Keuses

Va'era

(En Ek Het Verskyn)

Eksodus 6:2 – 9:35

Keuses

Eksodus {9:17} “Versit jy jou nog teen my volk, dat jy hulle nie wil laat trek nie? {9:18} Kyk, Ek sal môre omtrent sulke tyd 'n baie swaar hael laat reën soos wat in Egipte nie gewees het van die dag af dat dit gegrond is tot nou toe nie. {9:19} Stuur dan nou en laat jou vee en alles wat jy in die veld het, in veiligheid bring; al die mense en die diere wat in die veld gevind word, en wat nie binnekant gebring is nie — op hulle sal die hael val, sodat hulle sterwe. {9:20} Hy wat die Here se woord gevrees het onder die dienaars van Farao, het sy slawe en sy vee in die huise laat vlug; {9:21} maar hy wat op die Here se woord geen ag gegee het nie, het sy slawe en sy vee in die veld laat bly.”

Die Here het die Farao en die Egiptenaars voldoende waarskuwing gegee voordat Hy elk van die plae oor hulle land laat kom het. Hierdie is egter die enigste plaag waar Hy begenadiging verleen indien hulle hul vee onder skuiling bring sodat hulle nie doodgeslaan word nie. Die gevolge van hierdie volgende plaag kon eenvoudig vermy gewees het deur gehoorsaam te wees en na God te luister. Dit is die enigste plaag waar die Here die mense waarsku om binne te bly indien hulle nie wou sterf nie. Dit word geglo dat die haelstene waarmee God Egipte getref het, ontsettend groot was.Dit móés inderdaad groot gewees het om die lewe van een waterbuffel van eenduisend kilogram ( tweeduisend pond), wat normaalweg deur die Egiptenaars vir boerdery gebruik is, dood te slaan. Soos ons in die Skrif lees, het nie almal in Egipte op die Here se waarskuwing ag geslaan nie. Slegs ‘n geringe aantal Egiptenaars het die God van Israel gevrees en enigsins ag geslaan op hierdie waarskuwing, selfs na al die plae wat oor hulle gekom het. Deur nie op God se waarskuwing veel ag te slaan nie, het beteken dat hulle alles wat hulle gehad het, hulle vee, slawe, families en selfs hulle self gesterf het. God kon dus nie verantwoordelik vir al die sterftes gehou word nie - dit was, trouens, hulle eie keuse. 

Die Israeli Verdedigingsmagte (IVM) gebruik hierdie selfde metode vóór weerwraakaanvalle teen Hamas en Gaza. Hulle het die inwoners van Gaza gewaarsku deur pamflette te versprei en oproepe na hulle selfone te maak, om hulle te waarsku om skuiling te soek, in hulle huise te bly of konflikareas te ontruim. Diegene wat dit nie gehoorsaam het nie en hulself blootgestel en gevolglik vermink is of gesterf het, was dit hulle eie keuse, waarvoor die IVM nie verantwoordelik gehou kon word vir beserings of sterftes van burgelikes wat die waarskuwing ignoreer het. Diegene wat egter die waarskuwings eerbiedig het, was redelik veilig van beserings en en moontlike sterftes. Deur uitstel aan te bied vir vervolging, het die IVM dikwels hul eie troepe in gevaar gestel, maar dit was die regte optrede om te volg.

Daar is ‘n ander waarskuwing wat die Here aan ons gegee het en dit is vervat in ‘n ander Skrifgedeelte, wat ons almal ernstig behoort op te neem:

Deuteronomium {28:1} “AS jy dan goed luister na die stem van die Here jou God om sorgvuldig te hou al sy gebooie wat ek jou vandag beveel, dan sal die Here jou God jou die hoogste stel bo al die nasies van die aarde.”,  {28:2} “En al hierdie seëninge sal oor jou kom en jou inhaal as jy luister na die stem van die Here jou God.”, {28:15} “Maar as jy nie luister na die stem van die Here jou God, om sorgvuldig te hou al sy gebooie en sy insettinge wat ek jou vandag beveel nie, dan sal al hierdie vloeke oor jou kom en jou inhaal.”, {28:20} “Die Here sal teen jou stuur die vervloeking, die verwarring en die bedreiging in alles waar jy jou hand aan slaan, wat jy moet doen; totdat jy verdelg is en totdat jy gou tot niet gaan vanweë die boosheid van jou handelinge, dat jy My verlaat het.”

