Nuut

Bereshit

(In die begin)

Genesis 1:1 - 6:8
Jesaja 42:5 - 5:43
Johannes 1:1 - 5

Genesis (2:4) “Dit is die geskiedenis van die hemel en die aarde toe hulle geskape is. Die dag toe die HERE God die aarde en die hemel gemaak het, {2:5} was daar nog geen struike in die veld op die aarde nie, en geen plante van die veld het nog uitgespruit nie; want die HERE God het nog nie laat reën op die aarde nie, en daar was geen mens om die grond te bewerk nie. {2:6}  Maar ‘n mis het opgetrek uit die aarde en die hele aardbodem bevogtig. {2:7} En die HERE God het die mens geformeer uit die stof van die aarde en in sy neus die asem van die lewe geblaas. So het dan die mens ‘n lewende siel geword. {2:8} Ook het die HERE God ‘n tuin geplant in Eden, in die Ooste, en daar aan die mens wat Hy geformeer het, ‘n plek gegee. {2:9}  En die HERE God het allerhande bome uit die grond laat uitspruit, begeerlik om te sien en goed om van te eet; ook die boom van die lewe in die middel van die tuin, en die boom van die kennis van goed en kwaad. {2:10} En daar het ‘n rivier uit Eden uitgegaan om die tuin nat te maak; en daarvandaan is dit verdeel en het vier lope geword. {2:11}  Die naam van die eerste is die Pison. Dit is hy wat om die hele land Háwila loop waar die goud is. {2:12}  En die goud van dié land is goed. Daar is ook balsemgom en onikssteen. {2:13} En die naam van die tweede rivier is die Gihon. Dit is hy wat om die hele land Kus loop. {2:14} En die naam van die derde rivier is die Hiddékel. Dit is hy wat oos van Assur loop. En die vierde rivier is die Frat. {2:15}  Toe het die HERE God die mens geneem en hom in die tuin van Eden gestel om dit te bewerk en te bewaak. {2:16}  En die HERE God het aan die mens bevel gegee en gesê: Van al die bome van die tuin mag jy vry eet, {2:17} maar van die boom van die kennis van goed en kwaad, daarvan mag jy nie eet nie; want die dag as jy daarvan eet, sal jy sekerlik sterwe.”

Moontlik sal dit wat ek nou gaan leer, vir julle ietwat verwarrend voorkom, maar dit is wat God op my hart gelê het.

Ons is nog altyd geleer dat die tuin van Eden (Gan Eden) ‘n letterlike fisiese aardse plek was. Baie mense het oor die jare heen, die werklike ligging sonder welslae probeer karteer, maar ek is oortuig daarvan dat dit ‘n mors van tyd was. Soos ek dit verstaan, was en is die Tuin van Eden geen fisiese plek nie.

Eerstens glo ek dat die aarde en die Tuin van Eden twee verskillende entiteite was. Die aarde is ‘n fisiese plek en die Tuin van Eden ‘n spirituele plek - moontlik op of selfs buite die aarde. Adam en Eva (Chava) is uit die stof van die aarde geskep maar daarna in die Tuin van Eden gevestig waar, so glo ek, verheerlikte gestaltes aan hulle gegee is. Hulle verheerlikte gestaltes was baie soortgelyk aan dié van Jesus na Sy opstanding. Julle sal onthou dat Hy met Sy opgestane spirituele gestalte deur mure kon beweeg maar ook ‘n maaltyd saam met Sy dissipels kon nuttig. Met hulle verheerlikte gestaltes kon Adam en Eva vir God sien, saam met God wandel en met God praat, so normaalweg as wat ons vandag met mekaar praat. Ek glo ook dat hulle uit vrye wil tussen die spirituele en fisiese kon verwissel. Nogtans kon hulle eet en beweeg in die tuin, wat hulle voedsel verskaf het en wat hulle moes versorg. In wese was hulle in staat om met hulle verheerlikte gestaltes, dinge te doen waartoe ons vandag met ons fisiese liggame nie in staat is nie.

