Bewapening

BeShalach

(Wanneer Om Te Laat Gaan)

Eksodus 13:17 – 17:16

Rigters 4:4 – 5:31

Johannes 6:22 – 40

Eksodus {13:17} “TOE Farao die volk laat trek het, het God hulle nie op die pad na die land van die Filistyne gelei nie, alhoewel dit nader was; want God het gesê: Die volk kan dalk berou kry as hulle oorlog sien, en teruggaan na Egipte. {13:18} Daarom het God die volk laat wegdraai in die rigting na die woestyn, na die Skelfsee toe. En die kinders van Israel het goed gewapend uit Egipteland opgetrek.”

Dit is interessant dat hierdie verse meld dat die kinders van Israel Egipte gewapen verlaat het, maar dat die Here hulle nie naby die Filistyne verby gelei het nie, sodat hulle nie ‘n oorlog sou beleef en daarna na Egipte sou wou terugkeer nie. Ek het altyd geglo dat indien jy jouself bewapen, jy voorbereid moes wees om jou wapen te gebruik, of dit nie saam met jou dra nie. Die kinders van Israel was egter gewapen, maar nie daarop voorberei om te veg nie!

Daar was al heelwat weerspreking en bespreking oor die feit of gelowiges in Jesus die Messias wapens behoort te besit al dan nie. Voordat ek as gelowige die Here aangeneem het, het ek ‘n wapen besit, wat wel wettig was in die staat waar ek gewoon het; trouens, ek het meer as een besit. Ek het persoonlik ‘n wapen gedra en een in my motor gehou. Toe ek egter gered is, het ek al my wapens gebêre en my veiligheid en sekuriteit aan die Here toevertrou.

Ek moet tog byvoeg dat tot vandag toe, was die Here in daardie opsig getrou. Beteken dit dus dat alle gelowiges in Jesus die Messias, waar dit wettig is, nie ‘n wapen vir beskeming behoort te besit nie? Ek gee toe dat ek nie heeltemal seker is nie; ons het verskeie boodskappe daaroor in die Bybel.

Ons weet dat God moord afkeur; volgens die Skrif behoort ons nie te moor nie, maar dit sê nie dat ons nie mag doodmaak nie. Na alles keur die Here nie oorlog goed nie, wat vanselfsprekend wapens insluit en doodmaak.

Lukas {22:35} “EN Hy sê vir hulle: Toe Ek julle uitgestuur het sonder beurs en reissak en skoene, het julle iets kortgekom? En hulle antwoord: Niks nie. {22:36} Toe sê Hy vir hulle: Maar nou, wie 'n beurs het, laat hom dit neem en so ook die reissak; en wie dit nie het nie, moet sy kleed verkoop en 'n swaard koop.”

Oënskynlik het Jesus niks verkeerd gesien in die dra van ‘n wapen nie, selfs in vredestyd nie. Petrus het op die Olyfberg ‘n wapen gedra, wat beteken het dat hy een besit het. Dan het ons egter hierdie Skrifgedeelte: 

Matthéüs {26:52} “Toe sê Jesus vir hom: Sit jou swaard in sy plek terug; want almal wat die swaard neem, sal deur die swaard vergaan.”

Dit is juis ‘n Skrifgedeelte wat dikwels deur hulle wat wapens besit of dra, teenstaan. Vertel Jesus dus vir ons dat ons nie wapens behoort te dra nie? Die feit is dat Jesus nie hier vir Petrus aangespreek het nie. Hy het verwys na diegene wat teen Hom opgeruk het om Hom met geweld gevange te neem met hulle eie wapens. In hierdie Skrifgedeelte het Jesus voorspel oor hoe hierdie mense, wat Hom met swaarde sal gevangeneem, self sou sterf. Hulle het gekom om Hom met wapens te oorrompel, nou sê Hy egter dat hulle self met wapens oorrompel sal word.

Dan is daar egter Skrifgedeeltes soos dié:

Psalms {37:39} “Tau. Maar die hulp van die regverdiges is van die Here, hulle toevlug in tyd van benoudheid. {37:40} En die Here help hulle en red hulle; Hy red hulle van die goddelose mense en verlos hulle, want hulle skuil by Hom.”

Sekerlik stel hierdie Skrifgedeelte en soveel meer so, dat dit nie vir gelowiges nodig is om hulself met wapens te verdedig nie. Aan die anderkant het Dawid, terwyl hy deur koning Saul agtervolg is, hierdie Psalm geskryf en het hy boonop altyd gereis met ‘n klein goedgewapende leërmag.

