Weeklikse Oordenkings

Parasha Tetzaveh (U Sal Beveel) - Tempelberg

Eksodus {29:42} “Dit moet 'n voortdurende brandoffer vir julle geslagte wees, by die ingang van die tent van samekoms, voor die aangesig van die Here, waar Ek met julle sal saamkom om daar met jou te spreek. {29:43} En daar sal Ek met die kinders van Israel saamkom en die tent sal deur my heerlikheid geheilig word. {29:44} So sal Ek dan die tent van samekoms en die altaar heilig. Ek sal Aäron en sy seuns ook heilig om vir My die priesteramp te bedien. {29:45} En Ek sal onder die kinders van Israel woon en vir hulle 'n God wees; {29:46} en hulle sal weet dat Ek die Here hulle God is wat hulle uit Egipteland uitgelei het om in hulle midde te woon. Ek is die Here hulle God.”

Waarom moes die Altaar van die Offerande geplaas word by die ingang vóór die Tent van Samekoms? Waarom kon dit nie agter by een van die sykante geplaas gewees het nie?

Uit hierdie Parasha verneem ons dat daar ‘n uitgebreide stelsel van Offerande was wat vereis het dat Aäron en sy seuns toegelaat sou word om die Tent van Samekoms binne te gaan. Teneinde hulle in staat te stel om verby die Altaar te beweeg, moes hulle vooraf geheilig en gereinig word van enige sonde. Geen sondige priesters kon in die teenwoordigheid van ‘n Heilige God en die Altaar kom nie, waarop die sondoffers verbrand is en daardie doel gedien het.

“Hulle sal weet dat Ek die Here hul God is, wat hulle uit die land van Egipte gelei het, sodat Ek onder hulle kon woon. Ek is die Here hulle God.”

God is nie ‘n God van reëls en regulasies nie - Hy is ‘n God van verhoudinge! Dit is egter onmoontlik vir ‘n sondige, onheilige volk om enige soort verhouding met ‘n Heilige God te hê vandaar die behoefte aan ‘n Altaar van Offerande en diere-offers. Diens by die Tora en vervulling van die gebooie, het ‘n mens nie heilig gemaak nie. Wat ‘n mens wel heilig maak, is vergifnis van sonde deur die plaasvervangende diere-offers.

Het julle opgelet dat, toe die Parasha gelees is, Aäron en sy seuns hulle hande op die offerdier moes lê voordat dit geslag is? Die handoplegging het die oorplasing van hul sonde op wat ookal geoffer word, veplaas. Die dier, waarop hul hande gelê was, is toe geslag en aan die Here geoffer as plaasvervanger vir die dood van die menslike sondaar; in die geval van ons Parasha, was dit vir Aäron en sy seuns.

Die Here is vandag netso heilig as wat Hy in bybelse tye was en ons as mense is netso onheilig as wat ons in die bybelse tye was. Ons het egter steeds ‘n offerande nodig om die prys van ons sonde - soos in bybelse tye - nodig indien ons ‘n verhouding met God verlang. Wat is vandag ons offerande vir sonde aangesien daar nie langer ‘n Tent van Samekoms of ‘n Tempel in Jerusalem is, waar diere die prys vir ons sonde kan betaal nie? Waarop lê ons vandag ons hande om ons sonde vir ons te verplaas teneinde ‘n verhouding met die Heilige God te vestig? Dit is vanselfsprekend Jesus die Messias.

Jesaja {59:2} “maar julle ongeregtighede het 'n skeidsmuur geword tussen julle en julle God, en julle sondes het sy aangesig vir julle verberg, sodat Hy nie hoor nie.”

Jesaja {59:3} “Want julle hande is met bloed bevlek en julle vingers met ongeregtigheid; julle lippe spreek leuen, julle tong fluister onreg.”

Daar is ‘n interessante punt wat ek graag met julle wil deel aangaande die Altaar en die Offerande: dit behels ‘n verklaring deur Jesus:

Matthéüs {23:34} “Daarom, kyk, Ek stuur profete en wyse manne en skrifgeleerdes na julle toe, en julle sal sommige van hulle doodmaak en kruisig en sommige van hulle in jul sinagoges gésel en van die een stad na die ander vervolg, {23:35} sodat oor julle kan kom al die regverdige bloed wat vergiet is op die aarde, van die bloed van die regverdige Abel af tot op die bloed van Sagaría, die seun van Berégja, wat julle vermoor het tussen die tempel en die altaar.”

Let daarop dat Sagaria tussen die Altaar en die Tempel vermoor is. Vandeesweek se Parasha vertel ons dat Aäron en sy seuns geheilig moes word deur die diereoffer te gebruik voordat hulle verby die die Altaar kon gaan, wat beteken het dat niks wat sondig was toegelaat is tussen die Altaar en die Tent van Samekoms nie en dieselfde sou gegeld het tussen die Altaar en dieTempel, waar Sagaria vermoor is. Die Altaar van Offerande is doelbewus so geplaas dat die priesters vergifnis kan ontvang vir enige sonde wat gepleeg is voordat hulle die Tent van Samekoms kon betree. Dit kon egter nie versoening vir enige sonde bied wat verder as die Tempel gepleeg is nie. Sagaria se moord het plaasgevind aan die verkeerde kant van die Altaar (tussen die Altaar en die Tempel); derhalwe was daar geen versoening daarvoor nie.

