Die Lam

Tzav

(Opdrag)

Levitikus 6:8-8:36

Maleagi 3:4 – 24

Hebreërs 8:1-6 

“Ohla” of Verbrande Offerande was ‘n sondoffer wat voortdurend moes brand op die Altaar van Offerande van die Tabernakel en Tempel. Elke oggend en aand moes ‘n lam of ‘n bok geslag en toegelaat word om dwarsdeur die dag en nag te brand totdat dit heeltemal verbrand was. Daar moes nooit ‘n tyd wees wanneer ‘n “Ohla” Offerande nie geheel-en-al op die Altaar verbrand is nie. Hierdie offerande was anders as alle ander offers, in soverre dat die dier wat geoffer was, nog heel moes wees. Slegs die vel is verwyder en toegelaat om deur die priesters gebruik te word. Soos alle ander sondoffers van die Tabernakel- en Tempeltye, was hierdie offer ‘n plaasvervangende offer wat die vereiste doodstraf deur die Tora toegevoeg is vir menslike sonde.

Waarop hierdie offer dui, is die feit dat die kinders van Israel dit nodig gehad het; benewens die ander voorgeskrewe sondoffers, gereinig te word, ‘n voortdurende offer, wat die doel gedien het om van sondes, waaraan hulle gedurig skuldig was, gereinig te word. Die implikasies is duidelik. Daar moes altyd ‘n voortdurende sondoffer voor die Here wees, ‘n offer wat sonde sou reinig en Hom dus in staat sou stel om tussen Sy mense te woon. In Juadïsme is daar vandag egter geen so’n offer nie. Die Tabernakel bestaan nie meer nie en die Tempel is vernietig, trouens, op die plek waar die Tempel eens gebou was, staan daar nou die Rotskoepel, ‘n heidense Moslem-Heiligdom. Het die Here verander, het die Jode vandag so heilig geraak dat hulle nie langer ‘n voortdurende Verbrande Offer vir sonde nodig het nie?

Spreuke {3:6} “Ken Hom in alles wat jy doen en Hy sal jou die regte pad laat loop.”

Die feit is dat die Here nie verander het nie en ongetwyfeld is die hedendaagse kinders van Israel nog netso sondig as wat hulle duisende jare gelede was. Daar is nog ‘n behoefte aan ‘n kompensatoriese plaasvervanger vir sonde soos wat daar in die Bybelse tye was en waarskynlik des te meer as ooit tevore.

Romeine {8:32} “Hy het sy eie Seun nie gespaar nie, maar Hom oorgelewer om ons almal te red. Sal Hy ons dan nie al die ander dinge saam met Hom uit genade skenk nie? {8:33} Wie kan die uitverkorenes van God aankla? God self spreek hulle vry. {8:34} Wie kan ons veroordeel? Christus Jesus het gesterf, maar meer as dit: Hy is uit die dood opgewek, Hy sit aan die regterhand van God, Hy pleit vir ons. {8:35} Wie kan ons van die liefde van Christus skei? Lyding of benoudheid of vervolging, honger of naaktheid, gevaar of swaard? {8:36} Daar staan immers geskrywe: “Dit is oor U dat die dood ons dag vir dag bedreig, dat ons soos slagskape behandel word.” {8:37} Maar in al hierdie dinge is ons meer as oorwinnaars deur Hom wat vir ons liefhet. {8:38} Hiervan is ek oortuig: geen dood of lewe of engele of magte of teenswoordige of toekomstige dinge of kragte {8:39} of hoogte of diepte of enigiets anders in die skepping kan ons van die liefde van God skei nie, die liefde wat daar is in Christus Jesus ons Here.”

Die Judaïsme van vandag beskik nie oor ‘n Tempel waarin offers gebring word vir sonde, gepleeg deur sy aanhangers nie. Die Rabyne het foutiewelik goeie dade vervang met die voortdurende Verbrande Offers; hulle het dit trouens, met al die Tora-mandaatsondoffers vervang. Ongelukkig is Judaïsme in sy huidige vorm ‘n menslike godsdiens en nie van God nie. Dit verheerlik dade, rites en tradisie maar nie die onveranderlike God nie.