Wat is dus my gevolgtrekking en antwoord op die vraag of gelowiges in Jesus die Messias gewapen behoort te wees? Dit wil voorkom dat daar geen skriftelike grondige bewys is wat die dra van wapens verbied nie, op voorwaarde dat dit wettig is om dit te doen. Ons moet egter onthou dat indien ons ‘n wapen dra, moet ons voorbereid, gewillig en opgelei wees om dit te gebruik, anders mag ons opeindig soos Petrus, wat ‘n visserman was en probeer het om Jesus met ‘n swaard te verdedig en indien dit nie vir Jesus se tussenkoms was nie, kon hy deur die swaard gesterf het.        

Kom gou Jesus!

PDF weergawe

Gees van die Antichris?

Bo

(Gaan)

Eksodus 10:1 – 13:16

Jeremia 46:13 – 28

1 Korinthiërs 11:20 – 34

1 Johannes {2:18} “KINDERS, dit is die laaste uur; en soos julle gehoor het dat die Antichris kom, bestaan daar ook nou baie antichriste, waaruit ons weet dat dit die laaste uur is.”

1 Johannes {4:3} “en elke gees wat nie bely dat Jesus Christus in die vlees gekom het nie, is nie uit God nie; en dit is die gees van die Antichris waarvan julle gehoor het dat hy kom, en hy is nou al in die wêreld.”

In hierdie twee Skrif-gedeeltes, waarsku die apostel Johannes ons aangaande die gees van die antichris; trouens, ons word gewaarsku dat hierdie gees alreeds in die wêreld aan die werk is. Die gees van die antichris, waarna Johannes verwys, is nie ‘n persoon nie, maar ‘n werklike demoniese gees, wat Jesus as God asook die bestaan van die Vader ontken

2 Johannes {1:7} “Want baie verleiers het in die wêreld ingekom: die wat nie bely dat Jesus Christus in die vlees gekom het nie. Dit is die verleier en die Antichris.”

Hierdie gees was in die wêreld aan die werk sedert Lucifer se val uit die hemel en was duidelik reeds aktief gedurende die tyd toe Johannes sy Briewe geskryf het. Ons gaan sien dat dit ook reeds aktief was in Egipte toe Moses met die Farao onderhandel het oor die vrylating van die kinders van Israel; dit is steeds aktief misleidend aan die werk tot vandag toe. Dit is ‘n bedrieglike gees, ‘n gees vol leuens en ‘n beheersugtig, soos wat ons daaroor in hierdie Parasha lees.

Eksodus {10:7} “Toe vra Farao se dienaars vir hom: Hoe lank sal die man vir ons 'n strik wees? Laat die manne trek, dat hulle die Here hulle God kan dien. Weet u nog nie dat Egipte te gronde gaan nie? {10:8} Daarop bring hulle Moses en Aäron na Farao terug, en hy sê vir hulle: Gaan heen, dien die Here julle God. Wie is dit eintlik wat wil gaan?”

Eksodus {18:10} “Daarop sê Jetro: Geseënd is die Here wat julle verlos het uit die hand van die Egiptenaars en uit die hand van Farao, wat die volk onder die hand van die Egiptenaars uit verlos het. {18:11} Nou weet ek dat die Here groter is as al die gode, naamlik in die saak waarin hulle vermetel was teen hulle.”

Eksodus {10:24} “Toe het Farao Moses laat roep en gesê: Gaan heen, dien die Here; net julle kleinvee en julle beeste moet agtergehou word. Selfs julle kinders kan met julle saamgaan.”

In hierdie drie Skrifgedeeltes kan ons duidelik die beheersugtige aard van die gees van die antichris sien. Ons kan sien hoeveel dit probeer het om beheer oor Moses en die kinders van Israel uit te oefen deur die ontkenning van die opperste gesag van die God van Israel en die kinders van Israel en deur wat dit gesê het: “Julle kan gaan gaan, maar nie julle kinders nie” en toe “Julle en julle kinders kan gaan, maar nie julle vee nie”. Dit was dieselfde gees wat in die Soviet Rusland gewerk het en is dieselfde gees wat nou werk in ander kommunistiese en onderdrukkende diktator-leidende lande oor die wêreld heen.