Netsoos die Egiptenaars moes besluit of nie geluister het na die Here se waarskuwings om hulle lewens en dié van hulle vee te red nie en netsoos die burgelike inwoners van die stad Gaza moes besluit of hulle gaan agslaan op die waarskuwings van die IVM, so moet ook ons besluit of ons die Here gaan gehoorsaam en Sy gebooie te eerbiedig. God het ons gewaarsku om Sy Woord te gehoorsaam. In die bovermelde Skrifgedeelte het Hy aan ons die gevolge verstrek van ons keuse óf dit te ignoreer. Dit hang dus van ons af wat ons gaan doen! Indien ons verkies om dit te ignoreer, sal die Here nie verantwoordelik wees vir die gevolge wat ons gaan ly nie - die keuse is ons s’n!

Daar is ‘n baie beslissende waarskuwing in die Skrif wat ek ter afsluiting graag met julle wil deel. Dit is ‘n waarskuwing wat ons almal ernstig moet opneem; trouens, ek glo dat dit ons uiterste en finale waarskuwing van God is:

Johannes {14:6} “Jesus antwoord hom: Ek is die weg en die waarheid en die lewe; niemand kom na die Vader behalwe deur My nie.”

1 Johannes {2:23} “Elkeen wat die Seun loën, het ook nie die Vader nie.“

Handelinge {4:12} “En die saligheid is in niemand anders nie, want daar is ook geen ander naam onder die hemel wat onder die mense gegee is, waardeur ons gered moet word nie.”

Noudat julle hierdie waarskuwing het, wat gaan julle daaromtrent doen? Die keuse is dus joune! 

Kom gou Jesus!

PDF weergawe

Keuses

VaEra

(En Ek Het Verskyn)

Eksodus 6:2 – 9:35

Keuses

Eksodus {9:17} “Versit jy jou nog teen my volk, dat jy hulle nie wil laat trek nie? {9:18} Kyk, Ek sal môre omtrent sulke tyd 'n baie swaar hael laat reën soos wat in Egipte nie gewees het van die dag af dat dit gegrond is tot nou toe nie. {9:19} Stuur dan nou en laat jou vee en alles wat jy in die veld het, in veiligheid bring; al die mense en die diere wat in die veld gevind word, en wat nie binnekant gebring is nie — op hulle sal die hael val, sodat hulle sterwe. {9:20} Hy wat die Here se woord gevrees het onder die dienaars van Farao, het sy slawe en sy vee in die huise laat vlug; {9:21} maar hy wat op die Here se woord geen ag gegee het nie, het sy slawe en sy vee in die veld laat bly.”

Die Here het die Farao en die Egiptenaars voldoende waarskuwing gegee voordat Hy elk van die plae oor hulle land laat kom het. Hierdie is egter die enigste plaag waar Hy begenadiging verleen indien hulle hul vee onder skuiling bring sodat hulle nie doodgeslaan word nie. Die gevolge van hierdie volgende plaag kon eenvoudig vermy gewees het deur gehoorsaam te wees en na God te luister. Dit is die enigste plaag waar die Here die mense waarsku om binne te bly indien hulle nie wou sterf nie. Dit word geglo dat die haelstene waarmee God Egipte getref het, ontsettend groot was.Dit móés inderdaad groot gewees het om die lewe van een waterbuffel van eenduisend kilogram ( tweeduisend pond), wat normaalweg deur die Egiptenaars vir boerdery gebruik is, dood te slaan. Soos ons in die Skrif lees, het nie almal in Egipte op die Here se waarskuwing ag geslaan nie. Slegs ‘n geringe aantal Egiptenaars het die God van Israel gevrees en enigsins ag geslaan op hierdie waarskuwing, selfs na al die plae wat oor hulle gekom het. Deur nie op God se waarskuwing veel ag te slaan nie, het beteken dat hulle alles wat hulle gehad het, hulle vee, slawe, families en selfs hulle self gesterf het. God kon dus nie verantwoordelik vir al die sterftes gehou word nie - dit was, trouens, hulle eie keuse. 

Die Israeli Verdedigingsmagte (IVM) gebruik hierdie selfde metode vóór weerwraakaanvalle teen Hamas en Gaza. Hulle het die inwoners van Gaza gewaarsku deur pamflette te versprei en oproepe na hulle selfone te maak, om hulle te waarsku om skuiling te soek, in hulle huise te bly of konflikareas te ontruim. Diegene wat dit nie gehoorsaam het nie en hulself blootgestel en gevolglik vermink is of gesterf het, was dit hulle eie keuse, waarvoor die IVM nie verantwoordelik gehou kon word vir beserings of sterftes van burgelikes wat die waarskuwing ignoreer het. Diegene wat egter die waarskuwings eerbiedig het, was redelik veilig van beserings en en moontlike sterftes. Deur uitstel aan te bied vir vervolging, het die IVM dikwels hul eie troepe in gevaar gestel, maar dit was die regte optrede om te volg.