Met dit in gedagte, is die Tempelberg nie besoedel nie vanweë die Koepel van die Rots of omdat die Moskee ook daarop was, soos deur vele beweer word. Hierdie gedeelte van die vaste eiendom is besoedel deur die bloed van Sagaria, wat tussen die Altaar en die Tempel vermoor is en waarvoor daar geen versoening was nie. Derhalwe sal die Tempelberg, in die huidige toestand, altyd besoedel wees. Die bestaande berg sal vernietig moet word en ‘n nuwe berg op die plek daarvan opgerig word sodat die Messias se Duisendjarige Tempel in Jerusalem gebou kan word. - dit is wat presies sal gebeur.

Sagaria {14:4} “En in dié dag sal sy voete staan op die Olyfberg wat voor Jerusalem lê, aan die oostekant; en die Olyfberg sal middeldeur gesplyt word van oos na wes tot 'n baie groot dal; en die een helfte van die berg sal wegwyk na die noorde en die ander helfte na die suide.”

Wanneer Jesus na die aarde terugkeer, sal Sy voete raak aan die Olyfberg, wat die drie pieke, waarvan die Tempelberg één is, hierdie bergreeks skeur en ‘n nuwe onbesoedelde berg gevorm word waarop die Messiaanse Duisendjarige Tempel kan en sal opgerig word.

Jesaja {2:1} “DIE woord wat Jesaja, die seun van Amos, gesien het met betrekking tot Juda en Jerusalem. {2:2} En aan die einde van die dae sal die berg van die huis van die Here vasstaan op die top van die berge en verhewe wees bo die heuwels, en al die nasies sal daarheen toestroom. {2:3} En baie volke sal heengaan en sê: Kom laat ons optrek na die berg van die Here, na die huis van die God van Jakob, dat Hy ons sy weë kan leer en ons in sy paaie kan wandel. Want uit Sion sal die wet uitgaan en die woord van die Here uit Jerusalem.”

Kom gou Jesus!

PDF weergawe

Lees meer

Tempelberg

Tetzaveh

(U Sal Beveel)

Eksodus 27:20 – 30:10

Esegiël 43:10 – 27

Hebreërs 13:10 – 17

Waarom moes die Altaar van die Offerande geplaas word by die ingang vóór die Tent van Samekoms? Waarom kon dit nie agter by een van die sykante geplaas gewees het nie?

Met die Tent van Samekoms het die Here ‘n plek vir Homself geskep waar Hy onder onheilige mense kon woon, maar nogtans apart van hulle wees. Soos ek verlede week gesê het, wat was dus die doel van die Here om onder hulle te woon? Dit was so dat hulle ‘n persoonlike verhouding met Hom kon hê. Soos die bogemelde Skrif lui, “Hulle sal weet dat Ek die Here hul God is, wat hulle uit die land van Egipte gelei het, sodat Ek onder hulle kon woon. Ek is die Here hulle God.”

Jesaja {59:2} “maar julle ongeregtighede het 'n skeidsmuur geword tussen julle en julle God, en julle sondes het sy aangesig vir julle verberg, sodat Hy nie hoor nie.”

Jesaja {59:3} “Want julle hande is met bloed bevlek en julle vingers met ongeregtigheid; julle lippe spreek leuen, julle tong fluister onreg.”

Daar is ‘n interessante punt wat ek graag met julle wil deel aangaande die Altaar en die Offerande: dit behels ‘n verklaring deur Jesus:

Kom gou Jesus!

PDF weergawe

Lees meer

Vir Ewig

Tetzaveh

(U Sal Beveel)