In Kuba kan gesinne as eenheid nie reis buite die land nie. Die kinders moes agterbly en soms die kinders en een ouer. Toe die eerste groot groep Jode die voormalige Soviet Unie verlaat het, is hulle toegelaat om na Israel te gaan maar moes alles wat hulle besit het, agterlaat. Hulle is toegelaat om te gaan met slegs wat hulle in één tas kon inpak en net ‘n gespesifiseerde en beperkte bedrag in kontant saamneem.

‘n Mens kan ooreenstemmende voorwaardes tussen die Farao koning van Egipte sien met die vrylating van die kinders van Israel en die beperkings op mense geplaas deur hedendaagse tiranne. Dit is omdat dieselfde antichris se gees aktief werksaam was in die Farao en vandag steeds aktief te werk gaan.

Hierdie bedrieglike leuenagtige beheersugtige gees is nie slegs beperk tot die werking van regerings, diktators en tiranne nie. Dieselfde gees mag selfs besig wees om aktief in jou te werk. Indien jy ontken dat Jesus die Paaslam is; as jy ‘n chroniese leuenaar en bedrieër is; indien jy voorgee om meer te wees as wat jy werklik is; of as jy ‘n beheersugtige persoon of konstante klaer is, dan is die gees van die antichris aan die werk in jou! Begeer jy om uit die kloue van Satan verlos te word? Dan is ek beskikbaar om jou te wys hoe en om jou by te staan. Ek kan jou lei in gebede van redding en vrymaking. Kontak my gerus by die E-pos: daatbina@gmail.com. Ons mag miskien nie in hierdie tyd, die wêreld van die antichris bevry nie, maar ons kan JOU bevry!

Kom gou Jesus!

PDF weergawe

Mense-offering

Shemot

(Name)

Eksodus 1:1 – 6:1

Genesis {1:1} “EN dit is die name van die seuns van Israel wat in Egipte gekom het; saam met Jakob het hulle gekom, elkeen met sy huisgesin: {1:2} Ruben, Símeon, Levi en Juda; {1:3} Íssaskar, Sébulon en Benjamin; {1:4} Dan en Náftali, Gad en Aser. {1:5} En al die siele wat uit Jakob se lende voortgekom het, was sewentig siele. Maar Josef was in Egipte. {1:6} Josef het gesterwe, en al sy broers en daardie hele geslag.”

Voor hierdie tyd in die geskiedenis, was die kinders van Israel ‘n nomadiese stam wat in Kanaän gewoon het. Jakob en sy seuns was veewagters, hoofsaaklik skaapherders. Die Kanaäniete het geen probleem met hierdie beroep gehad nie, aangesien hulle ook veewagters was. Die Egiptenaars het egter ‘n veragting vir skaapwagters gekoester; hulle het dit beskou as die laagste van beroepe en die gebruik van offerandes verafsku asook die slag en eet van skape. Dit was omrede daar in hulle godehemel ‘n skaapgodheid was, wat hulle aanbid het. Dus was die gebruik van offerande, slag en eet van skaapvleis vir hulle ‘n afskuwelikheid. Om hierdie rede was Israel se aanwesigheid in Egipte ideaal vir God se doeleindes. Hy wou die ondertrouery van Sy verbondsvolk voorkom, iets wat reeds in die tyd van Juda plaasgevind het, toe hy met ‘n Kanaänitiese vrou getrou en kinders gehad het. Indien God die kinders van Israel wou inbou in Sy persoonlike skat, kon hulle nie toegelaat word om deur ander nasies opgeneem te word nie. Daarbenewens wou God hulle vestig en afsonder van die Egiptiese leefstyl en afgodsaanbidding - dit is verseker deur hulle beroep. As skaapwagters, kon Josef hulle vestig en sy herenigde familie in die verste provinsie van Egipte, Gosen, afsonder, Gosen was ‘n vrugbare gebied en geskik vir skaapherders en daar word vermoed dat dit geleë was naby die Kanaänitiese grens, vêr weg van die groot stede van Egipte. Soos ons kan aflei uit die Skrifgedeelte, hierbo aangehaal, was die doelwitte van God geslaagd en die kinders van Israel het so vermeerder dat dit die Egiptenaars bekommer het.

Dit bring my by die punt wat ek graag wil maak. My eggenote en ek is baie betrokke by die beweging “Pro Life” (vir die behoud van lewe) Dit was een van ons gunsteling-bedienings vandat ons mekaar ontmoet het. Om hierdie rede probeer ons steeds om op die hoogte te bly met wat met die “Pro-Life” - beweging in Israel plaasvind. Be’ad Chaim behartig die bediening aldaar.