Daar is ‘n ander waarskuwing wat die Here aan ons gegee het en dit is vervat in ‘n ander Skrifgedeelte, wat ons almal ernstig behoort op te neem:

Deuteronomium {28:1} “AS jy dan goed luister na die stem van die Here jou God om sorgvuldig te hou al sy gebooie wat ek jou vandag beveel, dan sal die Here jou God jou die hoogste stel bo al die nasies van die aarde.”,  {28:2} “En al hierdie seëninge sal oor jou kom en jou inhaal as jy luister na die stem van die Here jou God.”, {28:15} “Maar as jy nie luister na die stem van die Here jou God, om sorgvuldig te hou al sy gebooie en sy insettinge wat ek jou vandag beveel nie, dan sal al hierdie vloeke oor jou kom en jou inhaal.”, {28:20} “Die Here sal teen jou stuur die vervloeking, die verwarring en die bedreiging in alles waar jy jou hand aan slaan, wat jy moet doen; totdat jy verdelg is en totdat jy gou tot niet gaan vanweë die boosheid van jou handelinge, dat jy My verlaat het.”

Netsoos die Egiptenaars moes besluit of nie geluister het na die Here se waarskuwings om hulle lewens en dié van hulle vee te red nie en netsoos die burgelike inwoners van die stad Gaza moes besluit of hulle gaan agslaan op die waarskuwings van die IVM, so moet ook ons besluit of ons die Here gaan gehoorsaam en Sy gebooie te eerbiedig. God het ons gewaarsku om Sy Woord te gehoorsaam. In die bovermelde Skrifgedeelte het Hy aan ons die gevolge verstrek van ons keuse óf dit te ignoreer. Dit hang dus van ons af wat ons gaan doen! Indien ons verkies om dit te ignoreer, sal die Here nie verantwoordelik wees vir die gevolge wat ons gaan ly nie - die keuse is ons s’n!

Daar is ‘n baie beslissende waarskuwing in die Skrif wat ek ter afsluiting graag met julle wil deel. Dit is ‘n waarskuwing wat ons almal ernstig moet opneem; trouens, ek glo dat dit ons uiterste en finale waarskuwing van God is:

Johannes {14:6} “Jesus antwoord hom: Ek is die weg en die waarheid en die lewe; niemand kom na die Vader behalwe deur My nie.”

1 Johannes {2:23} “Elkeen wat die Seun loën, het ook nie die Vader nie.“

Handelinge {4:12} “En die saligheid is in niemand anders nie, want daar is ook geen ander naam onder die hemel wat onder die mense gegee is, waardeur ons gered moet word nie.”

Noudat julle hierdie waarskuwing het, wat gaan julle daaromtrent doen? Die keuse is dus joune! 

Kom gou Jesus!

PDF weergawe

Gemaksone

VaEra

(En Ek Het Verskyn)

Eksodus / Shemot 6:2 – 9:35

Eksodus {6:2} "En Ek het aan Abraham, aan Isak en aan Jakob verskyn as God, die Almagtige, maar met my Naam HERE het Ek My nie aan hulle bekend gemaak nie. {6:3} Ook het Ek my verbond met hulle opgerig om hulle die land Kanaän te gee, die land van hulle vreemdelingskap waarin hulle vertoef het; {6:4} en Ék het ook gehoor die gekerm van die kinders van Israel wat deur die Egiptenaars in slawerny gehou word, en Ek het aan my verbond gedink. {6:5} Daarom, sê aan die kinders van Israel: Ek is die HERE, en Ek sal julle onder die harde arbeid van die Egiptenaars uitlei en julle red uit hulle slawerny, en Ek sal julle verlos deur ’n uitgestrekte arm en deur groot strafgerigte;"

Alhoewel God verskyn het aan Abraham, Isak en Jakob om Sy verbond met hulle te bevestig, het hulle slegs as vreemdelinge in die land vertoef tot hulle dood toe, dit het nooit aan hulle behoort nie. Volgens hierdie week se Tora-gedeelte, sou dit alles verander. Die belofte van God, wat aan die voorvaders van die kinders van Israel gedoen is, sou finaal vervul word in hulle verlossing uit die wrede slawerny wat hulle besig was om onder die Egiptenaars te ly. Wat in die verlede bloot ‘n belofte was, was nou op die punt om ‘n vervulde realiteit te word. Die vervulling van die belofte was, trouens, so belangrik dat van hierdie tyd af vorentoe en dwarsdeur die Tora - selfs tot in die Tanach (Hebreeuse Geskrifte) - sou God na Homself verwys as: “Die God wat die kinders van Israel uit Egipte gelei het.”

Honderde jare het verloop tussen die tyd van die belofte en die tyd van vervulling. Nog ‘n voorbeeld van God wat dinge doen volgens Sy tydsbepaling en nie ons s’n nie. Waarom het God honderde jare gewag om Sy belofte te vervul terwyl die kinders van Israel bitter gely het in Egipte? Waarom het ‘n liefdevolle en besorgde God toegelaat dat mense, Sy mense, in slawerny moes ly onder die wrede opsieners voordat Hy finaal besluit het om hulle te verlos? 