Eksodus 27:20 – 30:10

Esegiël 43:10 – 27

Hebreërs 13:10 – 17

Eksodus {27:10} "daarby twintig pilare met hulle twintig kopervoetstukke; die kramme en die ringe van die pilare moet van silwer wees. {27:11} So moet daar ook aan die noordekant, in die lengte, behangsels wees, honderd el lank; daarby twintig pilare met hulle twintig kopervoetstukke. Die kramme en die ringe van die pilare moet van silwer wees. {27:12} En in die breedte van die voorhof, aan die westekant, moet daar behangsels van vyftig el wees; daarby tien pilare en hulle tien voetstukke. {27:13} En die breedte van die voorhof aan die oostekant, teen sonop, vyftig el — {27:14} sodat daar vyftien el behangsels vir die een kant is, daarby drie pilare en hulle drie voetstukke; {27:15} en vir die ander kant vyftien el behangsels, daarby drie pilare en hulle drie voetstukke; {27:16} en vir die poort van die voorhof ’n bedekking van twintig el, van pers, purperrooi en bloedrooi stowwe en fyn dubbeldraad-linne, veelkleurige werk; daarby vier pilare en hulle vier voetstukke. {27:17} Al die pilare van die voorhof moet rondom van silwerringe voorsien wees; hulle kramme moet van silwer wees en hulle voetstukke van koper. {27:18} Die lengte van die voorhof moet honderd el wees en die breedte vyftig by vyftig en die hoogte vyf el, van fyn dubbeldraad-linne, daarby voetstukke van koper. {27:19} Aangaande al die gereedskap van die tabernakel, by sy hele bewerking, en al sy penne en al die penne van die voorhof, hulle moet van koper wees. {27:20} En jý moet die kinders van Israel beveel dat hulle vir jou suiwer, uitgestampte olyfolie vir die kandelaar bring, om gedurigdeur ’n brandende lamp te hê. {27:21} “In die tent van samekoms, buitekant die voorhangsel wat voor die Getuienis is, moet Aäron en sy seuns dit regmaak om te brand van die aand tot die môre voor die aangesig van die HERE. Dit sal ’n ewige insetting wees in hulle geslagte, van die kant van die kinders van Israel."

Wanneer die Here vir die kinders van Israel beveel dat iets ‘n verordening vir ewig is, wat beteken dit? Bedoel dit vir ewig totdat hulle dit nie langer kan doen nie? Beteken dit vir ewig totdat hulle deur hulle vyande verslaan is? Beteken dit vir ewig totdat hulle uit die land verdryf en oorsee versprei is onder die nasies? Of impliseer vir ewig werklik vir ewig? So wat beteken dit wat Hy ons beveel: “.....dat dit vir ewig ‘n verordening sal wees……” en vir hoe lank is “vir ewig”

Wanneer ons lees dat die Here sê “vir ewig”, is dit nie slegs ‘n bepaling wat met betrekking tot die Menorah (lamp) uniek is nie. Dwarsdeur die Skrif, het die Here beveel om dinge vir ewig na te kom, byvoorbeeld die verskeidenheid sondoffers in Bet Hamikdash (tempel), sou ook vir ewig as verordening geld.

Levitikus {7:36} "wat die HERE beveel het om hulle te gee van die kant van die kinders van Israel, op die dag toe Hy hulle gesalf het. Dit is ’n ewige insetting vir hulle geslagte. {7:37} Dit is die wet vir die brandoffer, die spysoffer en die sondoffer en die skuldoffer en die wydingsoffer en die dankoffer"

Jesaja {9:7} "DIE HERE stuur ’n woord in Jakob, en dit val in Israel;"

Met betrekking tot ons twee voorafgaande Skrifgedeeltes, weet ons dat die Levitiese offerstelsel nie langer beoefen word nie omdat daar geen tempel meer in Jerusalem is nie. Ons weet dat daar teenswoordig geen koning op die troon van Dawid sit nie. So bedoel “vir ewig” vir God tot tyd en wyl Hy ons die vermoë ontneem om dit nie langer na te kom nie?

Ek glo dat “vir ewig” vir God letterlik vir ewig beteken. Hoe is dit moontlik wanneer die Tempel nie langer bestaan nie, diere nie langer geoffer kan word nie, die troon van Dawid ook nie langer bestaan nie en Israel nie langer ‘n monargie is nie? Wel, diegene onder ons wat wéét dat Jesus die Messias, die Seun van Dawid, hulle Here en Redder is, wéét vir seker dat Hy inderdaad op Sy troon in die Hemel sit, aan die regterkant van die Vader, en oor die ganse aarde regeer.

Psalm {103:1} "’n PSALM van Dawid. Loof die HERE, o my siel, en alles wat binne-in my is, sy heilige Naam! {103:18} vir die wat sy verbond hou en aan sy bevele dink om dié te doen. {103:19 Die HERE het sy troon in die hemel gevestig, en sy koninkryk heers oor alles."

Daarom, met betrekking tot die troon van Dawid, is daar ‘n Seun van Dawid wat steeds op daardie troon sit en Hy sal vir ewig daarop sit, netsoos die Here gesê het.

Wat dan aangaande die Menorah, die Lamp, wat gedurig aangesteek moes word en sekerlik ten minste 2 millenia gelede reeds uitgebrand het en natuurlik die Tempelofferandes wat ook nie langer bestaan nie?

Met beterekking tot die Lamp, het Jesus vir ons gesê:

Johannes {8:12} "EN Jesus het weer met hulle gespreek en gesê: Ek is die lig van die wêreld; wie My volg, sal sekerlik nie in die duisternis wandel nie, maar sal die lig van die lewe hê."

Die Lig van die Menorah, wat gedurig (vir ewig) moes brand, dui op Jesus, die Lig van die Woord. Sy Lig skyn deur ons in ‘n donker wêreld en sal vir ewig bly skyn deur hulle wat in Sy Naam geroep is.