Ongelukkig is aborsie wettig in Israel. Ofskoon die aantal aborsies sedert 1988 afgeneem het, word daar volgens die Israeli Sentrale Buro van Statistiek, nagenoeg 20 000 aborsies per jaar uitgevoer. Alhoewel aborsies steeds onder die Israeli-reg beperk word, sal dit vermoedelik noukeurig ondersoek word, maar blyk dit reeds dat 32% van alle aborsies suiwer volgens keuse uitgevoer word. Ons siening is dat die enigste regverdigbare rede vir aborsie is wanneer die lewe van die moeder in gevaar gestel word.

Hoe het tye nie verander nie! Duisende jare gelede het die Farao Joodse kinders in die Nylrivier laat gooi as voedsel vir die krokodille; vandag vermoor ons Joodse kinders en word ons seuns en dogters geoffer aan die god van selfbelang. Ons het nie langer ‘n Farao of ‘n Hitler nodig om ons kinders dood te maak nie, ons doen dit self! Waarom? Dit is omdat die grootste deel van Israel hulle God verwerp en ‘n sekulêre gemeenskap geskep het, wat nie die beginsels van die Tora nakom nie.

Toe God die voorouers na Egipte gestuur het, was dit met die doel om ‘n nasie te bou wat die voorskrifte van die Tora sou navolg.

Hy wou Israel weghou van die heidendom en hulle so talryk soos die sterre aan die hemel maak. Die Satan is egter van voorneme om die Joodse volk te elimineer en aborsie is een van sy middele om dit te doen; laat ons saamstaan en sy pogings teenwerk. Ondersteun en bid vir “Pro-Life” - Israel en verleen hulp in hulle poging om Joodse babas te red.    

Kom gou Jesus!

PDF weergawe

 

Keuses

VaEra

(En Ek Het Verskyn)

Eksodus 6:2 – 9:35

Keuses

Eksodus {9:17} “Versit jy jou nog teen my volk, dat jy hulle nie wil laat trek nie? {9:18} Kyk, Ek sal môre omtrent sulke tyd 'n baie swaar hael laat reën soos wat in Egipte nie gewees het van die dag af dat dit gegrond is tot nou toe nie. {9:19} Stuur dan nou en laat jou vee en alles wat jy in die veld het, in veiligheid bring; al die mense en die diere wat in die veld gevind word, en wat nie binnekant gebring is nie — op hulle sal die hael val, sodat hulle sterwe. {9:20} Hy wat die Here se woord gevrees het onder die dienaars van Farao, het sy slawe en sy vee in die huise laat vlug; {9:21} maar hy wat op die Here se woord geen ag gegee het nie, het sy slawe en sy vee in die veld laat bly.”

Die Here het die Farao en die Egiptenaars voldoende waarskuwing gegee voordat Hy elk van die plae oor hulle land laat kom het. Hierdie is egter die enigste plaag waar Hy begenadiging verleen indien hulle hul vee onder skuiling bring sodat hulle nie doodgeslaan word nie. Die gevolge van hierdie volgende plaag kon eenvoudig vermy gewees het deur gehoorsaam te wees en na God te luister. Dit is die enigste plaag waar die Here die mense waarsku om binne te bly indien hulle nie wou sterf nie. Dit word geglo dat die haelstene waarmee God Egipte getref het, ontsettend groot was.Dit móés inderdaad groot gewees het om die lewe van een waterbuffel van eenduisend kilogram ( tweeduisend pond), wat normaalweg deur die Egiptenaars vir boerdery gebruik is, dood te slaan. Soos ons in die Skrif lees, het nie almal in Egipte op die Here se waarskuwing ag geslaan nie. Slegs ‘n geringe aantal Egiptenaars het die God van Israel gevrees en enigsins ag geslaan op hierdie waarskuwing, selfs na al die plae wat oor hulle gekom het. Deur nie op God se waarskuwing veel ag te slaan nie, het beteken dat hulle alles wat hulle gehad het, hulle vee, slawe, families en selfs hulle self gesterf het. God kon dus nie verantwoordelik vir al die sterftes gehou word nie - dit was, trouens, hulle eie keuse. 