Handelinge {2:22} ““Israeliete, luister na hierdie woorde! God het Jesus van Nasaret aan julle bekend gestel deur die kragtige dade, die wonders en die tekens wat God Hom by julle laat doen het. Daarvan weet julle self. {2:23} God het besluit en dit vooruit bepaal om Hom aan julle uit te lewer, en julle het Hom deur heidene aan die kruis laat spyker en Hom doodgemaak. {2:24} Maar God het Hom van die smarte van die dood verlos en Hom uit die dood laat opstaan. Dit was immers vir die dood onmoontlik om Hom gevange te hou. {2:25} Van Hom sê Dawid: “Ek het die Here altyd voor oë. Hy is aan my regterhand; ek sal nie wankel nie. {2:26} Daarom is my hart bly en my tong jubel, ja meer, ek het die verwagting dat my liggaam sal lewe, {2:27} want U sal my nie aan die doderyk oorlaat nie; U sal nie toelaat dat u troue dienaar vergaan nie.{2:28} U het my die paaie van die lewe geleer; u teenwoordigheid sal my met vreugde vul. {2:29} “Broers, wat ons voorvader Dawid betref, moet ek dit vir julle duidelik stel: Hy het gesterwe en is begrawe, en sy graf is nou nog hier by ons. {2:30} Maar hy was 'n profeet en hy het geweet dat God met 'n eed aan hom belowe het dat een van sy nakomelinge op sy troon sou sit. {2:31} Daarom het hy die opstanding van die Christus vooruit gesien en gesê: “Hy is nie aan die doderyk oorgelaat nie, en sy liggaam het nie vergaan nie. {2:32} “God het hierdie Jesus uit die dood laat opstaan; daarvan is ons almal getuies. {2:33} Hy is verhoog aan die regterhand van God en Hy het die Heilige Gees wat belowe is, van die Vader ontvang en uitgestort. Dit is wat julle nou sien en hoor. {2:34} Dawid het nie na die hemel toe opgevaar nie, en tog sê hy: “Die Here het vir my Here gesê: Sit aan my regterhand {2:35} totdat Ek jou vyande aan jou onderwerp het {2:36} “Die hele Israel moet nou vas en seker weet: God het hierdie Jesus, wat julle gekruisig het, Here en Christus gemaak!” {2:37} By die aanhoor hiervan is die mense diep getref en het hulle vir Petrus en die ander apostels gevra: “Wat moet ons doen, broers?” {2:38} Toe antwoord Petrus hulle: “Bekeer julle en laat elkeen van julle gedoop word in die Naam van Jesus Christus, en God sal julle sondes vergewe en julle sal die Heilige Gees as gawe ontvang. {2:39} Wat God belowe het, is vir julle en vir julle kinders en vir almal wat daar ver is, vir almal wat die Here ons God na Hom toe sal roep.””

Hierdie Skrifgedeeltes is ‘n bewys dat God nie verander het nie. Jesus die Messias is ons onophoudelike Verbrande Offer. Hy beklee die plek aan die die regterhand van die Vader en tree onophoudelik voor die Vader vir ons in. As Messiaanse Gelowiges en Christene gelyk, het ons nie meer behoefte aan ‘n Tempel en sy Altaar om vir ons sondes te versoen nie, omdat Jesus vir eens en vir ALTYD ons offerande is; ons vlekkelose en aanneemlike Offerlam.

Johannes {1:29} “Die volgende dag sien Johannes vir Jesus na hom toe kom. Hy sê toe: “Dáár is die Lam van God wat die sonde van die wêreld wegneem!”

Kom gou Jesus!

