Waarskuwings

Balak

(Balak)

Numeri 22:2 - 25:9 

Miga 5:6 - 6:8 

1 Korinthiërs 1:20 – 31

Numeri {22:28} “Toe laat die Here die donkie praat, en die donkie sê vir Bileam: “Wat het ek jou aangedoen dat jy my nou al drie keer geslaan het?” {22:29} Bileam antwoord toe: “Jy hou my vir die gek. As ek 'n swaard by my gehad het, het ek jou doodgemaak.” {22:30} Toe sê die donkie vir Bileam: “Is ek nie die donkie waarop jy nog altyd gery het nie? Maak ek altyd so met jou?” en Bileam antwoord: “Nee!””

Diegene van my tydgenote, uit die Verenigde State, sal waarskynlik die televisiereekse “Mister Ed” onthou. Vir almal wat dit nie gesien het nie, was dit oor ‘n perd wat gepraat het. Dit was ‘n baie gewilde program, waarin gaskunstenaars van die kaliber van Clint Eastwood voorgestel is. Die vertoning was aangepas uit ‘n reeks kortverhale oor ‘n pratende perd, deur Walter R. Brooks, in 1937 geskryf. Ek kan dit nie verseker sê nie, maar dit sou my nie verbaas het as hy die patent van ‘n pratende perd verkry het uit die Bybelse verslag oor Balak se donkie nie.

Ons weet dat diere nie kan praat nie, alhoewel dit al beweer is dat diere sekere menslike klanke kan namaak of ‘n paar menslike woordklanke kan weergee, maar ‘n dier kon nog nooit ‘n gesprek voer, soos Bileam se donkie nie. Ja, selfs Mr. Ed kon nie werklik praat nie.

Indien ‘n mens selfs oor duisende jare nie daarin kon geslaag het om ‘n dier in sinne te laat praat nie, hoe kon Bileam se donkie dan praat? “Die Here het die bek van die donkie geopen…” Dit was nie die donkie wat gepraat het nie, maar die Here wat deur die donkie gepraat het. Dit is natuurlik geen groot openbaring nie - die Here kan enigiets doen! Dit was egter nie die pratende donkie wat my geïnteresseer het nie - dit was wat die donkie gesê het, wat my aandag aangegryp het. “Is ek nie jou esel waarop jy lewenslank tot vandag toe gery het nie? Was dit ooit my gewoonte om so met jou te doen?” Dit is duidelik dat God vir Bileam wou toon dat hy sy donkie nie geken het nie, selfs nadat hy sy hele lewe lank daarop gery het. ‘n Mens sou kon dink dat Bileam teen hierdie tyd al sy donkie se karakter en gewoontes moes geken het. Ongelukkig het hy nie en dit het het byna sy lewe gekos.

Wat probeer God ons hier wys? Daar moet beslis in hierdie Skrifgedeelte ‘n eenvoudige betekenis wees, wat ek glo, ‘n boodskap vir ons in dié voorval geleë is. Die Here het uitdruklik vir Bileam belet om na Balak te gaan. Dit was egter eers na die verontagsaming van die eerste Nee en terwyl hy Hom herhaaldelik gevra het, het God eindelik met voorbehoude ingestem. Nou, terwyl hy met sy donkie na Balak gery het, het die Here ‘n engel gestuur om in sy pad te staan. Die donkie sien die engel maar Bileam is nie bewus van sy teenwoordigheid nie. Eers het die donkie van die pad afgedraai in die veld in en toe dit Bileam nie gekeer het nie, het die donkie Bileam se been teen ‘n muur beseer, wat ook nie gewerk het nie. Eindelik het die donkie onder hom gaan lê, maar steeds was Bileam onbewus van die engel se teenwoordigheid. Dit was nie voordat die donkie gepraat het nie, dat God Bileam se oë geopen het.

Wat sal dit van God verg om ons aandag te kry? Wat is dit in ons lewens wat ons doen terwyl ons weet wat verkeerd is: dinge wat ons wel besef dat ons buite die wil van God lewe, maar ons volhard in elk geval daarmee! So dikwels in ons lewens kies ons ‘n afdraaipad  wat nie deur die Here goedgekeur word nie. Hy het die een boodskap na die ander gestuur deur my herhaaldelik te waarsku deur middel van mense wat ek behoort te vertrou het, maar ek was steeds oortuig daarvan dat ek reg was en het gevolglik daarmee volhard. Selfs nadat ek ook teen ‘n muur geslaan is, was ek nogtans vasberade en het ek versuim om rond te kyk vir ‘n ander pad daarom heen. Ek het gedink dat ek reg optree totdat God eendag vir my ‘n “donkie” gestuur het, iemand wie se opinie ek die minste sou respekteer, om my te berispe en skielik is my oë geopen en het ek besef op watter gevaarlike pad ek op was.

Ja God spreek vandag tot ons en soms gebruik hy die mees onortodokse wyses om dit te doen. Dit mag nooit ‘n pratende donkie wees nie maar soos in my geval, mag dit van iemand of iewers kom waar ‘n mens dit die minste verwag. Die mees opvallende wyse, egter, wat God tot ons spreek, is deur Sy geskrewe Woord. Die Bybel is vol waarskuwings, vermanings, en wat ons mag en nie mag doen nie, maar soos Bileam, gee ons gehoor daaraan of neem ons God en Sy waarskuwings as vanselfsprekend?    

Dit is jammer dat Bileam nie sy getroue donkie na soveel jare se diens geken het nie. Ek kan verstaan waarom die Here kwaad genoeg vir hom was deur die donkie se bek te open om hom te bestraf. Meeste van alles egter, was dit ‘n skande om ‘n donkie te gebruik om Bileam se hart bloot te lê. Bileam het sy donkie as vanselfsprekend aanvaar en baie van ons doen dieselfde met die Here. Hy vertel ons soveel oor Homself in Sy Woord maar baie van ons, soos Bileam en sy donkie, ken Hom nie ten spyte van die feit dat Hy ons lewe aan ons gegee het.

Psalm {81:13} “Daarom het Ek hulle laat begaan in hulle koppigheid en hulle het hulle eie sin en wil gevolg.”   

Kom gou Jesus!

PDF weergawe

Waarskuwings

 Balak

(Balak)

Numeri 22:2 - 25:9 

Miga 5:6 - 6:8 

1 Korinthiërs 1:20 – 31

Waarskuwings

Numeri {22:28} “Toe laat die Here die donkie praat, en die donkie sê vir Bileam: “Wat het ek jou aangedoen dat jy my nou al drie keer geslaan het?” {22:29} Bileam antwoord toe: “Jy hou my vir die gek. As ek 'n swaard by my gehad het, het ek jou doodgemaak.” {22:30} Toe sê die donkie vir Bileam: “Is ek nie die donkie waarop jy nog altyd gery het nie? Maak ek altyd so met jou?” en Bileam antwoord: “Nee!””

Diegene van my tydgenote, uit die Verenigde State, sal waarskynlik die televisiereekse “Mister Ed” onthou. Vir almal wat dit nie gesien het nie, was dit oor ‘n perd wat gepraat het. Dit was ‘n baie gewilde program, waarin gaskunstenaars van die kaliber van Clint Eastwood voorgestel is. Die vertoning was aangepas uit ‘n reeks kortverhale oor ‘n pratende perd, deur Walter R. Brooks, in 1937 geskryf. Ek kan dit nie verseker sê nie, maar dit sou my nie verbaas het as hy die patent van ‘n pratende perd verkry het uit die Bybelse verslag oor Balak se donkie nie.

Ons weet dat diere nie kan praat nie, alhoewel dit al beweer is dat diere sekere menslike klanke kan namaak of ‘n paar menslike woordklanke kan weergee, maar ‘n dier kon nog nooit ‘n gesprek voer, soos Bileam se donkie nie. Ja, selfs Mr. Ed kon nie werklik praat nie.