Ek word dikwels ‘n soortgelyke vraag oor die groot slagting (“Holocaust”) gevra: “As daar dan ‘n God is en Hy ons liefhet, waarom het Hy toegelaat dat dit gebeur?” Dit is jammer dat mense so gou is om God te blameer as onmenslik (“brutaal”) sonder om hulle eie onmenslikheid te besef; ‘n onmenslikheid wat manifesteer in woede, haat, vooroordeel, oorlog en moord, om enkeles te noem. Ek gaan egter nie die vraag van die groot menseslagting in hierdie kommentaar aanspreek nie, behalwe om te sê dat die vervloekinge in die Tora (Deuteronomium 28), die antwoord hierop is. God is ‘n liefdevolle, goeie en deernisvolle God, maar ons moet ook onthou dat Hy ‘n regverdige God is en nie sal toelaat dat die skuldiges ongestraf bly nie. Gelukkig strek Sy geregtigheid, soos Hy ons gewaarsku het, verder as net een geslag.

Deuteronomium {5:9} "Jy mag jou voor hulle nie neerbuig en hulle nie dien nie; want Ek, die HERE jou God, is ’n jaloerse God wat die misdaad van die vaders besoek aan die kinders, en aan die derde en aan die vierde geslag van die wat My haat;"

Nou gaan ons terug na ons oorspronklike vraag van waarom God honderde jare gewag het voordat Hy die kinders van Israel sou verlos.

Soos in ‘n vorige kommentaar aangedui, het God die kinders van Israel in Egipte laat woon om hulle getalle te vermeerder sodat hulle ‘n lewensvatbare nasie kon word. In Kanaän het die kinders van Israel begin assimileer maar in Egipte was hulle gedwing om apart te woon. Dit het dit vir hulle moontlik gemaak om ‘n nasie te word. God het geweet dat Sy nuwe nasie sou moes veg om die land te verower, wat Hy aan Abraham, Isak en Jakob belowe het, sodat hulle voldoende in getalle moes wees om ‘n leer op die been te bring om daardie taak uit te voer. God het ook ‘n volk nodig gehad wat Egipte as ‘n nasie sou wou verlaat wanneer die tyd daarvoor aangebreek het. Hy kon hulle dus nie toelaat om gerieflik daar te woon nie. In Duitsland, voor die Tweede Wereldoorlog, was die Jode gerieflik en vooruitstrewend, hulle het hulself eerstens as Duitsers en tweedens as Jode geag. As gevolg hiervan en toe die Nazi’s se mag toeneem, het die Jode nie die land verlaat toe hulle nog kon nie. Ons sien ‘n ander voorbeeld hiervan uit die tyd van die Babiloniese ballingskap. Slegs vyftig-duisend Jode het Babilon verlaat toe koning Kores ‘n dekreet om Jerusalem te herbou, uitgevaardig het. Dit was ook omdat hulle gerieflik, voorspoedig was en floreer het binne die Babiloniese samelewing. Dieselfde situasie word nou oor die wêreld heen herhaal met die opkoms van anti-Semitisme.  

In Egipte is die kinders van Israel gebruik, misbruik en tot slawerny gedoem vir honderde jare, met die gevolg dat toe die geleentheid vir hulle ontstaan het om Egipte te verlaat, hulle baie verlig was om weg te gaan. God het Sy doel bereik; hulle gatalle het intussen vermeerder, hulle is nie geassimileer nie en die belangrikste van alles was dat hulle gewillig was om te gaan. Vandag sou ‘n mens met aansienlike moeite die Joodse bevolking van die Verenigde State en Kanada kon oorreed om as één man dié lande te verlaat en in Israel te gaan woon. Die rede daarvoor is dat hulle gerief en voorspoed geniet en daar geen aansporing vir hulle is om te verhuis nie. Dit sou moeilike tye, ongehinderde anti-Semitisme, vervolging en ontberings verg om die Jode van die wêreld sover te kry om hulle gemaksone te verlaat - dit is aan die kom, maar miskien sal dit teen die tyd wat dit aanbreek, te laat wees! Die tyd wat die kinders van Israel lyding in Egipte moes verduur, was die tyd wat God gebruik het om hulle vir hulle vertrek voor te berei. Dit het honderde jare geduur om hulle sover te kry, om te vertrek, maar toe die volheid van God se tyd aangebreek het, was hulle bereid om te gaan.