PDF weergawe

Bloed

VaYikra

(En Hy Het Geroep)

Levitikus 1:1 – 6 

Jesaja 43:21 – 44:23 

Hebreërs 10:1 - 18 

Levitikus {1:1} “Die Here het vir Moses geroep en uit die tent van ontmoeting vir hom gesê:  {1:2} “Praat met die Israeliete en sê vir hulle: Wanneer een van julle vir die Here 'n offer wil aanbied, kan hy dit aanbied uit sy beeste of uit sy kleinvee. {1:3} As dit 'n brandoffer uit die beeste is, bied die man 'n bul aan sonder liggaamsgebrek. Hy bied dit aan by die ingang van die tent van ontmoeting sodat dit vir die Here aanneemlik sal wees.””

Nadat ek vandeesweek se Parasha gelees het, en al die offerandes wat vereis word om ‘n persoon se regte verhouding met God te herstel, is ek opnuut dankbaar vir dit wat Jesus die Messias (Yeshua Ha Mashiach) vir my gedoen het. Veronderstel dat ek die diere moes koop as korbanot  (meervoud van korban) (versoening) en dit moes besorg by die Bet Ha Migdash (Tempel) om daardeur te poog om in ‘n regte verhouding met die Here te verkeer. Trouens, deur al die sonde wat ek pleeg, bewustelik sowel as onbewustelik met wat ek sê, waarna ek luister, waarna ek kyk en wat ek elke dag dink, weet ek nie wat eerste sou gebeur het nie, deurdat ek finansieel probleme mag ondervind en of die wêreld kon leegloop van “skoon” diere vir my om te offer. Dan sou dit boonop die gereelde heen-en-weer reise vanaf my huis in Jerusalem meebring. Dit sou alles nodig gewees het, al het die Tempel nog bestaan en Jesus die Messias nog nie gekom het nie. Indien ons al ons sondes - wat ons as gelowiges doelbewus sowel as onbewustelik pleeg deur wat ons sê, hoor en aan dink vir net een dag, sou die aantal sondes verstommend wees. As elkeen van ons daarbenewens die toepaslike offerande vir elke sonde moes bring, sou die spesies bokke en lammers ongetwyfeld die lys van uitgestorwe diere haal! Soms dink ek, neem ons dít wat die Here vir ons gedoen het, vêr te ligtelik op, want soos ons volgens die Skrif besef, sondig ons almal en skiet ons almal tekort aan die heerlikheid van God!

Prediker {7:20} “Daar is geen mens op aarde regverdig nie, niemand wat net goed doen en nie sondig nie.”

Ons word ook volgens die Skrif beveel dat die korbanot (versoeningsoffers) nêrens anders as in die Tempel in Jerusalem geoffer moes word nie. Indien Jesus (God in die vlees) nooit gekom het om eenmalig te sterwe vir die sonde van die wêreld nie, diegene uit die diaspora, gereeld heen en weer na Israel sou moes reis - ‘n verdere uitgawe!

Deuteronomium {12:13} “Moenie julle brandoffers sommer op enige plek offer wat vir julle goed lyk nie. {12:14} Julle mag dit net offer op die plek wat die Here sal kies in die gebied van een van die stamme. Daar moet julle julle brandoffers offer en daar moet julle alles doen wat ek julle beveel het.”

Ons kan dus verstaan dat Jesus se sterwe vir die sonde van die wêreld, geen geringe aangeleentheid was nie. Die storting van Sy bloed vervang die noodsaaklikheid dat voëls, bulle skape en bokke se bloed as versoening vir ons sondes gestort word.

Levitikus {17:11} “Omdat die lewe van 'n dier in sy bloed is, het Ek die bloed vir julle gegee om op die altaar versoening te doen vir julle lewens. Omdat bloed versoening bring deur die lewe wat daarin is,”

Wat bedoel God as Hy sê: ”......die bloed bewerk versoening vir die lewe.” Ek glo Hy bedoel “‘n lewe vir die lewe”. Die loon van die sonde is die dood: iets moes in ons plek sterf om versoening vir ons sondes te bewerkstellig. Vóór die koms van Jesus, moes diere ons plek ingeneem het. Ons was skuldig, maar hulle het die boete betaal. Met die koms van Jesus het dit alles verander.