Ten slotte is daar die Tempelofferandes. Soos ons reeds bewus gemaak is, aangesien die Tempel nie meer bestaan nie, kan geen diere-offers aan die Here gebring word nie. Beteken dit dus dat die Levitiese priesterlike offerandestelsel nie vir ewig is nie, aangesien dit geëindig het met die vernietiging van die Tempel? My antwoord daarop is ja en nee. Ja, die Tempel bestaan nie meer nie en daarom kan die Levitiese offerandestelsel nie langer hier op aarde beoefen word nie, maar die Mishkan BaShamaim die (die Tabernakel in die Hemel) bestaan steeds en netso ook die Priesterdom, wat daarin dien. Ons weet dat die Mishkan (Tabernakel) wat Moses opgerig het - dié een wat saam met die kinders van Israel deur die wildernis vervoer is, slegs ‘n namaaksel was van die één in die Hemel, wat God aan aan Moses vertoon het op die berg Sinai.

Eksodus {25:40} "En kyk dat jy dit maak volgens die voorbeeld daarvan wat jou op die berg getoon is."

2 Kronieke {5:1} "TOE al die werk gereed was wat Salomo vir die huis van die HERE gedoen het, het Salomo die heilige gawes van sy vader Dawid ingebring, die silwer sowel as die goud, en al die voorwerpe het hy in die skatkamers van die huis van God neergesit."

Die Tabernakel bestaan steeds in die Hemel en om met die hemelse Tabernakel saam te gaan, het ons ‘n volle offerande ook in die Hemel, Jesus die Messias. Hierdie Hemelse Tabernakel is die één waarin Jesus opgevaar het om vir ons met Sy bloed ‘n ewige versoening te wees. Hy het vir ons ons enigste sondoffer geword. Telkens wanneer ons dus sondig en om vergifnis dit bely, deel Jesus die Vader mee dat Hy die toepaslike offerande, volgens die Tora, geword het vir daardie sonde en ons word vergewe.

Hebreërs {9:11} "Maar Christus, wat opgetree het as Hoëpriester van die toekomstige weldade, het deur die groter en volmaakter tabernakel wat nie met hande gemaak is nie, dit wil sê, wat nie aan hierdie skepping behoort nie, {9:12} ook nie met die bloed van bokke en kalwers nie, maar met sy eie bloed, een maal ingegaan in die heiligdom en ’n ewige verlossing teweeggebring."

Wat die Hoëpriesterskap betref, het ons inderdaad ‘n Hoëpriester.

Psalm {110:4} "Die HERE het gesweer, en dit sal Hom nie berou nie: U is priester vir ewig volgens die orde van Melgisédek."

Hebreërs {8:1} "DIE hoofsaak nou van wat ons gesê het, is dít: Ons het so ’n Hoëpriester wat gaan sit het aan die regterhand van die troon van die Majesteit in die hemele,"

Wie is hierdie Priester volgens die orde van Melgisedek? Jesus die Messias - Hy is sowel die offer as die offerande!

Hebreërs {6:20} "waar Jesus as voorloper vir ons ingegaan het, Hy wat volgens die orde van Melgisédek ’n hoëpriester geword het vir ewig."

Ter afsluiting, kan ons sien dat daar “vir ewig” ‘n Tempel in die Hemel is, met “vir ewig” ‘n Menorah, synde Jesus die Messias, wie “vir ewig” ons Hoëpriester is, wie ook “vir ewig” ons volle offerande is en “wie vir ewig” ons Koning is, wie “vir ewig” op die troon van Dawid sit.

Dit is dus vanselfsprekend dat die Here se “vir ewig” onteenseglik “vir ewig“ beteken!

Kom gou Jesus!

PDF weergawe

Lees meer

God, Genadige Gewer van Wysheid

Tetzaveh

(U Sal Beveel)

Eksodus / Shemot 27:20 – 30:10

Esegiël / Yechezekiel 43:10 – 27

Hebreërs / Ivrim 13:10 – 17

Eksodus / Shemot {28:1} “Dan moet jy jou broer Aäron, en sy seuns saam met hom, uit die kinders van Israel, laat nader kom na jou toe, dat hy vir My die priesteramp kan bedien: Aäron, Nadab en Abíhu, Eleásar en Itamar, die seuns van Aäron. {28:2} En jy moet vir jou broer Aäron heilige klere maak, tot eer en tot sieraad. {28:3} Jy moet ook spreek met almal wat kunsvaardig is, wat Ek met die gees van wysheid vervul het, dat hulle vir Aäron klere maak, om hom te heilig, dat hy vir My die priesteramp kan bedien.”

In hierdie Skrifgedeeltes, uit ons parasha Shavua (weeklikse Tora – voorlesings), het ek die gedeelte uitgesonder om kommentaar te lewer op aspekte betreffende die gees van wysheid.