Indien ‘n mens selfs oor duisende jare nie daarin kon geslaag het om ‘n dier in sinne te laat praat nie, hoe kon Bileam se donkie dan praat? “Die Here het die bek van die donkie geopen…” Dit was nie die donkie wat gepraat het nie, maar die Here wat deur die donkie gepraat het. Dit is natuurlik geen groot openbaring nie - die Here kan enigiets doen! Dit was egter nie die pratende donkie wat my geïnteresseer het nie - dit was wat die donkie gesê het, wat my aandag aangegryp het. “Is ek nie jou esel waarop jy lewenslank tot vandag toe gery het nie? Was dit ooit my gewoonte om so met jou te doen?” Dit is duidelik dat God vir Bileam wou toon dat hy sy donkie nie geken het nie, selfs nadat hy sy hele lewe lank daarop gery het. ‘n Mens sou kon dink dat Bileam teen hierdie tyd al sy donkie se karakter en gewoontes moes geken het. Ongelukkig het hy nie en dit het het byna sy lewe gekos.

Wat probeer God ons hier wys? Daar moet beslis in hierdie Skrifgedeelte ‘n eenvoudige betekenis wees, wat ek glo, ‘n boodskap vir ons in dié voorval geleë is. Die Here het uitdruklik vir Bileam belet om na Balak te gaan. Dit was egter eers na die verontagsaming van die eerste Nee en terwyl hy Hom herhaaldelik gevra het, het God eindelik met voorbehoude ingestem. Nou, terwyl hy met sy donkie na Balak gery het, het die Here ‘n engel gestuur om in sy pad te staan. Die donkie sien die engel maar Bileam is nie bewus van sy teenwoordigheid nie. Eers het die donkie van die pad afgedraai in die veld in en toe dit Bileam nie gekeer het nie, het die donkie Bileam se been teen ‘n muur beseer, wat ook nie gewerk het nie. Eindelik het die donkie onder hom gaan lê, maar steeds was Bileam onbewus van die engel se teenwoordigheid. Dit was nie voordat die donkie gepraat het nie, dat God Bileam se oë geopen het.

Wat sal dit van God verg om ons aandag te kry? Wat is dit in ons lewens wat ons doen terwyl ons weet wat verkeerd is: dinge wat ons wel besef dat ons buite die wil van God lewe, maar ons volhard in elk geval daarmee! So dikwels in ons lewens kies ons ‘n afdraaipad  wat nie deur die Here goedgekeur word nie. Hy het die een boodskap na die ander gestuur deur my herhaaldelik te waarsku deur middel van mense wat ek behoort te vertrou het, maar ek was steeds oortuig daarvan dat ek reg was en het gevolglik daarmee volhard. Selfs nadat ek ook teen ‘n muur geslaan is, was ek nogtans vasberade en het ek versuim om rond te kyk vir ‘n ander pad daarom heen. Ek het gedink dat ek reg optree totdat God eendag vir my ‘n “donkie” gestuur het, iemand wie se opinie ek die minste sou respekteer, om my te berispe en skielik is my oë geopen en het ek besef op watter gevaarlike pad ek op was.

Ja God spreek vandag tot ons en soms gebruik hy die mees onortodokse wyses om dit te doen. Dit mag nooit ‘n pratende donkie wees nie maar soos in my geval, mag dit van iemand of iewers kom waar ‘n mens dit die minste verwag. Die mees opvallende wyse, egter, wat God tot ons spreek, is deur Sy geskrewe Woord. Die Bybel is vol waarskuwings, vermanings, en wat ons mag en nie mag doen nie, maar soos Bileam, gee ons gehoor daaraan of neem ons God en Sy waarskuwings as vanselfsprekend?    

Dit is jammer dat Bileam nie sy getroue donkie na soveel jare se diens geken het nie. Ek kan verstaan waarom die Here kwaad genoeg vir hom was deur die donkie se bek te open om hom te bestraf. Meeste van alles egter, was dit ‘n skande om ‘n donkie te gebruik om Bileam se hart bloot te lê. Bileam het sy donkie as vanselfsprekend aanvaar en baie van ons doen dieselfde met die Here. Hy vertel ons soveel oor Homself in Sy Woord maar baie van ons, soos Bileam en sy donkie, ken Hom nie ten spyte van die feit dat Hy ons lewe aan ons gegee het.

Psalm {81:13} “Daarom het Ek hulle laat begaan in hulle koppigheid en hulle het hulle eie sin en wil gevolg.”   

Kom gou Jesus!

PDF weergawe

Voorpraak

Balak

(Balak)

Numeri 22:2 - 25:9 

Miga 5:6 - 6:8 

1 Korinthiërs 1:20 – 31

Numeri {23:2} "En Balak het gedoen soos Bíleam verlang het; en Balak en Bíleam het ’n bul en ’n ram op elke altaar geoffer. {23:3} Daarop sê Bíleam vir Balak: Bly by jou brandoffer staan, en ek sal heengaan; miskien sal die HERE my tegemoetkom, en wat Hy my ook al laat sien, sal ek jou bekend maak. En hy het na ’n kaal heuwel gegaan. {23:4} En God het Bíleam tegemoetgekom, en hy het vir Hom gesê: Sewe altare het ek reggemaak en ’n bul en ’n ram op elke altaar geoffer. {23:5} Toe lê die HERE ’n woord in Bíleam se mond en sê: Gaan terug na Balak, en so moet jy spreek. {23:6} En hy het na hom teruggegaan terwyl hy daar staan by sy brandoffer, hy en al die vorste van Moab. {23:7} En hy het sy spreuk aangehef en gesê: Uit Aram laat Balak my haal, die koning van Moab — uit die berge van die Ooste: Kom vervloek Jakob vir my, en kom, verwens Israel. {23:8} Hoe sal ek vloek wie Gód nie vloek nie? En hoe sal ek verwens vir wie die HERE nie verwens nie?"

Deur die lees van die hele Parasha Balak, besef ons dat selfs al het Bíleam so hard as wat hy kon probeer, was dit nie vir hom moontlik om die kinders van Israel te vervloek nie; trouens, volgens vers 8 hierbo, het hy sy onvermoë erken om te vervloek wie die Here geseën het. Dit is ‘n les wat elkeen van ons behoort te verstaan en kennis van te neem. Die Satan is nie in beheer van wie vervloek en wie geseën word nie - God is in algehele beheer! Die Satan kan niks doen sonder God se voorafgoedkeuring nie. Indien julle vir ‘n enkele oomblik dink dat enigeen ‘n weergebore kind van God kan vervloek enige tyd wat hulle wil, begaan julle ‘n groot fout - sonder goedkeuring van God kan die Satan niks doen nie.

Gedurende die jare wat ek ‘n Messiaanse leier was, het ek mense teëgekom wat beweer het dat ‘n  vloek oor hulle uitgespreek is. Jy kan sekerlik vervloek word en onder sekere omstandighede, kan ‘n vloek oor ‘n persoon uitgespreek word, maar slegs, soos ek gesê het, onder bepaalde omstandighede. Wat is daardie omstandighede? Die eerste en mees klaarblyklike is indien julle NIE gelowiges in Jesus die Messias is nie en Hom nog nie in julle lewens ingenooi en hom julle Heer en Redder gemaak het nie. Die tweede is, indien julle gelowiges in Jesus die Messias is en doelbewus, of onbewus of per abuis sondig, sonder berou en om die sonde onder die bloed van Jesus te belei. In die eerste geval is julle kinders van Satan en kan hy met julle doen wat hy wil en in die tweede geval, deur te sondig en nie berou daaroor te hê nie, het julle die deur van julle lewe vir die Satan oopgestel en aan hom die wettige reg verleen om julle voor God aan te kla. Daardeur is julle nie langer onder Sy beskerming nie. God is regverdig; Hy kan nie sonde aanskou nie en móét die sondaar oordeel; Dít doen Hy deur die Satan as Sy instrument te gebruik.