Die Israeli Verdedigingsmagte (IVM) gebruik hierdie selfde metode vóór weerwraakaanvalle teen Hamas en Gaza. Hulle het die inwoners van Gaza gewaarsku deur pamflette te versprei en oproepe na hulle selfone te maak, om hulle te waarsku om skuiling te soek, in hulle huise te bly of konflikareas te ontruim. Diegene wat dit nie gehoorsaam het nie en hulself blootgestel en gevolglik vermink is of gesterf het, was dit hulle eie keuse, waarvoor die IVM nie verantwoordelik gehou kon word vir beserings of sterftes van burgelikes wat die waarskuwing ignoreer het. Diegene wat egter die waarskuwings eerbiedig het, was redelik veilig van beserings en en moontlike sterftes. Deur uitstel aan te bied vir vervolging, het die IVM dikwels hul eie troepe in gevaar gestel, maar dit was die regte optrede om te volg.

Daar is ‘n ander waarskuwing wat die Here aan ons gegee het en dit is vervat in ‘n ander Skrifgedeelte, wat ons almal ernstig behoort op te neem:

Deuteronomium {28:1} “AS jy dan goed luister na die stem van die Here jou God om sorgvuldig te hou al sy gebooie wat ek jou vandag beveel, dan sal die Here jou God jou die hoogste stel bo al die nasies van die aarde.”,  {28:2} “En al hierdie seëninge sal oor jou kom en jou inhaal as jy luister na die stem van die Here jou God.”, {28:15} “Maar as jy nie luister na die stem van die Here jou God, om sorgvuldig te hou al sy gebooie en sy insettinge wat ek jou vandag beveel nie, dan sal al hierdie vloeke oor jou kom en jou inhaal.”, {28:20} “Die Here sal teen jou stuur die vervloeking, die verwarring en die bedreiging in alles waar jy jou hand aan slaan, wat jy moet doen; totdat jy verdelg is en totdat jy gou tot niet gaan vanweë die boosheid van jou handelinge, dat jy My verlaat het.”

Netsoos die Egiptenaars moes besluit of nie geluister het na die Here se waarskuwings om hulle lewens en dié van hulle vee te red nie en netsoos die burgelike inwoners van die stad Gaza moes besluit of hulle gaan agslaan op die waarskuwings van die IVM, so moet ook ons besluit of ons die Here gaan gehoorsaam en Sy gebooie te eerbiedig. God het ons gewaarsku om Sy Woord te gehoorsaam. In die bovermelde Skrifgedeelte het Hy aan ons die gevolge verstrek van ons keuse óf dit te ignoreer. Dit hang dus van ons af wat ons gaan doen! Indien ons verkies om dit te ignoreer, sal die Here nie verantwoordelik wees vir die gevolge wat ons gaan ly nie - die keuse is ons s’n!

Daar is ‘n baie beslissende waarskuwing in die Skrif wat ek ter afsluiting graag met julle wil deel. Dit is ‘n waarskuwing wat ons almal ernstig moet opneem; trouens, ek glo dat dit ons uiterste en finale waarskuwing van God is:

Johannes {14:6} “Jesus antwoord hom: Ek is die weg en die waarheid en die lewe; niemand kom na die Vader behalwe deur My nie.”

1 Johannes {2:23} “Elkeen wat die Seun loën, het ook nie die Vader nie.“

Handelinge {4:12} “En die saligheid is in niemand anders nie, want daar is ook geen ander naam onder die hemel wat onder die mense gegee is, waardeur ons gered moet word nie.”

Noudat julle hierdie waarskuwing het, wat gaan julle daaromtrent doen? Die keuse is dus joune! 

Kom gou Jesus!

PDF weergawe

Israel

VaYechi

(En Hy Het Gewoon)

Genesis 47:28 – 50:26

1 Konings 2:1 – 12:1

1 Petrus 1:1 – 9

Genesis {47:27- 30} “So het Israel dan in Egipteland gewoon, in die land Gosen; en hulle het vaste besittings daarin verwerf en vrugbaar geword en sterk vermeerder. {47:28} En Jakob het sewentien jaar in Egipteland gelewe, sodat die dae van Jakob, die jare van sy lewe, honderd-sewen-en-veertig jaar was. {47:29} En toe die dae van Israel nader kom dat hy moes sterwe, het hy sy seun Josef laat roep en vir hom gesê: As ek nou guns in jou oë gevind het, sit dan tog jou hand onder my heup en bewys my liefde en trou — begrawe my tog nie in Egipte nie. {47:30} Wanneer ek met my vaders ontslaap het, bring my dan weg uit Egipte en begrawe my in hulle graf. En hy antwoord: Ek sal handel ooreenkomstig u woord.”

