons deel, oorweeg dit asseblief om die bediening te steun. Kontak ons vir meer inligting: daatbina@gmail.com
SKENK met behulp van PayPal:
Titus {2:13} "terwyl ons die salige hoop en die verskyning van die heerlikheid verwag van die grote God en ons Verlosser, Jesus Christus,"
D'VAR TORAH SHOFTIM – RIGTERS
DEVARIM (DEUTERONOMIUM) 16:18–21:9
Deuteronomium {16:18} "REGTERS en opsigters moet jy vir jou aanstel in al jou poorte wat die Here jou God jou sal gee volgens jou stamme; en hulle moet die volk oordeel volgens 'n regverdige regspraak. {16:19} Jy mag die reg nie verdraai nie; jy mag nie partydig wees nie; ook mag jy geen omkoopgeskenk aanneem nie, want die geskenk verblind die oë van die wyse en verdraai die sake van die wat reg het. {16:20} Geregtigheid, geregtigheid moet jy najaag, dat jy kan lewe en die land in besit kan neem wat die Here jou God jou sal gee. {16:21} Jy mag vir jou nie 'n heilige boomstam — enige boom — plant langs die altaar van die Here jou God wat jy vir jou sal maak nie. {16:22} Ook mag jy vir jou geen klippilaar, wat die Here jou God haat, oprig nie."
Hierdie week se Parasha begin daarmee dat die Here die gebod gee om altyd onpartydig te wees in ons oordele en nooit 'n omkoopgeskenk te aanvaar nie. Ek dink ons almal weet alte goed, en dit spreek soveel as vanself, dat 'n omkoopgeskenk of geskenk 'n oordeel kan en sal vertroebel. Ek was as rabbi uiters versigtig om niemand aan te moedig om vir my groot geskenke, veral geld, te gee nie. Ek beklemtoon die woord groot omdat klein geskenke uitdrukkings van waardering kan wees en dit soms in 'n gepaste situasie aanvaarbaar is. Ek kan egter sien hoe 'n groot geskenk of een wat met die verkeerde motiewe gegee word, my oordeel sou kon vertroebel het en dalk daartoe sou kon lei dat ek iemand nie behoorlik teregwys of dissiplineer nie. Regverdige oordele en die gee van omkoopgeskenke is baie belangrike onderwerpe en ek kan beslis 'n hele kommentaar daaroor skryf. Dit is egter nie wat my getref het toe ek deur hierdie Torah-parasha gelees het nie. Dit is die verse wat uitgestaan het:
Deuteronomium {16:21} Jy mag vir jou nie 'n heilige boomstam — enige boom — plant langs die altaar van die Here jou God wat jy vir jou sal maak nie. {16:22} Ook mag jy vir jou geen klippilaar, wat die Here jou God haat, oprig nie."
Ons kan sien dat die Here onbuigsaam is oor die oprigting van 'n Asjera van enige soort boom of enige soort pilare langs Sy altaar van brandoffers nie. 'n Asjerapaal of gedenksteen is 'n simbool van heidense aanbidding. Die heidense nasies wat Israel sou verdryf, veral die Kanaäniete, het hierdie gekerfde bome en pale op hulle religieuse plekke opgerig as deel van hulle heidense verering vir hulle sataniese gode. Die Here wil nie hê dat Sy volk iets met hierdie of enige ander soort heidense praktyk te doen moet hê nie. Hy wil veral nie hê dat ons heidense praktyke met ons aanbidding van Hom meng nie.
Watter betekenis het hierdie gebod vir ons vandag? Baie, sou ek sê, omdat die meeste Christelike denominasies ongelukkig heidense praktyke meng met die aanbidding van die Enige Ware God. Eerstens het hulle die heidense simbool van 'n versierde boom (kersboom) geïnkorporeer en dit verbind met die aanbidding van die geboorte van ons Messias Yeshua. Daarbenewens het baie Christelike denominasies Paaseiers, 'n simbool van die Mesopotamiëse godin van seksuele liefde en vrugbaarheid, geïnkorporeer in die aanbidding van die opstanding van Yeshua. Daar is selfs sommige denominasies wat politeïsme in hulle geloof oorgeneem het deur die praktyk om tot heiliges te bid. Onwetend glo hulle verkeerdelik dat hierdie “heiliges” vir hulle by God kan intree, terwyl hulle in werklikheid tot dooie mense bid — iets wat deur Taoïsme beoefen word.
Christene is egter nie die enigstes wat skuldig is nie. Judaïsme het die antieke Egiptiese simbool wat met die maangodin Tania geassosieer word, in hulle geloofssisteem geïnkorporeer. Die “hamsahand” — ook bekend as “die hand van Maria en die hand van Miriam” — tesame met die simbool van die “alwetende oog”, wat albei van heidense oorsprong is, is vandag nog deel van Judaïsme gemaak. Judaïsme het ook die onderrig en beoefening van kabbala geïnkorporeer: 'n vorm van Joodse mistiek wat, onder andere verfoeilikhede, astrale projeksie en reïnkarnasie leer. Kabbala stop egter nie by Judaïsme nie! Selfs Messiaanse Jode het toegelaat dat kabbalapraktyke in hulle onderwys insluip. Net so hou talle Gelowiges eksemplare van die Koran, die Boek van Mormon en ander boeke wat gruwels leer, in hulle huise sonder om daaraan te dink. Dan is daar ook die gebruik om standbeelde van Boeddha en ander sataniese, heidense godheid-simbole as versierings in huise te hou.
Deuteronomium {7:26} “En jy mag geen gruwel in jou huis inbring nie, sodat jy nie net so onder die banvloek kom nie; jy moet daar heeltemal 'n afsku van hê en dit geheel en al as gruwel beskou; want dit is onder die banvloek.”
Ons kan nie dubbelsinnig wees nie. Ons aanbid God óf met ons hele siel, met al ons krag, met ons hele hart en Hom alleen, óf ons verdraai ons aanbidding van Hom deur vreemde heidense praktyke in ons aanbidding te vermeng.
Mattheus {7:13} “Gaan in deur die nou poort, want breed is die poort en wyd is die pad wat na die verderf lei, en daar is baie wat daardeur ingaan.”