Levitikus {17:10} “Omdat die lewe van 'n dier in sy bloed is, het Ek die bloed vir julle gegee om op die altaar versoening te doen vir julle lewens. Omdat bloed versoening bring deur die lewe wat daarin is,”

Waarom was God so onversetlik dat Sy volk nie bloed eet nie? Jesus (God in die gestalte van ‘n mens) het na die aarde toe gekom om te sterwe en het Sy bloed vir die sonde van die wêreld gestort. Hy het aan die Here se straf vir sonde wat die dood is, voldoen en tot vandag nog voldoen Hy steeds daaraan. Daarom is daar nie langer enige behoefte aan iemand om ‘n korban (versoeningsoffer) na die Tempel in Jerusalem te bring nie - dit bestaan nie langer nie en was ook vir meer as tweeduisend jaar nie meer nodig nie.

Indien jy egter nie ‘n gelowige is nie en hierdie Parasha lees, weet dit: Jesus die Messias het vir jou sondes gesterf. Hy is jou versoening, netsoos myne. Die enigste verskil tussen jou en en my is dat ek in Hom glo en aanvaar het dat deur Sy dood aan die kruis, Hy vir my sondes versoen het. As jy Hom nie as jou Heer en Redder aanvaar het nie, dan het Sy bloed nie vir jou sondes versoen nie en is jy steeds skuldig en onder ‘n doodvonnis van God. Jy kan dit nóú verander en vergifnis ontvang. Jy kan dit nou aanvaar en vergewe word. Vra net vir Jesus die Messias om jou Heer en Redder van jou lewe te wees en Hy sal dit vir jou doen wat Hy ook vir my gedoen het.

Ongelukkig word daar ‘n valse leerstelling deur die Satan versprei dat Jesus as die Messias gekom het, maar Hy is nóg God nóg die Vader. Hulle logika mag reg klink, maar is dit nie die wyse waarop die Satan te werk gaan nie? Hulle gebruik rabbiniese leerstellings en die verdraaiing van die Skrif om mense wat swak is van begrip, om húlle gif te glo. Dit is beslis nie waar nie! Jesus het self bely dat Hy en die Vader Een is. Johannes {10:30}. Hy het ook gesê: “As julle My sien, het julle die Vader gesien”. Moet nie hierdie bedrieglike valse verkondigers glo nie: hulle leerstelling is ‘n vorm van menslike offerande. Ofskoon hulle beweer dat Jesus die Messias van God gekom het en daarom ‘n spesiale mens is, is dit nogtans ‘n menslike offerande, ‘n leerstelling waarmee die Satan die mense deur eeue heen mislei het om te beoefen, skynbaar nog tot vandag toe!      

Kom gou Jesus!

PDF weergawe

Heerlikheid, Teenwoordigheid, Krag en Goedheid

Pekudei

(Berekenings)

Eksodus 38:21 – 40:38

2 Konings 12:1 - 17

Hebreërs 8:1 – 12

Alles aangaande die Tabernakel, deur Moses in die wildernis opgerig, verteenwoordig en dui op Jesus die Messias: elke kleur - blou, purper en rooi, elke metaal - brons, silwer en goud regdeur tot op die linne wat gebruik is vir die kledingstukke van die priesters was alles simbole van Hom. Silwer Sy verlossing, brons Sy oordeel, linne Sy geregtigheid en goud Sy heerlikheid en heiligheid. Ek wens graag vandag my kommentaar te fokus op God se heerlikheid.