Tweedens word ons in die bovermelde Skrifgedeelte meegedeel dat die Tuin van Eden deur ‘n mis bevogtig is aangesien daar toe nog geen reën was nie. Verderaan verneem ons egter dat ‘n rivier deur die Tuin van Eden gevloei het. Wat was dit dan - is die Tuin van Eden deur ‘n mis of ‘n rivier besproei? Myns insiens geeneen van die twee nie. In plaas daarvan, so glo ek, was die Tuin van Eden ‘n spirituele entiteit, moontlik ‘n wêreld binne die spirituele ryk of selfs ‘n spirituele wêreld, bo ons aarde, waaruit Adam en Eva eindelik verdryf is.

“Oos” verteenwoordig altyd die ewigheid; die Tuin van Eden, word ons meegedeel, was geleë in die ooste: die troon van God. Met dit in gedagte, was die twee bome in die Tuin van Eden, moontlik nie letterlike bome nie, maar spirituele skeppings. Die eerste, die boom van lewe was Jesus, terwyl die boom van kennis van goed en kwaad, die satan was. Die riviere wat die Tuin van Eden besproei het, was dus nie letterlike riviere nie - hulle het die Woord verteenwoordig wat uit God gevloei het.

“Gan Edan”, vertaal, beteken “tuin van goedheid”. Ons verneem dat ‘n rivier uit hierdie tuin gevloei en in vier riviere vertak het. Dit herinner my aan die Skrifgedeelte in Psalms (T’hillim):

Psalm {36:8} “Hulle verkwik hul aan die vettigheid van u huis, en U laat hulle drink uit die stroom van u genietinge.”

Daar was ‘n enkele rivier wat uit die Tuin van Eden gevloei en in vier riviere vertak het - ‘n  verskynsel wat nie by riviere voorkom nie, want riviere vertak gewoonlik in syriviere en nie in afsonderlike riviere nie. Alle riviere ontspring uit hulle eie hoofbron. Dít is vir my ‘n verdere aanduiding dat die Tuin van Eden ‘n spirituele en nie ‘n fisiese plek was nie. Kom ons skenk aandag aan die name en betekenis van die riviere.

Die eerste rivier is Pison (Pishon) genoem, wat “vermeerder” of “rondom” beteken. Die naam van die tweede rivier, Gihon, beteken “voortvloei”. Die derde rivier, Tigris (Hiddekel) se naam beteken “voorspoed” en die betekenis van die vierde rivier, Eufraat (Frat) is “vrugbaarheid”. Ek glo dat wat ons hier in die name van die riviere sien, is dat God die Tuin van Goedheid omring het en toename deur die voortvloeiing van Sy Gees bewerkstellig het, wat voorspoed en vrugbaarheid meegebring het.

Of ek korrek is of nie, moet nog bewys word, maar wat ons wel weet, is dat die Tuin van Eden aan die einde herstel sal word, soos in Openbaring beskrywe!

Openbaring {21:1} “En ek het ‘n nuwe hemel en ‘n nuwe aarde gesien, want die eerste hemel en die eerste aarde het verbygegaan; en die see was daar nie meer nie. {21:2} En ek, Johannes, het die heilige stad, die nuwe Jerusalem, sien neerdaal van God uit die hemel, toeberei soos ‘n bruid wat vir haar man versier is. {21:3}  En ek het ‘n groot stem uit die hemel hoor sê: Kyk, die tabernakel van God is by die mense, en Hy sal by hulle woon, en hulle sal sy volk wees; en God self sal by hulle wees as hulle God. {21:4}  En God sal al die trane van hulle oë afvee, en daar sal geen dood meer wees nie; ook droefheid en geween en moeite sal daar nie meer wees nie, want die eerste dinge het verbygegaan. {21:5}  En Hy wat op die troon sit, het gesê: Kyk, Ek maak alles nuut. En Hy het aan my gesê: Skryf, want hierdie woorde is waaragtig en betroubaar.”

 

Kom gou Jesus!

PDF weergawe

Ons Gedagtes

B’Reshet

(In die Begin) 

Genesis / BeReshit 1:1 – 6:8

Jesaja / Yeshayahu 42:5 – 43:10

Johannes / Yochanan 1:1 – 5

Genesis / BeReshit {6:5} "Toe die HERE sien dat die boosheid van die mens op die aarde groot was en al die versinsels wat hy in sy hart bedink, altyddeur net sleg was, {6:6} het dit die HERE berou dat Hy die mens op die aarde gemaak het, en daar was smart in sy hart. {6:7} En die HERE sê: Ek sal die mens wat Ek geskape het, van die aarde verdelg, die mens sowel as die vee en die kruipende diere en die voëls van die hemel; want dit berou My dat Ek hulle gemaak het."