Ons as mense kan ons skaar by een van die twee kampe: óf by God óf by die Satan. Die Satan is die heerser van ongesiene magte, met ander woorde: Hy is in beheer van die wêreldstelsel, soos ons dit vandag ken. Daarom is daar soveel onheil op aarde. 

Met die sondeval van die mens, toe Adam en Eva aan God ongehoorsaam was, het sonde in die wêreld gekom en deur sonde is die mensdom deur die Satan, as die owerste van sonde en dood, gekonfronteer. 

God wat sonde nie kan aanskou nie aangesien Hy self sondeloos is, het Hom van die mensdom onttrek en hulle was nie langer onder Sy beskerming nie - hulle was vervloek. Die offerstelsel (Korbanot), soos ons in die boek Vayikra (Deuteronomium) uiteengesit, is deur God ingestel om Israel se sondeprobleem te genees. By wyse van plaasvevangende diere-offers is sonde na ‘n sondelose dier (lam) oorgeplaas en daardie dier se bloed is gestort (dood) in plaas van die sondaars.

Levitikus {17:11} "Want die siel van die vlees is in die bloed, en Ek het dit aan julle op die altaar gegee om vir julle siele versoening te doen; want die bloed bewerk versoening deur die siel."

Hierdie stelsel van Korbanot was slegs op Israel en diegene wat hulself by hulle aangesluit het, van toepassing. God se verlossing moes na alle mense uitgebrei word. Die stelsel van Korbanot is afgeskaf en die tempel is vernietig omdat dit nie langer nodig was nie en God Self het as ‘n Mens na die aarde gekom om die verlossingsprys vir sonde te betaal. Alleenlik God kon Sy eie Wet vervul, dat sonde gelyk is aan die dood en Hy het dit gedoen deur om ons onthalwe te sterwe. Wie ookal dit dus aanvaar en hulself assosieer met wat die Here vir hulle gedoen het, word ‘n kind van God en geniet  Sy beheer en beskerming.

Om terug te keer na ons Parasha-skrifgedeelte; Die kinders van Israel was gedek deur die Korbanot terwyl hulle op die vlaktes van Moab was en sondeloos gebly het As sulks was hulle onder die beskerming van God en daarom kon hulle nie deur Bíleam vervloek word nie. Sodra hulle egter gesondig en God verlaat het terwille van seksuele immoraliteit - is die beskerming van God van hulle weggeneem. Hulle het dus die ryk van die Satan binnegegaan, ‘n ryk van sonde en dood.’n ryk waar hulle kwesbaar was vir vervloeking. As gevolg daarvan, het duisende gesterf. Leer dus uit die volgende Skrifgedeelte: 

1 Samuel {18:9} "En van dié dag af en verder het Saul die oog op Dawid gehad. {18:10} Die volgende dag het die bose gees van God oor Saul vaardig geword, sodat hy rasend was binne-in die huis terwyl Dawid soos elke dag met sy hand speel, en Saul ’n spies in sy hand hou."

Solank as wat koning Saul God gevolg en gehoorsaam was, was hy onder die beskerming van God, maar sodra hy gesondig het, is daardie beskerming weggeneem en was hy onder die invloed van die Satan. Die bose gees was van God afkomstig! Dit bewys, soos ek vroeër gesê het, dat die Satan niks kan doen tensy God hom dit toelaat nie en Hy sal hom slegs toelaat indien ons sondig, maar, ons wat gered is, het ‘n Voorspraak vir sonde:

1 Johannes {2:1} "MY kinders, ek skryf hierdie dinge aan julle, dat julle nie moet sondig nie; en as iemand gesondig het, ons het ’n Voorspraak by die Vader, Jesus Christus, die Regverdige."

Hoe kan julle verhoed om vervloek te word? Ontvang Jesus die Messias as julle Here en Redder, en leef dan ‘n lewe wat die Here behaag. - ‘n lewe, waar as julle sondig, julle Jesus die Messias het om om vergifinis te vra. Hy sal julle saak by die Vader bepleit en julle sal van ‘n sondaar tot ‘n geredde persoon verander word.   

Kom gou Jesus!

PDF weergawe

Valse Profete: Bedrieër – ‘n Werktuig van die Satan

Balak

(Balak)

Numeri / BaMidbar 22:2 - 25:9 

Miga / Mikhah 5:6 - 6:8 

1 Korinthiërs / Korintim Aleph 1:20 – 31

Numeri / Bamidbar {22:41} “En in die môre het Balak Bíleam geneem en hom op die hoogtes van Baäl laat opklim vanwaar hy die kant van die volk kon sien. {23:1} Toe sê Bíleam vir Balak: Bou vir my hier sewe altare en berei vir my hier sewe bulle en sewe ramme. {23:2} En Balak het gedoen soos Bíleam verlang het; en Balak en Bíleam het ‘n bul en ‘n ram op elke altaar geoffer. {23:3} Daarop sê Bíleam vir Balak: Bly by jou brandoffer staan, en ek sal heengaan; miskien sal die HERE my tegemoetkom, en wat Hy my ook al laat sien, sal ek jou bekend maak. En hy het na ‘n kaal heuwel gegaan.”

Bileam was nie ‘n ware volgeling van God nie. Hy was nie een van God se profete nie en ook nie ‘n lid van die gemeenskap van Israel nie. Hy was ‘n Mesopotamiese astroloog, ‘n waarsêer wat waarskynlik vir homself naam gemaak het as iemand wat ‘n vloek oor mense kon bring. Hoedat hy van die God van Israel te wete gekom het, is onbekend maar ons weet wel dat hy van iets aangaande die aanbidding van God kennis gedra het.

In die verse hierbo aangehaal, sien ons dat Bileam van die getal sewe gebruik maak. Hierdie getal is God se getal van voltooiing en volmaaktheid. Waarom Bileam dus die getal sewe (sewe altare, sewe bulle en sewe ramme) gekies het, word nie aan ons meegedeel nie, maar ons weet egter dat hy ‘n opportunis was. Uiteindelik het hebsug die oorhand oor hom gekry en het hy geswoeg voor die wense van Balak en sodoende ‘n bose plan teen Israel gesmee.

Bileam het voorgegee dat hy ‘n man van God is, maar was dit inderdaad nie. Net so het hy homself voorgedoen om ‘n profeet van God te wees, wat hy beslis ook nie was nie; trouens, hy was ‘n bedrieër en werktuig van die satan.

Die punt wat ek graag hier wil maak, is dat nie elkeen wat homself ‘n gelowige noem, werklik ‘n gelowige is nie.

Matthéüs / Mattityahu {7:15} “Maar pas op vir die valse profete wat in skaapsklere na julle kom en van binne roofsugtige wolwe is.”

Jesus het ons dikwels gewaarsku teen bedrieërs, mense wat voorgee om van God te wees, maar nie is nie. Hy het verwys na koring wat saam met onkruid groei (Matthéüs 13:25). Hy het ons gewaarsku teen diewe (= valse herders) wat van ‘n anderkant af in die skaapstal inklim, in plaas daarvan om by die deur in te gaan (Johannes 10:1-3) en die dief wat net kom om te steel, slag en verwoes (Johannes 10:10). Daar is baie bedrieërs daarbuite en tot my spyt, het ek al talle van hulle deur die jare teëgekom. Daar is selfs ook godsdienstige organisasies wat hulself daarop beroem om Christelik en volgelinge van Jesus die Messias te wees, maar nie is nie. Dit is ontstellend om die voorspoed van hierdie instellings te sien asook die misleiding van hulle volgelinge – maar Jesus het ons ook van hulle vertel.