Eksodus {40:33} “Daarna het hy die voorhof rondom die tabernakel en die altaar opgerig en die afskorting voor die ingang van die voorhof gehang. So het Moses sy werk afgehandel. {40:34} 'n Wolk het die tent van ontmoeting oordek, en die magtige teenwoordigheid van die Here het die tabernakel gevul. {40:35} Moses kon nie in die tent van ontmoeting inkom nie: die wolk was daarin, en die magtige teenwoordigheid van die Here het die tabernakel gevul.”

Ek dink dit is belangrik vir ons om kennis te neem dat die heerlikheid van die Here nie op die Tabernakel gerus het voordat al die konstruksiewerk afgehandel was en deur Moses goedgekeur is nie. Die taak is aan hom opgedra om te verseker dat alles gedoen was presies soos die Here beveel het.

Eksodus {39:42} “Die Israeliete het alles gemaak net soos die Here vir Moses beveel het. {39:43} Moses het al die werk geïnspekteer en gesien dat dit gemaak is soos die Here beveel het. Toe het Moses die vakmanne gelukgewens en bedank.”

Wat kan ons hiervan saamneem van alles wat aan ons hier vertel is en dit op onsself toepas: die realiteit van ons wêreld? In ons snelle lewenstempo en immer veranderende wêreld, raak ons soms so verstrengel om alles gedoen te kry dat ons die feit dat God aan ons ‘n handleiding gegee het, ‘n instruksie-boek vir die lewe, die Bybel (Bible: Basic Instructions Before Leaving Earth), verwaarloos het. Alles wat ons benodig om ‘n lewe wat God behaag te voer, is in hierdie handleiding ingesluit. Ons word selfs voorbeelde van mense wat aan ons die resultate toon van diegene wat Sy instruksies gevolg het en hulle wat nie daarin geslaag het nie. Niks word aan toeval oorgelaat nie, niks word aan ons begrip of verbeelding oorgelaat nie - slegs eenvoudige instruksies om dit te doen, “presies soos die Here beveel het.”

In verse 34 en 35 hierbo, word ons vertel dat toe al die werk voltooi, goedgekeur, en nagegaan was….”die heerlikheid van die Here die Tabernakel gevul het.” In Eksodus 32:18 word God deur Moses gevra: “… toon aan my U heerlikheid.” Elke gelowige behoort hierdie woorde op hul lippe te hê. Die heerlikheid van God bestaan uit drie dele. Eerstens is dit die manifestasie van die teenwoordigheid van God; tweedens is dit die manifestasie van die krag van God en derdens is dit die manifestasie van die goedheid van God. Moses het geweier om sy reis met die kinders van Israel voort te sit sonder dat God se heerlikheid met hulle sou wees omdat hy besef het dat hy niks kon vermag sonder dat die teenwoordigheid, krag en goedheid van God met hom sal wees nie. Hy het dit van God gevra omdat hy nog nooit die heerlikheid van God aanskou het voordat hy dit gesien het met die brandende bos by die Rietsee en toe God manna uit die hemel gegee het, om slegs enkele bewyse te noem. Moses het dus nie hierdie versoek aan God gerig omdat hy nog nooit Sy heerlikheid gesien het nie. Hy het die versoek gerig omdat hy besef het dat hy niks kon verrig sonder die teenwoordigheid van God se heerlikheid in sy lewe nie - dit geld vir ons ook.

Die heerlikheid van God het nie neergedaal en die Tempel gevul totdat dit opgerig is presies soos die Here beveel het nie. Gelowige, jy sal nie in staat wees om jou doel te verwesenlik of God se roeping in jou lewe te vervul sonder God se heerlikheid, teenwoordigheid, krag en goedheid in jou lewe nie! Aanvaar asseblief my raad dat God se heerlikheid, teenwoordigheid, krag en goedheid jou nie sal vul indien jou Tabernakel, jou lewe nie gebou, opgerig en aan die presiese vereistes voldoen soos wat die Here in Sy Bybel beveel het nie.

 

Kom gou Jesus!