Ons moet kennis neem van hoe God met Israel te werk gegaan het, want dit is hoe Hy met ons handel. Miskien het jy al deur jare van beproewing, verdrukking en moeilike tye gegaan. Jou lewe was rampspoedig en jy werk soos ‘n slaaf, maar raak net dieper in die skuld en depressie. Jy werk moontlik vir iemand wat soortgelyk is aan enige Egiptiese opsiener en daar is voetspore op jou rug van almal wat al oor jou geloop het. Om hierdie rede bevraagteken en twyfel jy aan jou verhouding met God, terwyl jy voel dat Hy jou verlaat het en nie langer vir jou omgee nie. Skep moed, want as jy ‘n kind van God is en Jesus die Messias in jou lewe ingenooi het as jou Here en Redder, dan is God besig om jou vir ‘n verandering voor te berei (Hy tugtig altyd diegene vir wie Hy lief is), maar jy is nog nie heeltemal gereed daarvoor nie. Hy het ‘n plan en ‘n doel vir jou en wanneer die volheid van Sy tydsbepaling aanbreek en Hy weet dat jy gereed is om jou ou lewe en bagasie agter te laat, sal Hy jou uit jou slawerny roep.      

Kom gou Jesus!

PDF weergawe

Wysheid, Insig en Oordeel

VaEra

(En Ek Het Verskyn)

Eksodus / Shemot 6:2 – 9:35

Eksodus / Shemot {7:8} “En die HERE het Moses en Aäron aangespreek met die woorde: {7:9}  As Farao met julle spreek en sê: Doen tog ‘n wonderteken vir julleself—dan moet jy vir Aäron sê: Neem jou staf en gooi dit voor Farao neer; dan sal dit ‘n slang word. {7:10}  Toe het Moses en Aäron na Farao gegaan en gedoen net soos die HERE hulle beveel het: Aäron het sy staf voor Farao en voor sy dienaars neergegooi, en dit het ‘n slang geword. {7:11}  Daarop laat Farao óók die wyse manne en die towenaars roep; en hulle, die Egiptiese towenaars, het ook dieselfde gedoen met hulle towerkunste: {7:12}  elkeen gooi sy staf neer, en hulle word slange! Maar Aäron se staf het hulle stawe verslind.”

Die towenaars van Egipte, wat deur die Farao ontbied is, was in staat om dieselfde wonders as Moses te verrig: Hulle stawwe het ook in slange verander. Dit is interessant om daarop te let dat die Hebreeuse woord “tan-neen” as slang vertaal word, maar ook as krokodil verstaan kan word. Aangesien Moses dus met die Farao by die Nylrivier onderhandel het, is dit heel moontlik dat die betrokke stawwe in krokodille verander het. Soos die geval was, was die towenaars ook by magte om die volgende twee wonders, deur Moses verrig, na te doen, naamlik om water in bloed te verander en die plaag paddas oor die land te bring.

Dit kon moontlik gewees het, soos sommige kommentators spekuleer, dat hierdie towenaars deur oëverblindery die wonders om ‘n staf in ‘n slang te verander, uitgevoer het. Hulle maak hierdie aanspraak omdat ‘n sekere soort slang wat in Egipte as die Egiptiese Kobra bekendstaan, inderdaad so styf soos ‘n staf kan word wanneer druk op ‘n bepaalde plek agter die kop uitgeoefen word. Hulle aanspraak mag dus gebruik word om hierdie besondere wonder te verduidelik, maar hoe verduidelik ons die ander twee wonders, wat hulle nagedoen het: die verandering van water in bloed en die plaag paddas wat oor die land gekom het? Hierdie wonders kon hoegenaamd nie aan oëverblindery toegeskryf word nie. Dit was slegs tot-en-met die derde wonder, deur Moses en Aäron uitgevoer, dat die Egiptiese towenaars besef het dat hulle nie opgewasse was teen iemand groter as hulle nie.

Eksodus / Shemot {8:16} “Verder het die HERE met Moses gespreek: Sê aan Aäron: Steek jou staf uit en slaan die stof van die aarde, en dit sal muskiete word in die hele Egipteland. {8:17}  En hulle het so gedoen: Aäron het sy hand met sy staf uitgesteek en die stof van die aarde geslaan, en daar het muskiete gekom op die mense en op die vee. Al die stof van die aarde het muskiete geword in die hele Egipteland. {8:18}  En die towenaars het dieselfde gedoen met hulle towerkunste om die muskiete voort te bring, maar hulle kon nie. So was die muskiete dan op die mense en op die vee. ”

Ek wil graag daarop wys dat nie alle wonders van God kom nie! Ongetwyfeld kan God wondere verrig – selfs vandag nog – maar ons moet uiters versigtig wees, soos ek hierbo vermaan het: “Nie alle wonders geskied deur God nie.” Meer as ‘n paar keer het mense my al vertel van wonders, wat hulle na bewering gesien, ervaar of van verneem het. Nadat ek na hulle geluister het, was ek betreklik skepties of dit van God gekom het. Hulle was egter oortuig daarvan. Ten spyte van my skeptisisme en uitdruklike vermaning tot versigtigheid, was hulle nogtans daarvan oortuig dat dit van God was.