2 Timothéüs / Timoteus Bet {4:3} “want daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ‘n menigte leraars sal versamel volgens hulle eie begeerlikhede,” 

Daar is ‘n gebed wat ons Donderdae met ons oggendgebed (Shacharit) bid, wat soos volg lui: “U het die mens genadiglik met kennis toegerus en ‘n brose sterfling insig geleer. Rus ons genadiglik vanuit Uself toe met wysheid, insig en kennis. Geseënd is U, o God, genadige Skenker van kennis.” (Vrye vertaling uit Engels)

Daar is vandag soveel bedrog in die wêreld en soveel valse leermeesters, valse Messiaanse leermeesters ingesluit. Hulle verkondig valse leerstellings en mislei mense daardeur. Ofskoon Bileam uiterlik goed voorgekom het, was hy innerlik net so bedrieglik soos Balak.

Matthéüs / Mattityahu {23:25} “Wee julle, skrifgeleerdes en Fariseërs, geveinsdes, want julle maak die buitekant van die beker en die skottel skoon, maar binnekant is dit vol roof en onmatigheid.”

Waak daarteen om nie tussen diegene te wees wat deur bedrieglike leermeesters en valse profete mislei word nie. Maak gerus die Shacharit-gebed deel van jou daaglikse gebedslewe.

Kom gou Jesus!

PDF weergawe

Voorheen uitgegee: 2012-07-01

Demokrasie Sal Verdwyn

Pinchas

(Balak)

Numeri / BaMidbar 25:10 – 30:1

Miga / Mikhah 5:6 - 6:8

1 Konings / Melachim Aleph 18:46 – 19:21

Johannes / Yochanan 2:13 - 25

Numeri / BaMidbar {27:15} “Toe het Moses met die HERE gespreek en gesê: {27:16}  Laat die HERE, die God van die geeste van alle vlees, ‘n man oor die vergadering aanstel {27:17}  wat voor hulle uittrek en wat voor hulle intrek, en wat hulle uitlei en wat hulle inlei; sodat die vergadering van die HERE nie mag wees soos skape wat geen wagter het nie. {27:18}  Toe sê die HERE aan Moses: Neem vir jou Josua, die seun van Nun, ‘n man in wie die Gees is; en lê hom die hand op, {27:19}  en stel hom voor die priester Eleásar en voor die hele vergadering, en gee hom ‘n opdrag voor hulle oë; {27:20}  en lê op hom van jou hoogheid, sodat die hele vergadering van die kinders van Israel na hom kan luister. {27:21}  En hy moet voor die priester Eleásar staan, dat dié vir hom die beslissing van die Urim kan vra voor die aangesig van die HERE; volgens sy uitspraak moet hulle uittrek en volgens sy uitspraak moet hulle intrek, hy en al die kinders van Israel saam met hom en die hele vergadering. {27:22}  En Moses het gedoen soos die HERE hom beveel het: hy het Josua geneem en hom voor die priester Eleásar en voor die hele vergadering gestel, {27:23}  en hy het hom die hande opgelê en hom ‘n opdrag gegee soos die HERE deur die diens van Moses gespreek het.”

Demokrasie word vandag allerweë ernstig beskou. President Obama van die Verenigde State van Amerika doen alles in sy vermoë om demokratiese regerings in die Islamitiese Midde-Oosterse lande wat deur diktators regeer word en waar die shariawet geld, te bevorder en beïnvloed.

Volgens Wikipedia, is demokrasie ‘n regeringsvorm waarin alle burgers gelyke seggenskap het in die besluitnemings wat hulle lewens raak. Dit behels gelyke (en min of meer regstreekse) deelname in die voorstel, ontwikkeling en deurvoering van wetgewing in wette. Dit omvat sosiale-, ekonomiese- en kulturele omstandighede, wat die vrye en gelyke praktyk van selfbeskikking moontlik maak.

Dit is bewonderingswaardig van president Obama om dit vir Islamitiese lande in die vooruitsig te stel om dieselfde mate van vryheid te geniet wat die demokratiese stelsel aan sy burgers bied, maar demokratiese regerings en die demokratiese stelsel op sigself is nie Bybels nie. Hoe weet ons dit? Die eerste Skriftuurlike bewys is God se ontevredenheid met Israel, toe hulle vir ‘n koning gevra het.

1 Samuel / Shmuel Aleph {8:5} “en sê vir hom: Kyk, u is oud, en u seuns wandel nie in u weë nie; stel nou ‘n koning oor ons aan om ons te rig soos by al die nasies. {1Sa 8:6}  Maar die woord was verkeerd in die oë van Samuel toe hulle gesê het: Gee ons ‘n koning om ons te rig, en Samuel het tot die HERE gebid. {1Sa 8:7}  Toe sê die HERE vir Samuel: Luister na die volk in alles wat hulle aan jou sê, want nie jou het hulle verwerp nie, maar My het hulle verwerp om nie koning oor hulle te wees nie.”

Wat ons hier in die Skrif sien, is Israel se verwerping van God as hul Koning en hulpversoek om ‘n menslike koning in sy plek te hê. Wat meer is, is soos wat ons in hierdie hoofstuk verder lees, dat dit God was wat die koning gekies het om oor Sy volk te regeer. Dit het nie by wyse van demokratiese verkiesing geskied nie!

Verder sien ons in dié week se Parasha hierdie selfde scenario met die oordrag van gesag vanaf Moses na Josua. God het Moses nie beveel om ‘n demokratiese verkiesing te laat plaasvind om ‘n nuwe leier aan te wys nie, maar God het hom gekies en Moses eenvoudig aangesê om Josua te salf ten einde sy plek in te neem.

Nog iets wat ons nie in die Bybel vind nie, is dat God nie ‘n demokratiesverkose liggaam toelaat om nuwe wette te maak of Sy bestaande wette te wysig nie. Die volk moes volgens die gebooie, voorskrifte en geregtigheid van die Tora leef. God het selfs aan Sy aardse verteenwoordiger, die cohen hagadol (hoëpriester), die Urim en Thummim gegee, as metode om hom oor juridiese aangeleenthede te raadpleeg. Hierdie metode het verseker dat God se gebooie nougeset nagekom word.

Die finale bewys dat demokrasie nie Bybels is nie, berus op die feit dat wanneer Jesus die Messias weer kom om Sy Koninkryk op aarde te vestig, word aan ons vertel:

Openbaring / Hitgalut {19:15} “En uit sy mond gaan daar ‘n skerp swaard om die nasies daarmee te slaan; en Hy sal hulle met ‘n ysterstaf regeer, en Hy trap die parskuip van die wyn van die grimmigheid en van die toorn van God, die Almagtige. {Rev 19:16}  En Hy dra op sy kleed en op sy heup die Naam wat geskrywe is: Die Koning van die konings en die Here van die here.”

Met Jesus se wederkoms, sal die regsreël die Woord van God, Sy Bybel wees! Demokrasie sal iets wees waaroor mense in toekomstige geskiedenisboeke sal lees.

Dit is baie onbaatsugtig van President Obama dat Islamities-regeerde state demokraties behoort te wees, maar die feit van die saak is, dat húlle inderwaarheid reg en óns verkeerd is. Meeste van hierdie lande staan onder die Koran. Anders as die feit dat hulle ‘n valse god volg, aanvaar hulle ten minste hierdie valse god se leer as húlle regsreël. Wat ons demokrasie egter gedoen het, is dat hulle wette daargestel het, wat geheel-en-al teenstrydig met die Wet en Wil van die Enigste Waaragtige God van hemel en aarde is.

Moet my nie verkeerd verstaan nie. Die Bybel is nie gekant teen kapitalisme nie – inteendeel dit word aangemoedig! Die Bybel ondersteun net nie die konsep van demokrasie nie. Volgens Openbaring, is dit duidelik dat demokrasie nie die wederkoms van Jesus sal oorleef nie en waarskynlik reeds geskiedenis sal wees selfs vóór die koms van die anti-messias.

Kom gou Jesus!