Ek beskou myself as redelik normaal, dus is ek seker dat jy dit in verband kan bring, wanneer ek sê dat ek my moontlik soms skaam oor sommige gedagtes wat by my opkom. Ek kon miskien met iemand gesels het of na iemand geluister het en sonder waarskuwing flits ‘n vreeslike gedagte deur my kop. Natuurlik neem ek dit dadelik gevange in Jesus die Messias, maar kan jy jou verbeel as dit vir ons moontlik was om mekaar se gedagtes te lees? Ek sidder aan die gedagte, want as jy nie ‘n gelowige in Jesus die Messias is nie en jy magteloos of onwillig is om jou gedagtes gevange te neem, dat mense die ware jy sal hoor en nie wie jy voorgee om te wees wat jy dink jy is nie. ‘n Ontsellende gedagte, maar wat as dit moontlik was? Wat sou mense dan gedink het?

Ons gedagtes is die werklike óns en God luister nie altyd na ons woorde nie, maar Hy lees altyd ons hart. As die verbeelding van die gedagtes van ons hart woede, wraak, haat jaloesie of enige ander soort boosheid is, dan is dít waarvoor God ons sien Hy hoor ons gedagtes, Hy lees ons hart, Hy weet wat in ons verstand aangaan en Hy onderskei wie ons werklik is. 

1 Kronieke / Divre Ha Yamim Alef {28:9} ”En jy, my seun Salomo, ken die God van jou vader en dien Hom met ’n volkome hart en met ’n gewillige siel, want die HERE deursoek al die harte, en Hy verstaan elke versinsel van die gedagtes. As jy Hom soek, sal Hy Hom deur jou laat vind; maar as jy Hom verlaat, sal Hy jou vir altyd verstoot.”

Ons kan nie God flous nie; Hy kyk na ons hart. Ons behoort verder as ons politieke korrektheid en bedrieglike vriendelikheid te gaan om die houding van die hart te bepaal, want dít is wat God sien en waarvolgens Hy ons oordeel.

Wanneer iemand jou aanstoot gee of misbruik, watter gedagtes kom by jou op? Dink jy daaraan om die persoon terug te kry? Wel, daardie gedagte is die ware jy - wraaksugtig. Wanneer iemand jou beledig, maar jy dit oënskynlik gelate aanvaar, maar binne-in jou brand dit en wil jy ook die persoon seermaak, dit is die ware jy - wraaksugtig.

Die wyse om eerlik met God te wees, is om elke gedagte van jou te ondersoek en te bepaal of dit waarlik jy is, want dit is hoedat God jou sien! Mense rondom jou mag beïndruk word deur jou hoflikheid en welsprekendheid - selfs jou lewensmaat mag dink dat jy besonders is, maar God kyk nie na wat hulle sien of hoor nie: God kyk na jou hart. 

Jeremia / Yirmeyahu {17:9 - 10} “Bedrieglik is die hart bo alle dinge, ja, verdorwe is dit; wie kan dit ken? {17:10} Ek, die HERE, deursoek die hart, toets die niere, om aan elkeen te gee na sy weë, volgens die vrug van sy handelinge."

Wat God hier sê, is dat die ware jy is wat jy in jou hart is en behalwe vir Sy Goddelike ingryping in jou lewe, jou hart die bedrieglikste ding in die hele wêreld is. Trouens, niks anders of iemand anders kan jou so bedrieg en vir jou lieg, as jou eie hart nie. Jou hart is nie net die bedrieglikste van alle dinge nie, maar is hopeloos boos. Dit beteken dat indien dit aan sigself oorgelaat word - wat van God geskei is - is dit onmoontlik om te sê waartoe julle in staat sou wees. Sonder God in ons lewe, is niemand inherent goed nie. Indien jy jouself dus sou verbeel dat jy ‘n goeie en morele persoon is, dan tree jy eerder op onder selfbeheersing en vrees vir die gevolge, soos wat jou ouers jou geleer het of jy gehoorsaam die wette deur die regering neergelê, waarvan beide twyfelagtig en nie volhoubaar is nie. Die enigste volhoubare wyse om ‘n goeie en morele persoon te wees, is om ‘n gelowige in Jesus die Messias te wees.