PDF weergawe

Verdien

VaYakhel

(En Hy Het Byeengebring)

Eksodus 35:1 – 28:20

Eksodus {35:10} “Elke vakman onder julle moet kom help dat alles gemaak word wat die Here beveel het: {35:11} die tabernakel met die tent daaroor, die kramme, die rame, die dwarslatte, die style met hulle voetstukke; {35:12} die ark met sy draaghoute, die deksel en die voorhangsel, {35:13} die tafel met sy draaghoute en al sy toebehore en die offerbrood; {35:14} die kandelaar met sy toebehore, die lampe met hulle olie, {35:15} die wierookaltaar met sy draaghoute, die salfolie, die geurige wierook en die afskorting vir die deur van die tabernakel; {35:16} die brandofferaltaar met al sy toebehore, sy bronstraliewerk waaraan die draaghoute vas kom, die waskom met sy voetstuk, {35:17} die gordyne van die voorhof, die style met hulle voetstukke, die afskorting vir die deur van die voorhof; {35:18} die penne van die tabernakel, die penne van die voorhof met hulle toue; {35:19} die geborduurde klere om in die heiligdom mee te dien, die gewyde klere vir die priester Aäron en vir sy seuns om daarin as priesters diens te doen.”

Om hierdie Parasha te lees, help my om te verstaan wat die Here bedoel het toe Hy gesê het dat Hy die mens na Sy beeld geskape het; benewens al ons ander ooreenkomste is ons ook skeppers maar anders as die Here, kan ons nie iets skep uit niks nie. Ons kan slegs iets neem wat die Here alreeds geskep het en iets daaruit skep.

In hierdie Parasha het die Here Moses beveel om die nodige rou materiaal te versamel om ‘n huis te bou waarin Hy tussen Sy mense kon woon. God se voorneme, sowel destyds as nou, is om in Sy mense te woon; trouens, indien jy ‘n gelowige in Jesus die Messias is, dan sal God in die gedaante van die Heilige Gees in jou woon.

Die Here, die Skepper van iets uit uit niks nie, kon met gemak eenvoudig gespreek het dat dit ‘n huis vir Homself moet wees, netsoos Hy die heelal geskep het, maar dit  is nie wat Hy gedoen het nie: Hy het verkies dat Sy mense dit vir Hom moet doen.

Spreuke {13:11} “Rykdom wat sommerso gekom het, verminder maklik; wie bietjie vir bietjie bymekaarmaak, word ryk.”

Oënskynlik betref hierdie Spreuk die verkryging van geld. In ons moderne kulture, word die verkryging van geld sonder om daarvoor te werk, dikwels ”maklike geld” genoem. Wat hierdie Spreuk eintlik bedoel, is dat geld wat verkry word sonder om daarvoor te gewerk het, netso maklik gaan as wat dit gekom het. Dieselfde beginsel kan toegepas word op enigiets waarvoor ons nie hard gewerk het om te verkry nie. Dit is nou eenmaal die menslike natuur om goed te waardeer en op te pas waarvoor ons moes gewerk het, as iets anders wat net aan ons geskenk is. Ongelukkig vir sommiges sluit dit selfs hul redding in en dit is die rede dat daar soveel werk-geörienteerde gosdienste en kultusse bestaan.

Genesis {3:17} “Vir die mens het die Here God gesê: “Omdat jy na jou vrou geluister het en geëet het van die boom waarvan Ek jou verbied het om te eet, “is die aarde deur jou toedoen vervloek; met swaarkry sal jy daaruit 'n bestaan maak, jou lewe lank; {3:18} die aarde sal vir jou dorings en dissels laat uitspruit, en jy sal veldplante eet; {3:19} net deur harde werk sal jy kan eet, totdat jy terugkeer na die aarde toe, want daaruit is jy geneem. Stof is jy, en jy sal weer stof word.””

1 Korinthiërs {3:7} “Dit gaan dus nie om die een wat plant of die een wat natgooi nie, maar om God wat laat groei. {3:8} Die een wat plant en die een wat natgooi, staan op gelyke voet: God sal elkeen beloon volgens sy werk. {3:9} Ons is medewerkers in diens van God, en julle is die saailand van God.”