PDF weergawe

Voorheen uitgegee: 2011-07-16

Pratende Esels

Balak

(Balak)

Numeri / BaMidbar 22:2 - 25:9

Miga / Mikhah 5:6 - 6:8

1 Korinthiërs / Korintim Aleph 1:20 – 31

Numeri / BaMidbar {22:28} “Maar die HERE het die bek van die esel geopen, en sy sê vir Bíleam: Wat het ek jou gedoen, dat jy my nou al drie maal geslaan het? {22:29}  Daarop antwoord Bíleam die esel: Omdat jy die spot met my drywe. Was daar net ‘n swaard in my hand—dan het ek jou sekerlik doodgeslaan. {22:30}  En die esel sê vir Bíleam: Is ek nie jou esel waar jy jou lewe lank op gery het tot vandag toe nie? Was dit ooit my gewoonte om so met jou te doen? En hy antwoord: Nee.”

Almal van my ouderdom, sal moontlik nog die televisieprogram “Mister Ed” onthou. Ter inligting van diegene wat dit nie gesien het nie, was dit oor ‘n perd wat gepraat het. Dit was ‘n baie gewilde program, waarin gassterre ondermeer soos Clint Eastwood te sien was. “Mr. Ed” is van 1958 to 1966 vertoon en geregiseer deur Arthur Lubin, wat dit aangepas het op grond van ‘n reeks kortverhale oor ‘n pratende perd, deur Walter Brooks in 1937 geskryf. Ek kan dit nie met sekerheid sê nie, maar sou nie verbaas gewees het as Mnr. Brooks die konsep van ‘n pratende perd ontleen het aan die Bybelse verslag van Bileam se esel nie. Sedert hierdie program, was daar al tallose boeke, films en televisieprogrogramme van verskeie asook uiteenlopende soorte pratende diere.

Kan diere praat? Omvattende navorsing is selfs al gedoen om hierdie vraag te beantwoord. Ofskoon dit bekend is dat diere sekere mens-klinkende geluide namaak of enkele mens-klinkende woorde voortbring, kon ‘n dier nog nooit – soos Bileam se esel – ‘n gesprek voer nie. Ja, selfs “Mr. Ed” kon nie werklik praat nie. Sy “stem” was dié van Les Hilton, wie se naam nooit met die program vereenselwig is nie.

As ‘n mens dus oor duisende jare nie daarin kon slaag om ‘n dier te leer om ‘n gesprek te voer nie – selfs nie eers sinne nie – hoe was dit dan moontlik dat Bileam se esel kon praat? Die antwoord is eenvoudig en word verstrek in Numeri {22:28}, wat soos volg lui: “Die Here het die bek van die esel geopen...”. Dit is natuurlik geen groot openbaring nie. God is by magte om enigiets te doen en volgens die bovermelde teks, het Hy die esel se bek geopen en haar laat praat. Dit is egter nie die pratende eselin wat my verbaas nie, maar wel wat sy gesê het ({22:30} “En die esel sê vir Bíleam: Is ek nie jou esel waar jy jou lewe lank op gery het tot vandag toe nie? Was dit ooit my gewoonte om so met jou te doen? En hy antwoord: Nee.”).

Uit die woorde van die esel, is dit duidelik dat God daarop wou wys dat Bileam haar nie “geken” het nie, ten spyte daarvan dat hy feitlik lewenslank op haar gery het. Hierdie was ‘n esel, wat hom vir baie jare getrou gedien het. Esels leef tussen 25 en 30 jaar, sodat dit verstaanbaar is dat Bileam die esel langer as 10 jaar gebruik het. ‘n Mens sou dink dat hy teen dié tyd met sy esel se geaardheid en gewoontes vertroud sou gewees het. Uit die verhaal, is dit duidelik dat God geweet het dat hy haar móés geken het maar ongelukkig het Bileam nie en is hy as gevolg daarvan byna dood. Glo dit of nie, maar die feit dat Bileam na soveel jare sy esel nog nie geken het nie, is inderdaad vir my ‘n troos!

Ek is die afgelope bykans sestien jaar die rabbi van “Congregation Melech Yisrael” en ek vertrou dat ek ‘n getroue dienaar van die Here was terwyl ek hierdie gemeente met volle oorgawe gedien het. My onderrig en prediking is opgeneem vir almal om daarna te luister. Vanaf die heel eerste preek wat ek ooit gelewer het, het ek die gemeente van notas met betrekking tot die preek voorsien, wat Skrifverwysings verstrek het om alles wat ek vir hulle geleer het, te fundeer. Enigeen kon dus elke woord wat ek ooit gesê het, baie maklik kontroleer asook alles wat ek geleer, aan die geskrewe Woord van God toets. Ek was nog altyd ‘n oop boek!

My eggenote en ek het hierdie gemeente deur dik en dun deur sowel voorspoedige as moeilike tye, getrou en onbaatsugtig gedien. Ons het altyd integriteit, getrouheid en geregtigheid nagestreef. Baie lidmate hier ken ons al vir jare en enkeles ken ons reeds vir ‘n dekade of langer. Terwyl dit die geval is, kan jy jou voorstel hoedat ons moet voel wanneer misnoeë ontstaan of sekere misleide persone ons beskuldig van ‘n leer van kettery of dat ons in ons bestuur gefaal het of een van ‘n menigte ander dinge waarvan ons oor die jare heen beskuldig is. Die ergste is wanneer ander, wat ons liefhet en vir jare reeds ken, daardie persone glo en selfs geloofwaardigheid aan hulle beskuldigings verleen. So kan julle besef waarom ek my met Bileam se esel vereenselwig! Ek bevind my in elk geval in goeie geselskap! Sowel Moses as die apostel Paulus het presies dieselfde ervarings met die volk wat hulle gelei het.

Dit is betreurenswaardig dat Bileam sy getroue eselin, na al haar jare diens, nog nie geken het nie. Ek kan begryp waarom God hieroor so kwaad was dat die esel se bek geopen is om Bileam te tugtig. Die ergste van alles was egter die skande dat dit ‘n esel moes gewees het om Bileam se hart te ontbloot 

Hebreërs / Ivrim {13:17} “Wees gehoorsaam aan julle voorgangers en onderdanig, want hulle waak vir julle siele as diegene wat rekenskap moet gee, sodat hulle dit met blydskap kan doen en nie al sugtende nie; want dit is vir julle nie nuttig nie.”

Kom gou Jesus!

PDF weergawe

Voorheen uitgegee: 2011-07-09

Vermy om Vervloek te Word

Balak

(Balak)

Numeri / BaMidbar 19:1 – 25:9
Miga / Mikha 5:6 – 6:8
1 Korinthiërs / Korintim Aleph 1:20 - 31

Numeri / BaMidbar {22:2} “Toe Balak, die seun van Sippor, sien alles wat Israel die Amoriete aangedoen het, {22:3} het Moab baie bang geword vir die volk, want hulle was talryk; en Moab het beangs geword vanweë die kinders van Israel. {22:4} Toe sê Moab vir die oudstes van Mídian: Nou sal hierdie menigte opeet alles wat rondom ons is, soos ‘n bees die groenigheid van die veld opeet. En Balak, die seun van Sippor, was dié tyd koning van Moab. {22:5} Daarop het hy boodskappers gestuur na Bíleam, die seun van Beor, in Petor wat by die Eufraat is, in die land van die kinders van sy volk, om hom te roep en te sê: Kyk, daar het ‘n volk uit Egipte getrek; kyk, hulle het die oppervlakte van die land oordek en staan gelaer teenoor my. {22:6} Kom dan tog nou, vervloek hierdie volk vir my, want hulle is magtiger as ek. Miskien sal ek onder hulle ‘n slag kan slaan en hulle uit die land verdrywe. Want ek weet, die een wat jy seën, is geseënd; en die een wat jy vervloek, is vervloek.”