Jesaja / Yeshayahu {64:6} “En ons het almal geword soos ’n onreine, en al ons geregtighede soos ’n besoedelde kleed; en ons het almal verdor soos blare, en ons ongeregtighede het ons weggevoer soos die wind.”

Ek dink nie God kon dit duideliker gestel het nie. Sy taksering / waardepebaling van ons toestand - behalwe vir die transformerende krag van die Heilige Gees, wat aan ons ‘n nuwe hart gee en Tora daarop skrywe, is dat ons verlore is! Jy mag jouself as ‘n goeie persoon beskou, ‘n filantroop / humanistiese of godsdienstige persoon, om selfs ‘n heilige werd te wees, maar by God is al jou goedheid niks werd nie. Dit is omdat - sonder die Heilige Gees - julle motivering nie van God afkomstig is nie en jou volmag kan nie van God wees nie. Die rede is dat jy nie van God is nie; daarom is jy bedrieg en dit is wat die hart doen. Dit is bo alle dinge bedrieglik en hopeloos boos.

Esegiël / Yechezkel {36:26} "En Ek sal julle ’n nuwe hart gee en ’n nuwe gees in jul binneste gee; en Ek sal die hart van klip uit julle vlees wegneem en julle ’n hart van vlees gee. {36:27} En Ek sal my Gees in jul binneste gee en sal maak dat julle in my insettinge wandel en my verordeninge onderhou en doen."

Indien jy ‘n gelowige in Jesus die Messias is, het God aan jou ‘n nuwe hart geskenk, ‘n hart wat Hom volg. Hy het woning gemaak in daardie deel van jou waar Hy sê jou besluite geneem word: gevolglik is Hy in die proses om jou hart te reprogrammeer van bedrieglik en boos na goddelik en regverdig. Die wêreld wil hê dat jou hart homself daarna moet skik, maar Jesus die Messias wil dat jy getransformeer word en om hierdie rede is daar ‘n konstante stryd tussen dié twee, binne in jou.

Romeine / Romim {12:2} “En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is.”

Die woord vernuwe beteken letterlik om die oue met die nuwe te vervang. Dit beteken dat die keuses wat jy normaalweg sou geneem het, wat in die verlede geneem is om die self te bevredig, vervang sal word met keuses wat God behaag. Teneinde dit te laat gebeur, moet die Heilige Gees die Woord van God direk op jou hart toepas - die plek waar God sê daardie keuses gemaak word. Die heilige Gees skryf die Tora op jou hart sodat jy die regte keuses kan doen; Hy herskep letterlik jou hart.

Tensy die motiverings van ons hart verander, sal ons nie verander nie. Jesus die Messias het boete gedoen vir ons sondes sodat ons in oorwinning kan lewe, maar ons lewenskeuses bepaal of ons in daardie oorwinning gaan wandel.

Indien jy dit nog nie reeds gedoen het nie, oorweeg asseblief om Jesus die Messias in jou lewe binne te nooi sodat die Here vir jou ‘n nuwe hart kan skenk.

Kom gou Jesus!

PDF weergawe

Ek Volstaan Daarmee

BeReshit

(In die Begin) 

Genesis / BeReshit 1:1 – 6:8

Jesaja / Yeshayahu 42:5 – 43:10

Johannes / Yochanan 1:1 – 5

Genesis / BeReshit {1:1} ”In die begin het God die hemel en die aarde geskape. {1:2}  En die aarde was woes en leeg, en duisternis was op die wêreldvloed, en die Gees van God het gesweef op die waters.”

Sedert Darwin om en by 1884 met sy leer van “The Origin of the Species” na vore gekom het – vandag beter bekend as “ Die Teorie van Evolusie” – is die skeppingsbegrip steeds ter sprake. Die geloof in ‘n Skepper van hemel en aarde en alles wat bestaan, met inbegrip van die mens, is sedertdien meedoënloos betwis. Nou, alhoewel Darwin se teorie nooit as korrek bewys is nie en Darwin self sy teorie op sy sterfbed gerepudieer het, het die Evolusieteorie daarin geslaag om nog te bestaan, vooruit te gaan en selfs te floreer. Dit word nou bykans universeel in meeste publieke skole oor die wêreld heen geleer.