God verlang dat ons in vennootskap met Hom moet verkeer. Ongetwyfeld kan Hy alles sonder ons doen, maar die werklike rede waarom Hy ons geskep het, is om in vennootskap met Hom te wees op die aarde wat Hy vir ons geskep het. Uiteindelik, na die opstanding en Sy wederkoms na die aarde, sal ons saam met Hom regeer.

Openbaring {20:6} “Geseënd en heilig is dié wat aan die eerste opstanding deel het. Oor hulle het die tweede dood geen mag nie, maar hulle sal priesters van God en van Christus wees en sal saam met Hom die duisend jaar lank regeer.”

Om hierdie redes glo ek dat die Here die kinders van Israel gehad het om vir Hom ‘n woning te skep, eerder as dat Hy dit vir Homself skep.

Eksodus {35:4} “Moses het ook vir die hele gemeente Israel gesê: “Dit is die opdrag van die Here: {35:5} Julle moet uit julle besittings 'n offergawe vir die Here gee. Elkeen wat vrywillig 'n offergawe vir die Here wil gee, moet dit bring: goud, silwer, brons,”

Gelowiges in Jesus die Messias is nou in die Tempel van God. Die Gees van God woon in ons. Daarom is dit steeds die verantwoordelikheid van elke gelowige in Jesus die Messias om die Koninkryk van God te bou deur getuienis en om die evangelie van redding te deel. Ek vertrou dat die Here in jou ‘n gewillige hart daarvoor sal vind.     

 Kom gou Jesus!

PDF weergawe

Indompeling

KiTisa

(Wanneer Jy Verhef)

Eksodus 30:11 – 34:35

1 Konings 18:1 – 39

1 Korinthiërs 8:4 – 13

Eksodus {30:17} “Die Here het vir Moses gesê: {30:18} “Jy moet 'n bronswaskom met 'n bronsvoetstuk maak om in te was. Sit dit tussen die tent van ontmoeting en die altaar neer en gooi water daarin. {30:19} Aäron en sy seuns moet hulle hande en voete daarin was. {30:20} Voordat hulle in die tent van ontmoeting ingaan, moet hulle hulle met die water was sodat hulle nie sterf nie. Voordat hulle na die altaar toe kom vir hulle diens om 'n vuuroffer vir My, die Here, aan die brand te steek, {30:21} moet hulle hulle hande en hulle voete was sodat hulle nie sterf nie. Dit is 'n blywende voorskrif vir hulle en vir hulle nageslagte.””

Dit is die eerste keer ooit dat daar van ‘n mensgemaakte mikvah (indompelings- bad of skottel) melding gemaak word. Die priesters “moes hul hande en voete,” daarin was, wat beteken het dat hulle die water in die skottel gebruik het om hulself te reinig, “dat hulle nie sterf nie”. Wat het die nalaat om met water gereinig te word dan te doen met om te sterwe?

Selfs tot vandag toe is die indompeling in water nog as ‘n rite gebruik met die doel om van wat onheilig is, heilig te maak. Die proses verander of verhoog die status van wie ookal, indompeling ondergaan het. Indompeling in water as opdrag van God, het die mag om te transformeer, om ‘n metamorfose te ondergaan. Voorbeeld: Gedurende Tempeltye en selfs vandag nog onder Ortodokse Joodse sektes, was ‘n vrou, van die begin van haar menstruasie, in ‘n staat van Niddah (vroulike onreinheid). Sy moes van haar man en die samelewing afgesonder word tot na haar tyd en nadat sy in water ingedompel was. Slegs dan kon sy met haar man in huwelikse intimiteit en die samelewing op vrye voet verkeer. Mans wat van Tempeldienste uitgesluit was vanweë sekere tipes rituele besoedeling, kon na indompeling na die Tempel opgaan en betrokke raak by offerandes. Proseliete, as deel van die bekeringsproses, sou die indompelingsbad binnegaan as nie-Jode en uitklim as Jode - iets wat steeds beoefen word in die groter Joodse gemeenskap. 