Numeri / BaMidbar {23:7} “En hy het sy spreuk aangehef en gesê: Uit Aram laat Balak my haal, die koning van Moab—uit die berge van die Ooste: Kom vervloek Jakob vir my, en kom, verwens Israel. {23:8} Hoe sal ek vloek wie Gód nie vloek nie? En hoe sal ek verwens vir wie die HERE nie verwens nie?”

Deur die hele parasha, parasha Balak, te lees, verneem ons dat ofskoon die inhalige Bileam sy uiterste bes probeer het, was dit vir hom onmoontlik om die kinders van Israel te vervloek; trouens, volgens vers 8 hierbo, het hy sy onvermoë om te vervloek wat God geseën het, erken. Ek dink dit is 'n les wat elkeen van ons moet te harte neem en verstaan. Die satan is nie in beheer van wie vervloek word of nie vervloek word nie! Vanselfsprekend is God in volkome beheer van wie geseën en wie vervloek word. Dit is 'n feit dat, sonder God se vooraf-goedkeuring, die satan onmagtig is. As julle vir 'n enkele oomblik dink dat iemand te eniger tyd 'n vloek oor 'n wedergebore kind van God kan uitspreek, is julle ongetwyfeld op 'n dwaalspoor! Gedurende die jare wat ek 'n Messiaanse leier was, het ek tot my grootste ontsteltenis, mense teëgekom wat beweer het dat 'n mens vervloek kan word. Onder sekere voorwaardes kan ‘n mens wel vervloek word. Wat is daardie voorwaardes? Die eerste en vanselfprekende rede is indien 'n mens nie in Jesus die Messias glo nie en Hom nog nie as jou Here en Redder aangeneem het nie. Die tweede is indien jy wel in Jesus die Messias glo, maar doelbewus of onwetend gesondig het, sonder om dit te berou.

Daar is slegs één van twee kampe waarin 'n mens kan verkeer: óf in God s'n óf in die satan s'n!

Die satan is heerser oor die magte en vorstedom van die aarde, met ander woorde, hy beheer die algehele wêreldstelsel, soos ons dit vandag ken. Juis om hierdie rede is daar soveel boosheid op aarde.

Met die val van die mens, toe Adam en Eva aan God ongehoorsaam was, het sonde die wêreld binnegekom en daardeur die mensdom in slawerny onder die satan, heerser oor sonde, gedompel. God, wat sonde nie kan duld nie, omdat Hyself sondeloos is, het gevolglik die mensdom die rug gekeer en die mens was nie langer onder God se beskerming nie – hulle was vervloek. Die korban (toenaderingsoffer) – stelsel, soos deur God ingestel en in die Boek van Levitikus (Vayikra) uiteengesit, het daardie situasie herstel deur die gebruik van plaasvervangende offerandes. Deur belydenis en berou is iemand se sonde oorgedra op 'n sondelose dier en daardie dier se bloed gestort, in plaas van die sondaar s'n.

Levitikus / YaYikra {17:11} “Want die siel van die vlees is in die bloed, en Ek het dit aan julle op die altaar gegee om vir julle siele versoening te doen; want die bloed bewerk versoening deur die siel.”

Hierdie korban-stelsel was 'n skadubeeld van die korban waardeur God uiteindelik Homself voorsien het deur as mens na die aarde toe te kom. Slegs God kon die vereistes van Sy eie wet van sonde wat die dood meebring, vervul deur vir ons te sterf. Wie dit aanvaar en homself vereenselwig met wat God vir óns gedoen het, deur Jesus die Messias as Lam van God, wat ons sondes wegneem, te voorsien, word 'n kind van God en is gevolglik onder Sy beheer en beskerming.

Die kinders van Israel was deur die Korban-stelsel beskerm terwyl hulle op die vlaktes van Moab was. Vir solank as wat hulle in 'n voortdurende gesindheid van belydenis en berou verkeer het, was hulle onder God se beskerming en kon hulle dus nie vervloek word nie. Sodra hulle egter die terrein van sonde betree het – soos ons in aanstaande wwek se parasha sal sien – het God Sy beskerming onttrek en het hulle die gebied van die bose binnegegaan, waar God toegelaat het dat hulle vervloek word. Dit het die dood van duisende tot gevolg gehad. Let gerus op die volgende Skrifgedeelte:

1 Samuel / Shmuel Aleph {18:9} “En van dié dag af en verder het Saul die oog op Dawid gehad. {18:10} Die volgende dag het die bose gees van God oor Saul vaardig geword, sodat hy rasend was binne-in die huis terwyl Dawid soos elke dag met sy hand speel, en Saul ‘n spies in sy hand hou.”

Koning Saul was vroeër 'n gelowige en dus onder God se beskerming maar sodra hy begin sondig het, is die beskerming van God onttrek en het hy onder invloed van die satan verval. Die bose gees, waarna in die bovermelde aanhaling verwys word, was egter van God afkomstig! Dit bevestig wat ek reeds gesê het, dat die satan tot niks in staat is, sonder dat God dit toelaat nie. God sal die satan ook nie toelaat om mense wat in Jesus die Messias glo, te vervloek nie, op voorwaarde dat hulle in 'n voortdurende gesindheid van belydenis en berou verkeer.

Hoe kan jy vermy om vervloek te word? Neem Jesus die Messias aan as jou Here en Redder, leef dan voortdurend in 'n voortdurende gesindheid van belydenis en berou en word sodoende van 'n sondaar tot 'n heilige omskep.

Kom gou Jesus!

PDF weergawe

Voorheen uitgegee: 2010-06-26

Moet nie opeindig soos Bíleam

D’Var Torah

Balak

Torah: Númeri / Bamidbar 22:2 – 25:9

Haftara: Migga / Micha 5:6 –6:6 – 8

Brit Chadasha: Markus / Mordecdai 11:12 – 26

Númeri / Bamidbar {22:5} “Daarop het hy boodskappers gestuur na Bíleam, die seun van Beor, in Petor wat by die Eufraat is, in die land van die kinders van sy volk, om hom te roep en te sê: Kyk, daar het ‘n volk uit Egipte getrek; kyk, hulle het die oppervlakte van die land oordek en staan gelaer teenoor my. {22:6}  Kom dan tog nou, vervloek hierdie volk vir my, want hulle is magtiger as ek. Miskien sal ek onder hulle ‘n slag kan slaan en hulle uit die land verdrywe. Want ek weet, die een wat jy seën, is geseënd; en die een wat jy vervloek, is vervloek. {22:7}  Toe het die oudstes van Moab en die oudstes van Mídian gegaan met waarsêersloon by hulle en by Bíleam gekom en hom die woorde van Balak meegedeel. {22:8}  Daarop antwoord hy hulle: Bly vannag hier oor; dan sal ek julle berig bring soos die HERE aan my sal sê. Toe het die vorste van Moab by Bíleam gebly. {22:9}  En God het na Bíleam gekom en gesê: Wie is die manne daar by jou? {22:10}  En Bíleam het God geantwoord: Balak, die seun van Sippor, die koning van Moab, laat my weet: {22:11}  Kyk, daar het ‘n volk uit Egipte getrek en hulle het die oppervlakte van die land oordek. Kom nou, vervloek hulle vir my; miskien sal ek hulle kan beveg en hulle verdrywe. {22:12}  Toe sê God vir Bíleam: Jy mag nie saam met hulle trek nie, jy mag die volk nie vloek nie, want hulle is geseënd. ”.

Nadat hulle hierdie Skrifgedeelte gelees het, meen sommige mense dat God van gedagte kon verander het deurdat Bileam (Bi’lam) toegelaat is om te gaan, maar indien ons egter die gedeelte behoorlik deurlees, besef ons dat God nie van plan verander het nie; trouens, Hy was konsekwent met wat Hy vir Bileam gese het. Kyk na wat ek bedoel:

Númeri / Bamidbar {22:12} “Toe sê God vir Bíleam: Jy mag nie saam met hulle trek nie, jy mag die volk nie vloek nie, want hulle is geseënd.”.