Ek het op iets baie interessants afgekom toe ek hierdie verse gelees het. In die verlede het ek verwys na God se gebruik van die name Israel en Jakob, wat een en dieselfde persoon is. Soms het die Here Isak se seun Jakob genoem en ander kere sou Hy hom Israel noem. Soos ons weet, het God Jakob se naam verander na Israel (verwys Genesis {32:28}). Jakob (Ya’acov in Hebreeus) beteken “onderkruiper”, terwyl Israel (Yisrael in Hebreeus) “Prins van God” beteken. Die omruiling van die twee name in die Skrif, was nie blote toeval nie. Niks in die Bybel gebeur toevallig nie! Die feit is dat God doelbewus wissel tussen die twee name om te onderskei tussen die twee geaardhede van dieselfde persoon. Sy naam, Jakob, verwys na sy vleeslike fisiese aard, sy ou self. Hierdie aard het dikwels na vore getree, in Jakob se onderhandelings met ander. Terwyl sy naam Israel verwys na sy geestelike aard, sy nuwe self ná sy persoonlike worsteling met God. Genesis {32:28}. Kom ons kyk hoedat die Here die ommeswaai tussen die twee name doen en wat Hy ons probeer vertel deur die wisseling tussen die name Jakob en Israel. 

Genesis {47:27} “So het Israel dan in Egipteland gewoon, in die land Gosen; en hulle het vaste besittings daarin verwerf en vrugbaar geword en sterk vermeerder.”

Hier word ons vertel dat gedurende Israel se leeftyd - tydens die gesin se verblyf in Egipte, was hulle in Gosen afgesonder en gëisoleerd van die goddelose materialisme van Egipte en kon hulle spiritueel groei en ‘n verhouding met hul God ontwikkel.

Genesis {47:28} “En Jakob het sewentien jaar in Egipteland gelewe, sodat die dae van Jakob, die jare van sy lewe, honderd-sewen-en-veertig jaar was”

Ons word hier twee dinge vertel: eerstens, deur die gebruik van die naam Jakob, selfs gëisoleerd in Gosen, was hy nietemin beinvloed deur die materialisme van Egipte. Tweedens, deur hom Jakob te noem, het God verwys na die man se fisiese dood, die jare waarop sy fisiese liggaam die aarde bewandel het. Wanneer die Torah verwys na Jakob se sewentien jare in Egipte, is dit gebaseer op die vleeslike tyd wat hy in die land deurgebring het.

Genesis {47:29} “En toe die dae van Israel nader kom dat hy moes sterwe, het hy sy seun Josef laat roep en vir hom gesê: As ek nou guns in jou oë gevind het, sit dan tog jou hand onder my heup en bewys my liefde en trou — begrawe my tog nie in Egipte nie. {47:30} Wanneer ek met my vaders ontslaap het, bring my dan weg uit Egipte en begrawe my in hulle graf. En hy antwoord: Ek sal handel ooreenkomstig u woord.”

Hierdie gedeelte verskaf ‘n rykdom van inligting: Eerstens vertel God ons dat met die dood van Israel, die man, die spirituele dood van Israel, die volk, sal plaasvind. Dit word voorgestel deur God se gebruik van die naam Israel wanneer Hy verwys na Jesus se dood.

‘n Ander interessante waarneming is: Waarom het Israel slegs sy seun, Josef, geroep toe hy besef het sy tyd om te sterwe het aangebreek? Sy ander elf seuns was ook by hom, en op daardie tydstip was Josef nie die familiehoof van Juda nie! Ek dink die antwoord lê in die feit dat Josef dwarsdeur hierdie verhaal ‘n sinnebeeld van Jesus is. In essensie kyk ons in die toekoms in. Israel het waarskynlik geweet dat sy dood die spirituele dood van die volk Israel sou beteken en hy vra sy seun, Josef, om te belowe om uiteindelik die spirituele verhouding tussen die volk en die Here te herstel en hulle in die Beloofde Land te hervestig.

Soos ons weet, na die dood van Israel en ook sy seun, Josef, dat die volk Israel vir meer as tweehonderd jaar in slawerny gedwing sou word in Egipte. Gedurende daardie tyd het hulle alle begrip van hul verhouding met die God van hemel en aarde verloor en die gebruike en praktyke van die Egiptenaars aanvaar. Dit is te betreur dat dit die geval tot vandag toe is. Die grootste gedeelte van die nasie Israel (Joodse volk) woon steeds in ballingskap en in spirituele duisternis. Binnekort sal Jesus kom en hul verhouding met hulle God herstel en hulle laat terugkeer na die Beloofde land. 

PRYS DIE HERE!

 

Kom gou Jesus!

PDF weergawe