In die Bybel is heelwat Skrifgedeeltes, waarvolgens wonders deur entiteite anders as God verrig is. Hier is byvoorbeeld een daarvan:

Openbaring / Hitgalut {13:11} “En uit die aarde het ek ‘n ander dier sien opkom, en hy het twee horings gehad net soos ‘n lam en het gepraat soos ‘n draak. {13:12}  En hy oefen al die mag van die eerste dier uit voor sy oë, en hy maak dat die aarde en die wat daarop woon, die eerste dier aanbid, waarvan die dodelike wond genees is. {13:13}  Hy doen ook groot tekens, sodat hy selfs vuur uit die hemel laat neerdaal op die aarde voor die oë van die mense. {13:14}  En hy verlei die bewoners van die aarde deur die tekens wat hom gegee is om voor die oë van die dier te doen, deur aan die bewoners van die aarde te sê dat hulle ‘n beeld moet maak vir die dier wat die swaardwond ontvang en lewendig geword het.”

Sekere wonders soos die hierbo aangehaal, veral die wat in die eindtyd verwag word, sal waarneembaar wees vir diegene wat met die Skrif vertroud is. Ongelukkig, anders as kennis van die gebeure wat tot die laaste dae sal lei, is daar geen Bybelse leidraad, wat ons meedeel hoe om dit te verifieer, indien ‘n wonder vandag sou plaasvind, as komende van God of van ’n ander bron nie. Neem byvoorbeeld genesing: ek het al mans sowel as vrouens – Christene – gesien wat in die openbaar dade van (wonder) genesing verrig. Hulle het duisende mense oortuig van hulle vermoë om in die naam van Jesus, genesing teweeg te bring. Toe ‘n navorsingsverslag deur ‘n baie toonaangewende nuusstasie, oor hierdie genesings egter verskyn het, het dié genesings onjuis geblyk te wees. Nietemin bly hierdie selfde predikers of (geloofs-) genesers oneindig gewild, terwyl hulle blykbaar duisende Christen-volgelinge bedrieg. Die enigste wyse om ons nie deur wonders , wat nie van God is, te laat bedrieg nie, is vir God om aan ons insig en wysheid te skenk.

Daar is ‘n gebed uit die Joodse gebedeboek wat elke oggend in sinagoges voorgedra word. Dit lui soos volg: “You graciously endow man with wisdom and teach insight to a frail mortal. Endow us graciously from Yourself with wisdom, insight en discernment. Blessed are You, HaShem, gracious giver of wisdom”.

Kom gou Jesus!

PDF weergawe

Voorheen uitgegee: 2012-01-15

God Maak Nie Foute Nie / Die Keuse Berus By Ons

VaEra

(En Ek Het Verskyn)

Eksodus / Shemot 6:2 – 9:35

Esegiël / Yechezkel 28:25 – 29:21

Romeine / Romim 9:14 – 25

Eksodus / Shemot {9:17} “Versit jy jou nog teen my volk, dat jy hulle nie wil laat trek nie? {9:18}  Kyk, Ek sal môre omtrent sulke tyd ‘n baie swaar hael laat reën soos wat in Egipte nie gewees het van die dag af dat dit gegrond is tot nou toe nie. {9:19}  Stuur dan nou en laat jou vee en alles wat jy in die veld het, in veiligheid bring; al die mense en die diere wat in die veld gevind word, en wat nie binnekant gebring is nie—op hulle sal die hael val, sodat hulle sterwe. {9:20}  Hy wat die HERE se woord gevrees het onder die dienaars van Farao, het sy slawe en sy vee in die huise laat vlug; {9:21}  maar hy wat op die HERE se woord geen ag gegee het nie, het sy slawe en sy vee in die veld laat bly.”

God het die Farao en Egiptenare vroegtydig gewaarsku vóór elk van die plae wat Hy oor hulle land gebring het. Hierdie is egter die enigste plaag waar Hy die mense vooraf waarsku en hulle bevel om hul vee in veiligheid te bring. Dit is ook die enigste plaag waar Hy die mense waarsku om nie na buite te gaan indien hulle nie wil sterf nie. Volgens ons rabbynse wysgere, was die haelstene geweldig groot; trouens, om die lewe van ‘n vier – tot seshonderd-pond koei te bedreig, moes dit inderdaad groot gewees het. Volgens die Skrif, het waarskynlik nie almal in Egipte op God se waarskuwing ag geslaan nie, behalwe ‘n geringe aantal van diegene wat reeds die voorafgaande plae belewe het en nou die God van Israel gevrees het. Dit was die enigstes wat dié waarskuwing gehoorsaam het. Wat was dus die gevolg van ongehoorsaamheid en om nie God se waarskuwing ernstig op te neem nie? Hulle asook hulle vee het omgekom en dit was nie God wat vir hul dood aanspreeklik was nie – dit was hulle eie keuse.