Eksodus / Shemot {28:3} “Jy moet ook spreek met almal wat kunsvaardig is, wat Ek met die gees van wysheid vervul het, dat hulle vir Aäron klere maak, om hom te heilig, dat hy vir My die priesteramp kan bedien.”

Daar is ‘n ou gesegde wat soos volg lui: “Vroeg wys, vroeg sot”. In hierdie moelike tye met soveel misleiding en valse leringe in omloop, is daar iets wat die kind van God meer as enigiets anders kortkom en dit is wysheid.

Die wêreld leer ons dat wysheid saam met ouderdom kom. Ek kan nie volkome daarmee saamstem nie omdat daar baie bejaardes is wat nie gered is nie en dus bestem is tot ‘n ewigheid sonder God. Indien hulle egter oor wysheid beskik het, sou hulle op grond van die Skrif besef het dat Jesus die Messias is en dus gered moet word om die ewigheid saam met God deur te bring. Ek glo dat dit ondervinding is wat ouderdom meebring en die wêreld het foutiewelik ondervinding vir wysheid aangesien.

Volgens die bovermelde Skrifgedeelte, is dit God wat ons met die gees van wysheid vervul. Hoe ontvang ons hierdie wysheid van God? In die bogemelde geval het God wysheid verleen aan die mense wat Hy bestem het om die priesterlike klere te maak. Hy het gekwalifiseerde mense benodig om die taak uit te voer en dus uit Israel diegene gekies wat Hy met wysheid sou toerus om die werk te kon doen. Vandaar die gesegde: “God roep nie die geskiktes nie – Hy maak die geroepenes geskik”. Die Skrif leer ons egter ‘n ander manier om wysheid te ontvang:

Psalm / Tehillim {111:10} “Resj. Die vrees van die HERE is die beginsel van die wysheid; Sin. almal wat dit beoefen, het ‘n goeie verstand. Tau. Sy lof bestaan tot in ewigheid.”

Ons het al vantevore die betekenis van die vrees van God bespreek. Dit behels om vir Hom ontsag te hê. Deur Hom op hierdie wyse te bejeën, sal vanselfsprekend tot gevolg hê dat Sy gebooie onderhou word, wat die begin van wysheid is. Die uitnemendste manier om wysheid te ontvang, is egter om dit van God te bid:

Jakobus / Ya’acov {1:5} “En as iemand van julle wysheid kortkom, laat hom dit van God bid, wat aan almal eenvoudig gee sonder om te verwyt, en dit sal aan hom gegee word.”

Dit is die wyse waarop koning Salomo sy wysheid ontvang het. Hy het besef dat hy nie oor die vermoë beskik het om God se volk behoorlik te lei en regeer nie en God gebid om wysheid.

2 Korinthiërs / Korintim Bet {1:8} “En Salomo het tot God gespreek: U het aan my vader Dawid ‘n groot guns bewys en my in sy plek koning gemaak. {1:9} HERE God, laat u woord aan my vader Dawid nou bewaarheid word; want U het my koning gemaak oor ‘n volk talryk soos die stof van die aarde. {1:10} Gee my nou wysheid en kennis, dat ek voor hierdie volk kan uit— en ingaan, want wie kan hierdie groot volk van U regeer?”

Bid God om wysheid en Hy sal dit nie van jou weerhou nie; trouens, daar is ‘n gebed wat ons tydens ons oggendgebede (Shacharit) bid, wat moontlik vir jou tot hulp kan wees. Ek het dit effens gewysig om dit meer persoonlik te maak:

“U het genadiglik aan die mens wysheid geskenk en aan ‘n nietige sterfling, insig geleer. Skenk tog genadelik aan my, uit Uself, wysheid, insig en oordeelkundigheid. Geseënd is U, o God, genadige gewer van wysheid.”. (Nota: Vrye vertaling uit die Engelse (vrye) vertaling van die betrokke Hebreeuse gebed!)

Kom gou Jesus!

PDF weergawe

Voorheen uitgegee: 2012-03-03

Lees meer

Die Einddoel van Aanbidding

Tetzaveh

(Jy Sal Beveel)

Eksodus / Shemot 27:20 – 30:10

Esegiël / Yechezekiel 43:10 – 27

Hebreërs / Ivrim 13:10 – 17

Eksodus / Shemot {30:1} “Jy moet ook ‘n altaar maak om reukwerk te brand. Van akasiahout moet jy dit maak. {30:2} ‘n El moet sy lengte wees en ‘n el sy breedte—vierkantig moet dit wees; en twee el sy hoogte. Sy horings moet, daarmee saam, uit een stuk wees. {30:3} En jy moet dit met suiwer goud oortrek: die plaat en die sykante rondom en die horings. En maak daarvoor ‘n goue krans rondom. {30:4} Maak ook twee goue ringe daarvoor onderkant die krans aan weerskante; jy moet dié aan die twee sykante maak. En hulle moet dien as plekke vir draaghoute om dit daarmee te dra. {30:5} En maak die draaghoute van akasiahout, en trek dit oor met goud.”