Dit alles ten spyte daarvan dat Darwin se teorie in werklikheid ‘n teorie in krisis is. Dit is in krisis vanweë die geweldige vooruitgang wat ons die vyftig jaar in molekulêre biologie, biochemie en genetika behaal het. Hoe dit ookal sy, al hierdie mens-onthullende bewyse is sekondêr wanneer die groot hoeveelheid profetiese Bybelse getuienisse, wat verklaar dat God waarlik Skepper van die hemel en aarde is, in ag geneem word. As bewys, verwys ek na hierdie gedeelte van die profeet, Jesaja, dieselfde profeet wat die geboorte van Jesus die Messias voorspel het:

Jesaja / Yeshayahu {40:1} ”Troos, troos my volk, sê julle God. {40:2}  Spreek na die hart van Jerusalem, en roep haar toe dat haar stryd verby is, dat haar skuld betaal is, dat sy uit die hand van die HERE dubbel ontvang het vir al haar sondes. {40:3}  ‘n Stem van een wat roep: Berei in die woestyn die weg van die HERE; maak gelyk in die wildernis ‘n grootpad vir onse God! {40:4}  Elke dal moet opgevul en elke berg en heuwel klein gemaak word; en die bult moet ‘n gelykte en die rotsagtige plekke ‘n laagte word. {40:5}  En die heerlikheid van die HERE sal geopenbaar word, en alle vlees tesame sal dit sien: want die mond van die HERE het dit gespreek. {40:6}  ‘n Stem sê: Roep! En hy vra: Wat moet ek roep? Alle vlees is gras, en al sy aanvalligheid soos ‘n blom van die veld. {40:7}  Die gras verdor, die blom verwelk as die asem van die HERE daarin blaas. Voorwaar, die volk is gras! {40:8}  Die gras verdor, die blom verwelk; maar die woord van onse God hou stand in ewigheid. {40:9}  o Sion, verkondiger van goeie boodskap, klim op ‘n hoë berg! o Jerusalem, verkondiger van goeie boodskap, hef jou stem op met mag; hef dit op, wees nie bevrees nie! Sê aan die stede van Juda: Hier is julle God! {40:10}  Kyk, die Here HERE sal kom as ‘n Sterke, en sy arm sal heers; kyk, sy loon is by Hom, en sy beloning is voor sy aangesig. {40:11}  Hy sal sy kudde laat wei soos ‘n herder; Hy sal die lammers in sy arm vergader en aan sy bors dra; die lammerooie sal Hy saggies lei. {40:12}  Wie het die waters met die holte van sy hand afgemeet, en van die hemele met ‘n span die maat geneem, en in ‘n drieling die stof van die aarde opgevang, en die berge geweeg met ‘n weegtoestel en die heuwels met ‘n weegskaal? {40:13}  Wie het die Gees van die HERE bestier en as sy raadsman Hom onderrig? {40:14}  Met wie het Hy raad gehou, dat dié Hom verstand sou gee en Hom sou leer aangaande die pad van die reg, en Hom kennis sou leer en Hom bekend maak die weg van volledige insig? {40:15}  Kyk, die nasies is soos ‘n druppel aan die emmer, en soos ‘n stoffie aan die weegskaal word hulle gereken. Kyk, Hy hef die eilande op soos ‘n stoffie! {40:16}  En die Líbanon is nie genoeg as brandhout en sy wild nie genoeg as brandoffer nie. {40:17}  Al die nasies is voor Hom soos niks: as niks en nietigheid word hulle by Hom gereken. {40:18}  By wie wil julle God dan vergelyk? Of watter gelykenis naas Hom stel? {40:19}  Die ambagsman giet ‘n beeld, en die goudsmid trek dit oor met goud en smelt silwerkettings. {40:20}  Wie te arm is vir so ‘n offergawe, kies ‘n stuk hout wat nie vergaan nie; hy soek vir hom ‘n kunsvaardige ambagsman om ‘n beeld op te rig wat nie wankel nie. {40:21}  Weet julle nie? Hoor julle nie? Is dit julle nie van die begin af bekend gemaak nie? Het julle nie op die fondamente van die aarde gelet nie? {40:22}  Hy sit bo die kring van die aarde, en die bewoners daarvan is soos sprinkane; Hy span die hemele uit soos ‘n dun doek en sprei dit uit soos ‘n tent om in te woon. {40:23}  Hy maak die vorste tot niet, die heersers van die aarde verander Hy in nietigheid; {40:24}  skaars is hulle geplant, skaars is hulle gesaai, skaars wortel hulle stam in die grond, of Hy blaas op hulle, sodat hulle verdor, en die storm voer hulle weg soos ‘n stoppel. {40:25}  By wie sal julle My dan vergelyk, dat Ek net so kan wees? sê die Heilige. {40:26}  Slaan julle oë op in die hoogte en kyk! Wie het hierdie dinge geskape? Hy laat hulle leërskare uittrek volgens getal, Hy roep hulle almal by die naam, vanweë die grootheid van kragte en omdat Hy sterk van vermoë is; daar word nie een gemis nie. {40:27}  Waarom sê jy dan, o Jakob, en spreek jy, o Israel: My weg is vir die HERE verborge, en my reg gaan by my God verby? {40:28}  Weet jy dit nie? Of het jy dit nie gehoor nie? ‘n Ewige God is die HERE, Skepper van die eindes van die aarde; Hy word nie moeg of mat nie; daar is geen deurgronding van sy verstand nie. {40:29}  Hy gee die vermoeide krag en vermenigvuldig sterkte vir die wat geen kragte het nie. {40:30}  Die jonges word moeg en mat, en die jongmanne struikel selfs; {40:31}  maar die wat op die HERE wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie.”