In die hedendaagse Israel is dieselfde maatreël toegepas om die inwoners van Gaza te waarsku om sekere tye, tydens die laaste Gaza-oorlog, binnenshuis te bly. Hul verontagsaming van die waarskuwings, sou, soos aan hulle gesê is, hulle in gevaar stel en moontlik tot hul dood lei. Pamflette is versprei waardeur inwoners in bepaalde areas en woonbuurte gewaarsku is dat die Israeli-Verdedigingsmag van voornemens was om dáár militêre operasies uit te voer. Die verdedigingsmag was dus nie aanspreeklik vir die dood van daardie burgerlikes wat nie op die waarskuwing ag geslaan het nie – die keuse was hulle s’n. Israel het sy eie troepe in gevaar gestel om hierdie waarskuwings uit te reik – dit was dus die korrekte optrede.

Deuteronomium / Devarim {28:1} “As jy dan goed luister na die stem van die HERE jou God om sorgvuldig te hou al sy gebooie wat ek jou vandag beveel, dan sal die HERE jou God jou die hoogste stel bo al die nasies van die aarde. {28:2}  En al hierdie seëninge sal oor jou kom en jou inhaal as jy luister na die stem van die HERE jou God. {28:15}  Maar as jy nie luister na die stem van die HERE jou God, om sorgvuldig te hou al sy gebooie en sy insettinge wat ek jou vandag beveel nie, dan sal al hierdie vloeke oor jou kom en jou inhaal. {28:20}  Die HERE sal teen jou stuur die vervloeking, die verwarring en die bedreiging in alles waar jy jou hand aan slaan, wat jy moet doen; totdat jy verdelg is en totdat jy gou tot niet gaan vanweë die boosheid van jou handelinge, dat jy My verlaat het.”

Net soos die Egiptenare moes besluit om God se waarskuwings te gehoorsaam – aldan nie – en sowel hulle lewens as dié van hul vee te red, net so moes die inwoners van Gaza-stad besluit of hulle aan die waarskuwings van die Israeli-Verdedigingsmag sou gehoor gee en in hul huise bly; eweneens moet ons ook besluit of ons God se waarskuwing gaan gehoorsaam. God het ons in Sy Woord – hierbo aangehaal – gewaarsku, deur aan ons die gevolge van gehoorsaamheid of ongehoorsaamheid aan Sy gebooie, uiteen te sit. Dit is dus nou vir óns om te besluit wat ons gaan doen! God sal nie aanspreeklik wees indien ons die verkeerde besluit neem nie: die keuse berus by ons.

Daar is ‘n kritieke vermaning in die Skrif, wat ek ten slotte met julle wil deel: dit is ‘n waarskuwing waarop ons almal moet agslaan en dit gehoorsaam. Ek glo dat dit die finale waarskuwing deur God is:

Johannes / Yochanan {14:6} “Jesus antwoord hom: Ek is die weg en die waarheid en die lewe; niemand kom na die Vader behalwe deur My nie.”

1 Johannes / Yochanan Aleph {2:23} “Elkeen wat die Seun loën, het ook nie die Vader nie.”

Noudat julle hierdie vermaning het, wat gaan julle daaromtrent doen? Die keuse berus by julle.

Kom gou Jesus!

PDF weergawe

Voorheen uitgegee: 2011-01-01

Wees Gereed

VaEra

(En Ek Het Verskyn)

Eksodus / Shemot 6:2-9: 35

Jesaja / Yeshayahu 66:1-24

Romeine / Romim 9:14-25

Eksodus / Shemot {6:2} “Verder het God met Moses gespreek en vir hom gesê: Ek is die HERE. {6:3} (6:2) En Ek het aan Abraham, aan Isak en aan Jakob verskyn as God, die Almagtige, maar met my Naam HERE het Ek My nie aan hulle bekend gemaak nie. {6:4} (6:3) Ook het Ek my verbond met hulle opgerig om hulle die land Kanaän te gee, die land van hulle vreemdelingskap waarin hulle vertoef het; {6:5} (6:4) en Ék het ook gehoor die gekerm van die kinders van Israel wat deur die Egiptenaars in slawerny gehou word, en Ek het aan my verbond gedink.”