Hier het God nie vir Bileam gesê om nie met die prinse, deur Balak gestuur, saam te gaan nie. Maar dat hy nie moes gaan met die doel om Israel te vervloek nie. Bileam het dit natuurlik verstaan dat hy nie moes gaan nie omdat die hele doel waarom hy saam met hulle moes gaan, sou wees om Israel te vervloek en vergoeding daarvoor te ontvang. Daarom het hy vir hulle gesê: “Jammer, ek kan nie saam met julle gaan nie.”. Toe het die prinse egter teruggekeer met ‘n ander voorstel, beter as die eerste, maar omdat God vir Bileam gesê het dat hy nie kon gaan om te vervloek nie, het Bileam dit vertolk dat hy glad nie kon gaan nie. Hierdie keer het God verduidelik wat Hy bedoel het en vir Bileam gesê:

Númeri / Bamidbar {22:20} “En God het in die nag na Bíleam gekom en aan hom gesê: As die manne gekom het om jou te roep, staan dan op, gaan met hulle saam; maar net wat Ek jou sê, dit moet jy doen. ”.

God het, met ander woorde, dit aan Bileam duidelik gestel dat hy wel kon gaan maar nie om Israel te vervloek nie. God het, glo ek, inderdaad heeltyd bedoel om Bileam te gebruik om Israel te seën. Waarom dan die insident met die donkie? Omdat God geweet het wat in Bileam se hart aangaan en daarom het Hy geweet dat  Bileam ‘n manier sou vind om nie God se opdrag te gehoorsaam nie; dit was ‘n waarskuwing.

Was dit nie dieselfde geval met baie van die Fariseërs in Jesus se tyd nie? Hulle het gesoek en allerlei maniere gevind om by God se gebooie verby te kom. Een daarvan was:

Markus / Mordecdai {7:6} “En Hy antwoord en sê vir hulle: Tereg het Jesaja oor julle, geveinsdes, geprofeteer soos geskrywe is: Hierdie volk eer My met die lippe, maar hulle hart is ver van My af. {7:7}  Maar tevergeefs vereer hulle My deur leringe te leer wat gebooie van mense is. {7:8}  Want terwyl julle die gebod van God nalaat, hou julle aan die oorlewering van mense vas: die wassery van kanne en bekers, en ander dergelike dinge van dieselfde aard doen julle baie. {7:9}  En Hy sê vir hulle: Julle verstaan dit goed om die gebod van God opsy te sit en so julle oorlewering te onderhou. ”.

Dit is vir ons maklik om vinger te wys na die Fariseërs en hulle vir hul skynheiligheid te veroordeel, maar is ons enigsins beter as hulle? Hoeveel van ons soek nie ook kreatiewe maniere om by God se gebooie verby te kom nie, veral wat die Sabbat betref? Ons voer verskonings aan of redes om dinge te doen sodat ons sekere Bybelse verbodsbepalings van die Sabat kan systap.

Bileam het gemeen dat hy ‘n manier kon vind om by God se opdragte verby te kom en op een of ander wyse Balak tevrede te stel, God tevrede te stel en nogtans die vergoeding aan hom belowe, te ontvang. Dit was die bedoeling van sy hart, maar kom ons wees eerlik: dit maak nie saak wat ons doen of wat ons voornemens is om te doen nie. God ken altyd die bedoeling van ons harte en oordeel ons daarvolgens.

Jakobus / Ya’acov {4:17} “Wie dan weet om goed te doen en dit nie doen nie, vir hom is dit sonde. ”.

God het ons in Sy Woord beveel wat om nie te doen nie, maar indien ons in ons harte voorgeneem het om dit wel te doen – met die doel om by Sy Woord verby te kom – is die moontlikheid groot dat ons einde ook soos Bileam s’n sal wees – die dood!

Congregation Melech Yisrael alle regte voorbehou

Stel op die proef van wie jy werklik hoor

D’Var Torah 

Balak

Númeri / Bamidbar 22:2 – 25:9 

Miga / Mikhah 5:6 – 6:8 

1 Korínthiërs / Korintim Aleph 1:20 – 31 

Númeri / Bamidbar {22:4} “ Toe sê Moab vir die oudstes van Mídian: Nou sal hierdie menigte opeet alles wat rondom ons is, soos 'n bees die groenigheid van die veld opeet. En Balak, die seun van Sippor, was dié tyd koning van Moab. {22:5} Daarop het hy boodskappers gestuur na Bíleam, die seun van Beor, in Petor wat by die Eufraat is, in die land van die kinders van sy volk, om hom te roep en te sê: Kyk, daar het 'n volk uit Egipte getrek; kyk, hulle het die oppervlakte van die land oordek en staan gelaer teenoor my. {22:6} Kom dan tog nou, vervloek hierdie volk vir my, want hulle is magtiger as ek. Miskien sal ek onder hulle 'n slag kan slaan en hulle uit die land verdrywe. Want ek weet, die een wat jy seën, is geseënd; en die een wat jy vervloek, is vervloek. {22:7} Toe het die oudstes van Moab en die oudstes van Mídian gegaan met waarsêersloon by hulle en by Bíleam gekom en hom die woorde van Balak meegedeel. {22:8} Daarop antwoord hy hulle: Bly vannag hier oor; dan sal ek julle berig bring soos die HERE aan my sal sê. Toe het die vorste van Moab by Bíleam gebly. {22:9} En God het na Bíleam gekom en gesê: Wie is die manne daar by jou? {22:10} En Bíleam het God geantwoord: Balak, die seun van Sippor, die koning van Moab, laat my weet: {22:11} Kyk, daar het 'n volk uit Egipte getrek en hulle het die oppervlakte van die land oordek. Kom nou, vervloek hulle vir my; miskien sal ek hulle kan beveg en hulle verdrywe. {22:12} Toe sê God vir Bíleam: Jy mag nie saam met hulle trek nie, jy mag die volk nie vloek nie, want hulle is geseënd.”. 

Daar bestaan baie menings oor Bíleam (Balaam) – of hy wel ‘n ware profeet van God was aldan nie. Ek is seker ons wysgere en ander het met verduidelikings vorendag gekom waarom en hoe dit moontlik was vir Bíleam om van God te hoor. Een verduideliking is egter so goed soos ‘n ander omdat geeneen van ons daar was nie, met die gevolg dat niemand die antwoord ken nie – dit is ongetwyfeld so. My verduideliking oor hoe Bíleam van God kon gehoor het, is dus net nog een idee te midde van ‘n menigte idees. 

Voordat ek tot die reddende kennis van Jesus die Messias gekom het, was ek ernstig in die okkultisme betrokke. Ek was egter glad nie van my betrokkenheid daarin bewus nie; trouens, ek het gemeen dat ek God gevind het! 

Ja, op ‘n stadium in my lewe – alvorens ek ‘n gelowige geword het – het ek na God gesoek en in dié proses na die sinagoge teruggegaan en my selfs na verskeie denominasies (van kerke) gewend. Interessant genoeg, het geeneen van die kerke wat ek besoek het, ooit verneem of ek gered was of die evangelie (God se verlossingsplan) met my gedeel nie. Ek het egter by een besondere kerk waarmee ek beïndruk was, aansluiting gevind. Hulle het op Sondae dienste gehad en uit sekere dele van die Bybel voorgelees (ofskoon daar in die kerk geen Bybels was nie!). Wat hulle wel gedoen het, wat ek by geen ander kerk teëgekom het nie, was dat hulle hul gemeentelede geleer het hoe om met God te kommunikeer en dit is presies wat ek gesoek het. 