Ek volstaan daarmee! Die Evolusieteorie is nie bloot ‘n teorie nie - dit is ‘n vorm van afgodsdiens. Dit ontken die bestaan van ‘n Skepper en verwys na Sy skepping as blote toeval. Mag God die siele van hulle wat dit glo en verkondig genadig wees!

Kom gou Jesus!

PDF weergawe

Ooorsponklik uitgegee: 2010-10-02

God (HaShem) Kan Vir Jou 'n Nuwe Hart Gee

B'reisheet 

(In Die Begin)

Genesis / BeReshit 1:1 - 6:8
1 Samuel / Sh'muel Aleph 20:18 - 42
Johannes / Yochanan 1:1 - 5

Genesis / Bereshit {6:5} "Toe die HERE sien dat die boosheid van die mens op die aarde groot was en al die versinsels wat hy in sy hart bedink, altyddeur net sleg was" 

Ek beskou myself as doodnormaal, maar soms voel ek asof ek kan ineenkrimp oor sekere gedagtes wat in my binneste opkom. Ek kan met iemand gesels of na hom / haar luister en plotseling kan 'n verskriklike gedagte by my opkom. Ek neem dit natuurlik altyd gevange deur Jesus die Messias, maar stel julle voor as dit moontlik was om mekaar se gedagtes te kon lees! Dink net daaraan! Indien dit vir mense moontlik was om die werklike óns en nie die ons wat ons voorgee om te wees of selfs die ons wat ons dink ons is nie, te hoor. 'n Skrikwekkende gedagte, maar wat as dit moontlik was - wat sou mense van ons gedink het?

Ons gedagtes is die eintlike werklike ons en God ken ons hart. As die verbeeldingsvermoë van die gedagtes van ons woede, wraak, haat, afguns of enige soort boosheid is, dan sien God ons as sulks. Hy ken ons gedagtes en sien ons net soos ons werklik is.

1 Kronieke (28:9} / Divre HaYamim Alef "En jy, my seun Salomo, ken die God van jou vader en dien Hom met ‘n volkome hart en met ‘n gewillige siel, want die HERE deursoek al die harte, en Hy verstaan elke versinsel van die gedagtes. As jy Hom soek, sal Hy Hom deur jou laat vind; maar as jy Hom verlaat, sal Hy jou vir altyd verstoot"

Ons kan God nie bedrieg nie: Hy kyk na die hart. Ons moet verder as ons politieke korrektheid en bedrieglike beleefdheid gaan en by die houding van ons hart uitkom, want dít is wat Hy beoordeel.

Wanneer iemand julle aanstoot gee of misbruik van julle maak, wat dink julle dan? Is dit hoe om hom te vergeld? Daardie gedagte is wat julle waarlik is. Indien julle beledig word maar dit oënskynlik gedweë aanvaar, maar van binne brand om wraak te neem, is dit wat julle werklik is.