Ek het al dikwels gewonder waarom hierdie Skrifgedeelte nie by verlede week se parasha (Parasha Terumah) ingesluit was nie. Dit sou meer sinvol gewees het omdat dit juis daarin is waar die voorskrifte vir die vervaardiging van al die ander arttikels van die tabernakel (Mishkan) voorkom. Ek het gevolglik gewonder: “Is daar dan ‘n bepaalde rede of betekenis daaragter dat God die voorskrifte vir die maak van die reukaltaar bepaal het ná die beskrywing hoedat die heilige- en priesterlike klere gemaak moes word?” Ek is oortuig daarvan dat ons almal sal saamstem dat God niks sommer lukraak doen nie – daar móét dus ‘n rede daarvoor wees!

Al die voorskrifte vir die konstruksie van die tabernakel en gepaardgaande voorwerpe is deur God bepaal. Dan was daar ook die opdrag vir die bring van vrywillige offergawes. Die rede hiervoor was dat, sonder gewillige harte om te gee, niks van God se werk op aarde tot stand gebring kan word nie. Ons God is ‘n gewende en vrygewige God en Sy mense moet net so wees. Hulle móét bereid wees om by te dra vir God se werk, wat oorvloedige seën meebring.

Lukas / Uri {6:38} “Gee, en aan julle sal gegee word. ‘n Goeie maat wat ingedruk en geskud en oorlopend is, sal hulle in jul skoot gee, want met dieselfde maat waarmee julle meet, sal weer vir julle gemeet word.”

Die ark van versoening (Aron HaKodesh) was die voorwerp waar God in die vorm van Sy sigbare teenwoordigheid (Shachinah) sou verkeer – in die wildernis was dit bedags ‘n wolkkolom en snags vuurkolom.

Johannes / Yochanan {1:14} “En die Woord het vlees geword en het onder ons gewoon—en ons het sy heerlikheid aanskou, ‘n heerlikheid soos van die Eniggeborene wat van die Vader kom—vol van genade en waarheid.”

Die tafel van die toonbrode het die twaalf stamme van Israel verteenwoordig, wie se aanbidding immer vars en ewig teenwoordig voor God moes wees.

Jesaja / Yeshayahu {49:15} “Kan ‘n vrou haar suigling vergeet, dat sy haar nie ontferm oor die seun van haar skoot nie? Ofskoon hulle sou vergeet, nogtans sal Ék jou nie vergeet nie!”

Die goue kandelaar (Menorah) het die heigdom verlig, want die mensdom kan nie in die duisternis aanbid nie, maar moet altyd na die waarheid – na die lig kom.

Johannes / Yochanan {8:12} “En Jesus het weer met hulle gespreek en gesê: Ek is die lig van die wêreld; wie My volg, sal sekerlik nie in die duisternis wandel nie, maar sal die lig van die lewe hê.”

Die tent van samekoms of tabernakel (Mishkan) was die plek waar die Heilige Teenwoordigheid gehuisves was. Daar moet ‘n plek wees waar God se volk kan saamkom vir aanbidding.

Hebreërs / Ivrim {10:24} “en laat ons op mekaar ag gee om tot liefde en goeie werke aan te spoor; {10:25} en laat ons ons onderlinge byeenkoms nie versuim soos sommige die gewoonte het nie, maar laat ons mekaar vermaan, en dit des te meer namate julle die dag sien nader kom.”

Die laaste item wat in verlede week se parasha vermeld is, was die brandofferaltaar (Mitzbe’ach). Met die hart ingestel op aanbidding, die voorwerp van aanbidding in fokus, die immerteenwoordigheid van mense wat God aanbid, vervulling met die waarheid van aanbidding en die voorsiening van die plek van aanbidding, was daar nou behoefte aan toenadering tot aanbidding. Daar moes nou vir die sondige mens ‘n manier wees om die heilge God te nader en brandofferaltaar het juis vir daardie toenadering (of wyding) met offerandes (Korbanot) voorsiening gemaak.

1 Thessalonisense / Thesolonikim Aleph {5:9} “Want God het ons nie bestem tot toorn nie, maar om die saligheid te verkry deur onse Here Jesus Christus {5:10} wat vir ons gesterf het, sodat ons, of ons waak en of ons slaap, saam met Hom kan lewe.”

Vandeesweek in parasha Tetzaveh word ons toegelig oor die toewyding tot aanbidding, en die korrekte wyse waarop dit benader moet word. Ten einde aan die aanbidding van God reg te laat geskied, moes die priesterdom voorbereid wees – daar kon niks lukraak daarmee wees nie. Hulle voorkoms, die wyse waarop hulle God gedien het, die wyse waarop hulle geheilig (kadosh) is, moes alles in volmaaktheid uitgevoer word. Wat egter werklik aangaande hul toewyding uitgestaan het, was die feit dat daar van hulle vereis is om die wydingsofferande te eet:

Eksodus / Shemot {29:31} “En jy moet die wydingsram neem en sy vleis in ‘n heilige plek kook. {29:32} Dan moet Aäron en sy seuns die ram se vleis eet en die brood wat in die mandjie is, by die ingang van die tent van samekoms. {29:33} En hulle moet dié dinge eet waarmee versoening bewerk is toe hulle as priesters aangestel en geheilig is; maar ‘n onbevoegde mag daarvan nie eet nie, want dit is heilig.”