Hulle het dit gedoen deur te leer om, volgens hulle, jou “spirituele gids” te ontvang – ‘n spirituele wese wat jou glo in besit sou neem en jou in God se wysheid sou lei. Deur my deelname aan die eentonige dreunsang en meditasie, was dit nie lank voordat ek my spirituele gids ontvang het nie. Met hierdie gids en na verloop van tyd, het ek spirituele vermoëns en fisiese magte ontwikkel, wat ek vantevore nooit oor beskik het nie. Ek het waarlik gedink dat ek dit eindelik bereik het en met God verbind was. Ek het werklik naby God gevoel. 

Ek het vir langer as vyf jaar onder invloed van hierdie spirituele gids gelewe, terwyl ek heeltyd gedink het dat ek met God kommunikeer, totdat ek eendag deur, wat ek geglo het hierdie gids was, aangesê is om die Bybel te lees. Nadat ek dit gedoen het, het ek besef dat ek nie besig was om met God te kommunikeer nie maar wel met ‘n demoon wat God verpersoonlik het. In my bedroë en verlore toestand, was die stem wat vir my gesê het “lees die Bybel”, in der waarheid God s’n en juis dit het my na die weg van verlossing gelei. Bíleam was ‘n Mesopotamiese sterrewiggelaar wat nie ‘n profeet van God was nie maar iemand wat met demone gekommunikeer het. Eendag het hy werklik van die God van Israel gehoor. God het die demoon wat hy in kontak mee was, kragteloos gemaak, sy mond gesluit en Bíleam tot voordeel van Israel en Sy eer gebruik. Bíleam net soos ek, was nie daarvan bewus, dat die stem wat hy hierdie keer gehoor het, God s’n was nie; hy het bloot die opdragte van wie hy gemeen altyd met hom gepraat het, uitgevoer – die verskil was egter dat dit hierdie keer inderdaad God was. Dit maak nie verskil wat die duiwel wil hê of doen nie, God is altyd in beheer en Hy gebruik wie Hy wil, wanneer Hy wil en hoe Hy wil. 

Daar kan egter ‘n wesenlike gevaar skuil. Net soos ek en Bíleam aanvanklik gedink het ons hoor van God, kan baie mense wat dink hulle van God hoor, in der waarheid ‘n demoon hoor. Dit is dus uiters belangrik om te doen wat Johannes gesê het: 

1 Johannes / Yochanan Aleph {4:1} “Geliefdes, glo nie elke gees nie, maar stel die geeste op die proef of hulle uit God is, want baie valse profete het in die wêreld uitgegaan. {4:2} Hieraan ken julle die Gees van God: elke gees wat bely dat Jesus Christus in die vlees gekom het, is uit God; {4:3} en elke gees wat nie bely dat Jesus Christus in die vlees gekom het nie, is nie uit God nie; en dit is die gees van die Antichris waarvan julle gehoor het dat hy kom, en hy is nou al in die wêreld.”. Wat hier gesê word is dat indien dít wat ons hoor, nie met die Woord van God strook nie, dit nie God is nie. Stel dus op die proef van wie jy werklik hoor; baie mense word bedrieg en is alreeds bedrieg deur demonise geeste wat hulle as God voordoen. 

Congregation Melech Yisrael alle regte voorbehou

Valse Profete: Bedrieër – ‘n Werktuig van die Satan

D’Var Torah 

Balak 

Numeri / Bamidbar 22:2 – 25:9 

Miga / Mikhah 5:6 - 6:8 

1 Korintiërs / Korintim Aleph 1:20 – 31 

Numeri (Bamidbar) {22:41} “En in die môre het Balak Bíleam geneem en hom op die hoogtes van Baäl laat opklim vanwaar hy die kant van die volk kon sien. {23:1} Toe sê Bíleam vir Balak: Bou vir my hier sewe altare en berei vir my hier sewe bulle en sewe ramme. {23:2} En Balak het gedoen soos Bíleam verlang het; en Balak en Bíleam het ‘n bul en ‘n ram op elke altaar geoffer. {23:3} Daarop sê Bíleam vir Balak: Bly by jou brandoffer staan, en ek sal heengaan; miskien sal die HERE my tegemoetkom, en wat Hy my ook al laat sien, sal ek jou bekend maak. En hy het na ‘n kaal heuwel gegaan.”.

Bileam was nie ‘n ware volgeling van God nie. Hy was nie een van God se profete nie en ook nie ‘n lid van die gemeenskap van Israel nie. Hy was ‘n Mesopotamiese astroloog, ‘n waarsêer wat waarskynlik vir homself naam gemaak het as iemand wat ‘n vloek oor mense kon bring. Hoedat hy van die God van Israel te wete gekom het, is onbekend maar ons weet wel dat hy van iets aangaande die aanbidding van God kennis gedra het. 

In die verse hierbo aangehaal, sien ons dat Bileam van die getal sewe gebruik maak. Hierdie getal is God se getal van voltooiing en volmaaktheid. Waarom Bileam dus die getal sewe (sewe altare, sewe bulle en sewe ramme) gekies het, word nie aan ons meegedeel nie, maar ons weet egter dat hy ‘n opportunis was. Uiteindelik het hebsug die oorhand oor hom gekry en het hy geswoeg voor die wense van Balak en sodoende ‘n bose plan teen Israel gesmee. 

Bileam het voorgegee dat hy ‘n man van God is, maar was dit inderdaad nie. Net so het hy homself voorgedoen om ‘n profeet van God te wees, wat hy beslis ook nie was nie; trouens, hy was ‘n bedrieër en werktuig van die satan. 

Die punt wat ek graag hier wil maak, is dat nie elkeen wat homself ‘n gelowige noem, werklik ‘n gelowige is nie. 

Matthéüs (Mattityahu) {7:15} “Maar pas op vir die valse profete wat in skaapsklere na julle kom en van binne roofsugtige wolwe is.”.

Jesus het ons dikwels gewaarsku teen bedrieërs, mense wat voorgee om van God te wees, maar nie is nie. Hy het verwys na koring wat saam met onkruid groei (Matthéüs 13:25). Hy het ons gewaarsku teen diewe (= valse herders) wat van ‘n anderkant af in die skaapstal inklim, in plaas daarvan om by die deur in te gaan (Johannes 10:1-3) en die dief wat net kom om te steel, slag en verwoes (Johannes 10:10). Daar is baie bedrieërs daarbuite en tot my spyt, het ek al talle van hulle deur die jare teëgekom. Daar is selfs ook godsdienstige organisasies wat hulself daarop beroem om Christelik en volgelinge van Jesus die Messias te wees, maar nie is nie. Dit is ontstellend om die voorspoed van hierdie instellings te sien asook die misleiding van hulle volgelinge – maar Jesus het ons ook van hulle vertel. 

2 Timothéüs (Timoteus Bet) {4:3} “want daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ‘n menigte leraars sal versamel volgens hulle eie begeerlikhede,”. 

Daar is ‘n gebed wat ons Donderdae met ons oggendgebed (Shacharit) bid, wat soos volg lui: “U het die mens genadiglik met kennis toegerus en ‘n brose sterfling insig geleer. Rus ons genadiglik vanuit Uself toe met wysheid, insig en kennis. Geseënd is U, o God, genadige Skenker van kennis.” (Vrye vertaling uit Engels) 

Daar is vandag soveel bedrog in die wêreld en soveel valse leermeesters, valse Messiaanse leermeesters ingesluit. Hulle verkondig valse leerstellings en mislei mense daardeur. Ofskoon Bileam uiterlik goed voorgekom het, was hy innerlik net so bedrieglik soos Balak. 

Matthéüs (Mattityahu) {23:25} “Wee julle, skrifgeleerdes en Fariseërs, geveinsdes, want julle maak die buitekant van die beker en die skottel skoon, maar binnekant is dit vol roof en onmatigheid.”.

Waak daarteen om nie tussen diegene te wees wat deur bedrieglike leermeesters en valse profete mislei word nie. Maak gerus die Shacharit-gebed deel van jou daaglikse gebedslewe. Congregation Melech 

Congregation Melech Yisrael alle regte voorbehou