Vir ons om hierdie vereiste van indompeling te verstaan, wens ek graag daarop te wys dat God se gebooie in drie uitdruklike kategorieë verdeel word: Mishpatim (Oordele) wat logiese siviele en morele wette is; Eidutim (Statute) wat rituele wette en rites soos die eerbiediging van die Sabbat, Pesach (Pasga) en die aanbring van ‘n mezuzah op die deurkosyn; Chukkim (Ordinansies) wat spirituele bonatuurlike wette is, wat menslike begrip te bowe gaan. Indompeling in water, val in hierdie kategorie netsoos kosher. 

Meer as enige ander gebooie van God, verwesenlik die nakoming van Chukkim, die vernaamste geestelike verandering in ‘n mens. Dit is te wyte aan die feit dat dit streng nagekom word uit gehoorsaamheid aan God met geen menslike begrip nie. Ongeag die feit dat indompeling in water en die vermoë daarvan om ‘n spirituele verandering te weeg te bring, is vir ons ‘n misterie, nogtans kan ons egter sekere insigte bekom oor hoe dit hierdie bonatuurlike, spirituele verandering volbring.

Tora leer ons aangaande die konsep van “ritueel rein” en “ritueel onrein”. Om in ‘n toestand van “ritueel rein” te verkeer, was noodsaaklik gedurende Tempeltye vir ‘n persoon om deel te neem aan die Tempeldienste en -rituele of selfs die Tempelgronde te betree. Argeoloë het groot klip indompelingsbaddens opgegrawe naby die plek waar die antieke Tempel eens gestaan het, wat juis gebruik is vir hierdie doel. Aangesien die Tempel nie meer bestaan nie, is hierdie tipe van indompeling vandag nie langer van toepassing nie; trouens, enige indompeling wat betreffende die konsep van “ritueel rein”, het vandag geen toepassing nie. Waaroor ons vandag die meeste besorg is, is die spirituele status- en assosiasie- verandering wat met die indompeling gepaard gaan. In die Nuwe Testament sien ons dat die indompelings deur Johannes die Doper gedoen is om sy volgelinge te assosieer in afwagting van die komende Messias. Die indompelings deur die Apostels uitgevoer, is gedoen om die spirituele status van hulle volgelinge te verander en hulle dus te assosieer met die dood en opwekking van Jesus die Messias, die Messias wat toe alreeds vir die wêreld se sondes gesterf het. Daarom, deur die water in te gaan vir indompeling was en is ‘n simbool van om saam met Jesus te sterwe en die uitkom uit die water, was en is ‘n simbool van om met Jesus opgewek te word. Ons word nie gered deur die waterindompeling nie! Dit is slegs ‘n uiterlike teken van ‘n nuwe gelowige se innerlike verandering van spirituele status, nadat hy gered is. Jesus die Messias het na die aarde gekom om die prys te betaal vir die sonde van die mensdom, as Here, Redder en God- in- die vlees en die enigste manier wat ‘n mens vergifnis kan ontvang en reiniging van sonde, is deur ‘n mens self met Hom te assosieer

Nou keer ons terug na ons vraag: “Wat het die nalaat om met water gereinig te word, enigsins met die dood te doen?” Om dieselfde rede het die twee seuns van Aäron gesterf deur vreemde vuur in die Tempel in te bring - Aäron en sy seuns kon op geen ander manier wat hulle wou, die Here nader nie. Ten einde in die teenwoordigheid van ‘n Heilige God te kom, moes hulle “ritueel rein” wees en tot ‘n hoër spirituele status verhoog wees, een wat die Here se Chukkim van water-indompeling duidelik vervul het. 

Kom gou Jesus!

PDF weergawe