Ons is almal as gelowiges in Jesus die Messias, bewus daarvan dat ons ook ‘n koninklike priesterdom is.

1 Petrus / Kefa Aleph {2:9} “Maar julle is ‘n uitverkore geslag, ‘n koninklike priesterdom, ‘n heilige volk, ‘n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig,”

In die lig daarvan, moet ons ook die offerande (korban) van ons toewyding eet:

1 Korinthiërs / Korintim Aleph {11:24} “en nadat Hy gedank het, het Hy dit gebreek en gesê: Neem, eet; dit is my liggaam wat vir julle gebreek word; doen dit tot my gedagtenis.”

Waarom staan die brandofferaltaar dan vir die laaste oor? Ons weet almal dat wierook in ‘n vertrek ‘n aangename geur versprei. Met alles vir behoorlike aanbidding voorberei, was die priesterdom nou gereed om met hul werk te begin: Die verteenwoordiging van die volk voor God.

Openbaring / Hitgalut {8:3} “En ‘n ander engel het gekom en met ‘n goue wierookbak by die altaar gaan staan, en baie reukwerk is aan hom gegee, om dit met die gebede van al die heiliges op die goue altaar voor die troon te lê; {8:4} en die rook van die reukwerk het met die gebede van die heiliges uit die hand van die engel opgegaan voor God.”

Die wierook verteenwoordig ons gebede, wat die einddoel van aanbidding is!

Kom gou Jesus!

PDF weergawe

Voorheen uitgegee: 2011-02-12

Lees meer

Wat Beteken “vir ewig”?

Tetzaveh

(U Sal Beveel)

Eksodus / Shemot 27:20-30:10
1 Samuel / Sh'muel Aleph 15:2-34
Hebreërs / Ivrim 13:10-16

Eksodus / Shemot {27:20} "En jy moet die kinders van Israel beveel dat hulle vir jou suiwer, uitgestampte olyfolie vir die kandelaar bring, om gedurigdeur ‘n brandende lamp te hê. {27:21} In die tent van samekoms, buitekant die voorhangsel wat voor die Getuienis is, moet Aäron en sy seuns dit regmaak om te brand van die aand tot die môre voor die aangesig van die HERE. Dit sal ‘n ewige insetting wees in hulle geslagte, van die kant van die kinders van Israel”

Wanneer God vir die kinders van Israel sê dat iets vir ewig 'n insetting (statuut) is, wat beteken dit? Word dit bedoel: vir ewig, totdat hulle dit nie langer kan doen nie, óf vir ewig, totdat hulle deur hulle vyande verslaan is, óf vir ewig totdat hulle uit die land Israel verdryf en onder die nasies in die buiteland verstrooi word, óf beteken vir ewig, werklik vir ewig? Wat bedoel God met 'n "...ewige insetting..." en hoe lank duur vir ewig?

Wat ons ook in die Skrifgedeelte van hierdie week se oordenking lees dat die Menorah (Lamp) gedurig (vir ewig!) brandend gehou moet word, is niks vreemds aangaande die Menorah nie. Dwarsdeur die Skrif beveel God ons om dinge vir ewig te doen. So byvoorbeeld, moes die verskillende sondoffers van die tabernakel ook 'n ewige instelling wees.

Levitikus / Vayikra {7:36} “wat die HERE beveel het om hulle te gee van die kant van die kinders van Israel, op die dag toe Hy hulle gesalf het. Dit is ‘n ewige insetting vir hulle geslagte. {7:37} Dit is die wet vir die brandoffer, die spysoffer en die sondoffer en die skuldoffer en die wydingsoffer en die dankoffer”

Die moontlike vernaamste "vir ewig", verskyn in die volgende Skrifgedeelte:

Jesaja / Yeshayahu {9:7} “tot vermeerdering van die heerskappy en tot vrede sonder einde, op die troon van Dawid en oor sy koninkryk, om dit te bevestig en dit te versterk deur reg en deur geregtigheid, van nou af tot in ewigheid. Die ywer van die HERE van die leërskare sal dit doen.“

Na aanleiding van die bovermelde twee Skrifaanhalings, weet ons dat die Levitiese offerstelsel nie meer beoefen word nie, aangesien daar geen tempel in Jerusalem is nie. Ons weet ook dat daar tans geen koning op die troon van Dawid is nie. Bedoel God dus dat 'vir ewig' beteken totdat ons dit nie langer kan doen nie?