Waarom sou God vir honderde jare gewag het, terwyl die kinders van Israel so verdruk is in Egipte, om aan hulle te dink? Dit verstom my dat 'n liefdevolle en sorgsame God sou toelaat dat 'n volk, Sy volk, in slawerny moes ly, onder die dwangarbeid van wrede opsieners, voordat Hy eindelik besluit het om hulle te verlos. Ek word dikwels soortgelyke vrae gevra oor die Jode se vervolging tydens die Tweede Wêreldoorlog: “Indien daar 'n God is, waarom het Hy dit dan toegelaat?”

Dit is tog vreemd dat mense geneigd is om God so gou moontlik te beskuldig van wreedheid sonder om hul eie wreedheid te erken, wat deur woede, haat en vooroordeel gekenmerk word. Ek is nie van plan om die Jode se vervolging in hierdie kommentaar te bespreek nie, behalwe om te sê dat die heling vir ons in die Tora (Deuteronomium {28}), beantwoord word. God is 'n liefdevolle, barmhartige en genadige God, maar ons moet ook onthou dat Hy 'n regverdige God is en nie die skuldiges ongestraf sal laat gaan nie. Ongelukkig strek Sy geregtigheid – soos Hy ons gewaarsku het – verder as één geslag.

Deuteronomium / Devarim {5:9} “Jy mag jou voor hulle nie neerbuig en hulle nie dien nie; want Ek, die HERE jou God, is ‘n jaloerse God wat die misdaad van die vaders besoek aan die kinders, en aan die derde en aan die vierde geslag van die wat My haat;”

Nou gaan ek terug na ons oorspronklike vraag, naamlik, waarom God na soveel eeue eers aan die kinders van Israel gedink het.

God het die kinders van Israel na Egipte laat gaan sodat hulle getalle so sou toeneem, dat hulle 'n lewensvatbare nasie sou word. 'n Nasie het inderdaad mense nodig en nie slegs enkelinge nie. God het geweet dat Sy nuwe volk vir die land, wat Hy aan Abraham, Isak en Jakob beloof het, sou moes veg en dit verower. Dus moes daar 'n voldoende aantal mense wees om 'n leërmag te kon saamstel om daardie taak te volbring. God het ook mense nodig gehad wat op die aangewese tyd, soos één man Egipte sou verlaat. Die kinders van Israel, wat vir honderde jare gebruik, misbruik en in slawerny was, sou daardie doel verwesenlik. Toe die geleentheid vir die kinders van Israel dus aangebreek het om Egipte te verlaat, het hulle nie op hulle laat wag nie.

Vandag sal dit ontsettend veel verg om die hele Joodse bevolking van die Verenigde State en Kanada te oorreed om in Israel te gaan woon. Waarom? Omdat hule welgesteld en voorspoedig is, met die gevolg dat daar vir hulle geen dryfveer is om daarheen te gaan nie. 'n Voorbeeld hiervan is die Babiloniese ballingskap. Slegs vyftigduisend Jode het van Babilon af teruggekeer toe koning Kores die dekreet uitgevaardig het dat Jerasulem herbou moes word. Dit was omdat hulle voorspoed beleef en floreer het in Babilon. Dieselfde geld nou vir die Jode in die Verenigde State en Kanada. Indien hulle egter skielik moeilike tye sou beleef en te staan kom voor moontlike vervolging of selfs die vooruitsig van gevangenskap, sou hulle ongetwyfeld gaan. Die tydperk wat die kinders van Israel in Egipte verdrukking verduur het, was die tyd wat God gebruik het om hulle vir hul vertrek voor te berei. Dit het eeue geduur vir hulle om Egipte te wou verlaat, maar toe die volheid van God se tyd aangebreek het, was hulle bereid om te gaan.

Ons moet daarop let hoedat God vir Israel beskik het, want dit is hoedat Hy ook met ons te werk gaan. Miskien het julle ook jare van beproewing en swaarkry ervaar, jul lewens was 'n mislukking en julle werk soos slawe, maar verval net in dieper skuld en depressie. Julle werk dalk onder 'n baas wat met enige Egiptiese opsiener sou wedywer en daar is voetspore op jul rûe van almal wat al oor julle geloop het. As gevolg daarvan het julle moontlik reeds jul verhouding met God bevraagteken en betwyfel en gedink dat Hy julle verlaat het en nie meer vir julle omgee nie. Skep egter moed, want as jy 'n kind van God is en in Jesus die Messias glo, dan is God besig om jou voor te berei vir verandering. Hy het 'n plan en doel met jou en wanneer die volheid van Sy tyd aanbreek, sal Hy jou uitroep en sal jy meer as gereed wees!

Galasiërs/ Galitim {4:4}”Maar toe die volheid van die tyd gekom het, het God sy Seun uitgestuur, gebore uit ‘n vrou, gebore onder die wet, {4:5} om die wat onder die wet was, los te koop, sodat ons die aanneming tot kinders kan ontvang.“

Kom gou Jesus!

PDF weergawe

Voorheen uitgegee: 2010-01-16