Die enigste manier om voor God eerlik te wees, is om elke gedagte wat julle het, te ondersoek en bepaal of dit werklik is soos wat julle is, want dít is die ware mens wat God sien. Mense rondom julle mag moontlik deur julle beïndruk word - selfs gades mag miskien dink julle is net die voortreflikste, maar God sien nie wat hulle sien nie. God deursoek die hart.

Jeremia / Yirmeyahu (17:9} "Bedrieglik is die hart bo alle dinge, ja, verdorwe is dit; wie kan dit ken?"

Wat God hier sê, is dat die ware julle, is wat julle in jul harte is en dat behalwe vir Sy Goddelike ingryping in jul lewens, jul harte die mees bedrieglike in die ganse wêreld is; trouens, niks of niemand anders kan julle so bedrieg of belieg, as julle eie harte nie. Nie slegs is die hart bedrieglik bo alle dinge nie, maar is dit ook uitermate boos. Dit bedoel dat, as dit aan sigself oorgelaat sou word - geskei van God in julle lewens - kan dit onuitspreeklik verskriklik wees waartoe julle in staat sou wees! Dit beteken dat geeneen van ons inherent goed is nie. As julle goeie - ook op morele gebied - mense is, tree julle op onder die beperkings en vrees vir gevolge, soos jul ouers julle geleer het óf julle gehoorsaam die wette, deur ons regering bepaal, wat in beide gevalle onseker en onvolhoubaar is. Die enigste volhoubare weg om 'n goeie en sedelike mens te wees, is om in Jesus die Messias te glo.

Jesája / Yeshayahu (64:6} " En ons het almal geword soos ‘n onreine, en al ons geregtighede soos ‘n besoedelde kleed; en ons het almal verdor soos blare, en ons ongeregtighede het ons weggevoer soos die wind." 

Ek glo nie dat God dit duideliker kon gestel het nie. Sy beoordeling van ons situasie - behalwe vir die herskeppende krag van die Heilige Gees, wat ons 'n nuwe hart gee en "Tora" daaroor skryf - is dat ons hart verlore is! Julle mag julself as goeie mense beskou, mensliewende - of Godsdienstige mense wat verdien om Heiliges te wees, maar voor God se aangesig is al jul goedheid soos vuil klere. Dit is omdat, sonder die Heilige Gees, jul motivering en bemagtiging nie deur God kan wees nie. Die rede is omdat julle nie aan God behoort nie; daarom word julle bedrieg, want dít is wat die hart doen - dit is bedrieglik en verskriklik boos.

Eségiel / Yechezkel {36:26} "En Ek sal julle ‘n nuwe hart gee en ‘n nuwe gees in jul binneste gee; en Ek sal die hart van klip uit julle vlees wegneem en julle ‘n hart van vlees gee."

As julle in Jesus die Messias glo, dan woon God in wat Hy noem, jul harte; Hy het dan kom woon in daardie deel van julle, waar - volgens Hom - besluite geneem word. As gevolg daarvan, is Hy besig om jul harte te reprogrammeer, maar dit duur 'n leeftyd, omfdat die wêreld julle by sy standaarde will aanpas, maar die Woord van God wil julle herskep en gevolglik is daar 'n konstante tweestryd in ons harte.

Romeine / Romim {12:2} "En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is."

Die letterlike betekenis van die woord "vernuwing" is om die oue met die nuwe te vervang. Dit beteken dat die keuses wat jy normaalweg sou gedoen het - wat in die verlede hoofsaaklik daarop neergekom het om die self te bevredig - vervang sal word met keuses wat God sal behaag. Ten einde dit moontlik te maak, moet die Heilige Gees die Woord van God direk oplê op julle hart, met ander woorde dié plek waar God sê dat daardie keuses gemaak. Die Heilige Gees skryf die Tora op julle harte sodat julle die regte keuses kan doen - letterlik hervorm Hy julle harte.

Tensy ons die motivering van ons harte verander, sal ons self nie verander nie. Jesus die Messias het vir ons sondes geboet sodat ons as oorwinnaars kan lewe, maar ons keuses tydens ons lewe bepaal of ons in daardie oorwinning sal wandel.

Indien julle dit nog nie gedoen het nie, oorweeg dit asseblief in alle erns om Jesus die Messias in julle lewens in te nooi sodat God aan julle nuwe harte kan skenk.

Kom gou Jesus!

PDF Weergawe

Voorheen uitgegee: 2010-10-29