Ek glo dat "vir ewig" vir God letterlik vir ewig beteken. Julle bevraagteken dit moontlik wanneer julle sê""Indien diere nie langer geoffer word en die troon van Dawid nie meer bestaan nie? Wel, diegene van ons wat Jesus die Messias, die Seun van Dawid, erken as ons Here en Redder, glo dat Hy inderdaad op Sy Hemeltroon sit vanwaar Hy oor die hele aarde heers.

Psalm / Mizmor {103:17}” Maar die goedertierenheid van die HERE is van ewigheid tot ewigheid oor die wat Hom vrees, en sy geregtigheid vir kindskinders, {103:18} vir die wat sy verbond hou en aan sy bevele dink om dié te doen. {103:19} Die HERE het sy troon in die hemel gevestig, en sy koninkryk heers oor alles.”

Wat die troon van Dawid dus betref, wéét ons daar is steeds 'n Seun van Dawid daarop en dat Hy vir ewig daarop sal sit, netsoos God gesê het.

Wat dan van die Menorah, die Lamp wat voortdurend aangesteek moes word, wat sekerlik al bykans 2 millenia gelede reeds gedoof is, en natuurlik toe tempelofferandes wat nie langer gebring word nie?

Aangaande die lamp, het Jesus ons vertel:

Johannes / Yochanan (John) {8:12} “En Jesus het weer met hulle gespreek en gesê: Ek is die lig van die wêreld; wie My volg, sal sekerlik nie in die duisternis wandel nie, maar sal die lig van die lewe hê.”

Die lig van die Menorah, wat voortdurend ("vir ewig") moes brand, was 'n voorbeeld van Jesus, die Lig van die Woord. Sy lig skyn deur ons in 'n donker wêreld en sal vir ewig aanhou skyn deur hulle wat na Sy naam genoem word.

Laastens, is daar die tempelofferandes. Soos ons weet, aangesien die tempel nie langer bestaan nie, kan daar geen offerandes aan die Here wees nie. Beteken dit dus dat die Levitiese priesterstelsel van offerandes ook nie vir ewig is nie?

My antwoord daarop is ja en nee. Ja, die tempel bestaan nie meer nie en gevolglik is die Levitiese priesterstelsel van offerandes nie vir ewig nie, maar nie omdat die Tabernakel in die Hemel nie bestaan en so ook die priesterdom wat daarin diens verrig nie. Ons weet dat die Tabernakel, wat Moses moes maak om saam met die kinders van Israel deur die Wildernis te gaan, slegs 'n afbeelding was van die een wat aan hom getoon is en in die Hemel bestaan toe hy op die berg Sinaï in die teenwoordigheid van God verkeer het.

Eksodus / Shemot {25:40} " En kyk dat jy dit maak volgens die voorbeeld daarvan wat jou op die berg getoon is.”

Asook:

2 Korinthiërs / Korintim Bet {5:1}” Want ons weet dat as ons aardse tentwoning afgebreek word, ons ‘n gebou het van God, ‘n huis nie met hande gemaak nie, ewig, in die hemele.“

Saam met hierdie Tabernakel het ons offerande, Jesus die Messias. Dié Tabernakel is die een waarheen Jesus opgevaar het om ewige versoening vir ons met Sy bloed te bewerkstellig.

Herbreërs / Ivrim {9:11}” Maar Christus, wat opgetree het as Hoëpriester van die toekomstige weldade, het deur die groter en volmaakter tabernakel wat nie met hande gemaak is nie, dit wil sê, wat nie aan hierdie skepping behoort nie, (9:12) ook nie met die bloed van bokke en kalwers nie, maar met sy eie bloed, een maal ingegaan in die heiligdom en ‘n ewige verlossing teweeggebring.”

Wat die Priesterdom betref, ons het 'n priester:

Psalm / Mizmor {110:4} “Die HERE het gesweer, en dit sal Hom nie berou nie: U is priester vir ewig volgens die orde van Melgisédek.”

Hebreérs / Ivrim {8:1} Die hoofsaak nou van wat ons gesê het, is dít: Ons het so ‘n Hoëpriester wat gaan sit het aan die regterhand van die troon van die Majesteit in die hemele,”

Wie is hierdie priester volgens Melgisédek?

Hebreérs / Ivrim {6:20}”waar Jesus as voorloper vir ons ingegaan het, Hy wat volgens die orde van Melgisédek ‘n hoëpriester geword het vir ewig.”

Ter afsluiting, kan ons sien dat daar "vir ewig" 'n Tabernakel in die hemel bestaan, met 'n Menorah "vir ewig", in die gedaante van Jesus die Messias, wat "vir ewig" ons Hoëpriester is, wat "vir ewig" ons Offerande is en wat "vir ewig" ons Koning is, wat "vir ewig" op die troon van Dawid sit.

Dit is dus van selfsprekend dat God se "vir ewig" inderdaad vir ewig beteken!!!

Kom gou Jesus!

PDF weergawe

Voorheen uitgegee: 2009-03-07

Lees meer